Welcome to Forest Department
No front page content has been created yet.
သတင်းနှင့်ကြေငြာချက်များ
ကရင်ပြည်နယ်၊ဘားအံမြို့တွင် သစ်တောဦးစီးဌာနဦးဆောင်၍ နွေရာသီကျောင်းပိတ်ရက် ၌ ကျောင်းသား/ ကျောင်းသူများအား “သစ်တောနှင့်ဇီဝမျိုးစုံမျိုးကွဲ ထိန်းသိမ်းရေးဆိုင်ရာ အသိ ပညာပေးဟောပြောပွဲ” ကို (၂၆-၄-၂၀၂၄) ရက်နေ့၊ နံနက်ပိုင်းတွင် အမှတ်(၂) အခြေခံပညာ အထက်တန်းကျောင်း ရွှေရတုခန်းမ၌ ကျင်းပပြုလုပ်ရာ ကရင်ပြည်နယ်၊ သစ်တောဦးစီးဌာနမှ လက်ထောက်ညွှန်ကြားရေးမှူး၊ ဦးသူရကျော်-၁ က ခါကာဘိုရာဇီရေခဲတောင် ဇီဝမျိုးကွဲများ အကြောင်း လေ့လာသုံးသပ်တင်ပြခြင်းနှင့် ဘားအံခရိုင် ၊ လက်ထောက်ညွှန်ကြားရေးမှူး ၊ ဦးပုမ်ဇဂင့်နှင့် ဘားအံမြို့နယ်၊ ဦးစီးအရာရှိ ဦးသန့်ဇင်ထွန်းတို့က သစ်တောနှင့်ဇီဝမျိုးစုံမျိုးကွဲ ဆိုင်ရာ အသိပညာပေးခြင်းနှင့် သစ်တောများနှင့် ရာသီဥတုပြောင်းလဲမှုလျော့ချရေး အကြောင်း အရာများနှင့် သစ်တောများနှင့် ရေဝေရေလဲဒေသများ ထိန်းသိမ်းရေး သစ်တောများမှပေးစွမ်း နိုင်သော အကျိုးကျေးဇူးများအကြောင်းကို ရှင်းလင်းဆွေးနွေးခဲ့ကြပါသည်။ ဟောပြောပွဲသို့ ဆရာ/ ဆရာမနှင့် ကျောင်းသား/ ကျောင်းသူစုစုပေါင်း (၁၃၇)ဦး တက်ရောက်ခဲ့ကြောင်း သတင်း ရရှိပါသည်။
ရှမ်းပြည်နယ်၊ တောင်ကြီးမြို့နယ်၊ ဇလဲကျေးရွာ၊ အခြေခံပညာအထက်တန်းကျောင်းတွင် သစ်တောဦးစီးဌာနဦးဆောင်၍ နွေရာသီကျောင်းပိတ်ရက်၌ ကျောင်းသား/ ကျောင်းသူများအား “သစ်တောနှင့်ဇီဝမျိုးစုံမျိုးကွဲ ထိန်းသိမ်းရေးဆိုင်ရာ အသိပညာပေးဟောပြောပွဲ” ကျင်းပပြုလုပ် ရာ တောင်ကြီးမြို့ခရိုင်ရုံးမှ ဦးစီးအရာရှိ၊ ဦးသူရထိုက်အောင်က သစ်တောများနှင့် ရာသီဥတု ပြောင်းလဲမှုလျော့ချရေး ရေဝေရေလဲဒေသ ထိန်းသိမ်းရေးလုပ်ငန်းများအကြောင်း ဟောပြော ခြင်း၊ တောင်ကြီးမြို့နယ်၊ ဦးစီးအရာရှိ ၊ ဦးမင်းအောင်ကျော်ဦးနှင့် နယ်မြေသစ်တောတာဝန်ခံ တောအုပ်ကြီး၊ ဦးတင်ဆန်းက သစ်တောများမှ ပေးစွမ်းနိုင်သော အကျိုးကျေးဇူးများအကြောင်း ဟောပြောဆွေးနွေးကြပြီး လွယ်တော်သစ်တောပျိုးဥယျာဉ်တွင် ပျိုးထောင်ခြင်းလုပ်ငန်းစဉ် များအား ရှင်းလင်းပြသခြင်းများ ဆောင်ရွက်ခဲ့ကြောင်း သိရှိရပါသည်။
တနင်္တာရီတိုင်းဒေသကြီး၊ သစ်တောဦးစီးဌာနဦးဆောင်၍ အမှတ်(၁)အခြေခံပညာ အထက်တန်းကျောင်း၊ ထားဝယ်မြို့တွင် နွေရာသီကျောင်းပိတ်ရက်၌ ကျောင်းသား/ ကျောင်းသူ များအား“ သစ်တောနှင့်ဇီဝမျိုးစုံမျိုးကွဲထိန်းသိမ်းရေးဆိုင်ရာ အသိပညာပေးဟောပြောပွဲ”ကျင်းပ ပြုလုပ်ရာ ထားဝယ်ခရိုင်၊ လက်ထောက်ညွှန်ကြားရေးမှူး၊ ဦးလွင်ကိုဦးနှင့် ထားဝယ်မြို့နယ်၊ ဦးစီးအရာရှိ၊ ဦးရဲဝင်းအောင်တို့က ကျောင်းသား/ ကျောင်းသူများအား သစ်တောသစ်ပင်နှင့် ဇီဝ မျိုးစုံမျိုးကွဲများကို ချစ်ခင်မြတ်နိုးလာစေရန် ၊ ရာသီဥတုပြောင်းလဲမှုကို သိရှိနားလည်စေပြီး သစ်တောများမှ လူသားများနှင့် ဇီဝမျိုးစုံမျိုးကွဲများအပေါ် အထောက်အကူပြုပေးသည့် အကြောင်းအရင်းများကို သိရှိစေရန်နှင့် သစ်တောသစ်ပင်များ၏ အရေးပါမှုအားသိရှိပြီး ပူးပေါင်း ဆောင်ရွက်နိုင်ရန်တို့အတွက် သစ်တောများနှင့် ရာသီဥတုပြောင်းလဲမှုလျော့ချရေး ၊ သစ်တော များနှင့် ရေဝေရေလဲဒေသများစသည်တို့ကို ရှင်းလင်းဆွေးနွေးခဲ့ကြပါသည်။ ဟောပြောပွဲသို့ ဆရာ/ ဆရာမနှင့် ကျောင်းသား/ ကျောင်းသူစုစုပေါင်း(၅၅)ဦး တက်ရောက်ခဲ့ကြောင်း သတင်းရရှိ ပါသည်။
နွေရာသီကျောင်းပိတ်ရက်၌ ကျောင်းသား/ကျောင်းသူများအား "သစ်တောနှင့်ဇီဝမျိုးစုံမျိုးကွဲ ထိန်းသိမ်းရေးဆိုင်ရာအသိပညာပေးအစီအစဉ်အရ ၂၆-၄-၂၀၂၄ရက်နေ့ ၊နံနက်ပိုင်းတွင် မန္တလေးတိုင်းဒေသကြီး၊ ချမ်းအေးသာစံမြို့နယ်၊ လူမှုဝန်ထမ်းဦးစီးဌာန၊ အမျိုးသမီးကလေးများ သင်တန်းကျောင်း (လမ်း၃၀၊ ၆၃ x ၆၄ လမ်းကြား)၊ စုဝေးခန်းမတွင် မန္တလေးခရိုင်၊ သစ်တောဦးစီးဌာန၊ လက်ထောက်ညွှန်ကြားရေးမှူး၊ ဦးမြအောင်နှင့် ရမည်းသင်းခရိုင်၊ သစ်တောဦးစီးဌာန၊ လက်ထောက်ညွှန်ကြားရေးမှူး ဦးသိန်းသန်းထွန်းတို့ ဦးဆောင်၍ ''မြန်မာနိုင်ငံ၏ သစ်တောဂေဟစနစ်ထိန်းသိမ်းရေးလုပ်ငန်းများ''ဆိုင်ရာ အသိပညာပေး ဟောပြောပွဲကျင်းပ ဆောင်ရွက်ခဲ့ပါသည်။ ထို့နောက် ဆရာမများနှင့် ကျောင်းသူများအား သစ်တောသစ်ပင် စိုက်ပျိုးခြင်း နည်းစနစ်မှန်ကန်သိရှိစေရန် သရုပ်ပြ၍ ကျောင်းဝင်းအတွင်း အမှတ်တရ ပျိုးပင်များ စိုက်ပျိုးခြင်းကို စုပေါင်းဆောင်ရွက်ခဲ့ပါသည်။
၂၀၂၄-၂၀၂၅ ဘဏ္ဍာနှစ် မြန်မာနိုင်ငံသစ်တောများ ပြန်လည်တည်ထောင်ရေးလုပ်ငန်းများ၊ ရငွေနှင့််ထုတ် လုပ်မှုလျာထားချက်များ ပြည့်မီစွာ အကောင်အထည်ဖော်ဆောင်ရွက်နိုင်ရေး လုပ်ငန်းညှိနှိုင်းအစည်းအဝေး ဒုတိယ နေ့ကို ၂၆-၄-၂၀၂၄ ရက်နေ့ နေ့လယ် ၁၃:၀၀ နာရီတွင် သစ်တောဦးစီးဌာနရုံးချုပ်၊ အင်ကြင်းခန်းမ၌ ကျင်းပ ပြုလုပ်ရာ သစ်တောဦးစီးဌာန၊ ညွှန်ကြားရေးမှူးချုပ် ဒေါက်တာသောင်းနိုင်ဦးနှင့် ဒုတိယညွှန်ကြားရေးမှူးချုပ်များ၊ ဦးစီးရုံးချုပ်နှင့် နေပြည်တော်၊ပြည်နယ်/တိုင်းဒေသကြီးများမှ ညွှန်ကြားရေးမှူးများ၊ တာဝန်ရှိသူများ တက်ရောက် ကြပါသည်။
သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ သစ်တောဦးစီးဌာန ဝန်ထမ်းမိသားစုက မြန်မာသက္ကရာဇ် ၁၃၈၆ ခုနှစ်သို့ ကူးပြောင်းသည့် အချိန်အခါသမယကို ကြိုဆိုသောအားဖြင့် မြန်မာ့ရိုးရာမဟာသင်္ကြန်အကြို ပျော်ပွဲရွှင်ပွဲနှင့် စတုဒီသာကျွေးမွေးခြင်း အခမ်းအနားကို ၂၀၂၄ ခုနှစ်၊ ဧပြီလ ၁၂ ရက်နေ့ နေ့လယ်ပိုင်းတွင် သစ်တောဦးစီးရုံးချုပ် အင်ကြင်းခန်းမတွင် ကျင်းပပြုလုပ်ရာ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး၊ ဦးခင်မောင်ရီ တက်ရောက်၍ မြန်မာ့နှစ်သစ်ကူးအမှာစကားမြွတ်ကြားခဲ့ပါသည်။
သစ်တောဦးစီးဌာန၊ တနင်္သာရီသဘာဝကြိုးဝိုင်းစီမံကိန်းတွင် စီမံကိန်းကာလအတွင်း လစ်လပ်လျှက်ရှိသော အောက်ဖော်ပြပါ ကင်းလှည့်ထိန်းသိမ်းရေးဝန်ထမ်းနေရာအတွက် သတ်မှတ်အရည်အချင်းများနှင့် ကိုက်ညီသောသူများ လျှောက်ထားနိုင်ပါသည်-
သစ်တောဦးစီးဌာန၊ တနင်္သာရီသဘာဝကြိုးဝိုင်းစီမံကိန်းတွင် စီမံကိန်းကာလအတွင်း လစ်လပ်လျှက်ရှိသော အောက်ဖော်ပြပါ ကင်းလှည့်ထိန်းသိမ်းရေးဝန်ထမ်းနေရာအတွက် သတ်မှတ်အရည်အချင်းများနှင့် ကိုက်ညီသောသူများ လျှောက်ထားနိုင်ပါသည်-