၁၀-၄-၂၀၂၀ရက်နေ့တွင် ရန်ကုန်တိုင်းဒေသကြီးလှည်းကူးမြို့နယ် သစ်တောဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်းများ၊သစ်တောလုံခြုံရေးရဲတပ်ဖွဲ့ဝင်များနှင့်အတူ တောဆင်ရိုင်းများအား သတ်ဖြတ်ခံရမှုမရှိစေရေး ကင်းလှည့်စစ်ဆေးစဉ် ပေါင်းလင်းကြိုးဝိုင်းအကွက်အမှတ်(၇၃)သရက်ခေါက်ပင်စခန်းအနီးတွင် အခြားခွဲသား(သပြေ ၊တောင်သင်္ဘော)(၈၀)ချောင်း(၃.၁၅၂၂)တန်အား ရှာဖွေဖောထုတ်ဖမ်းဆီးရမိခဲ့ပါသည်။ ထို့နောက် ရန်ကုန်တိုင်းဒေသကြီး စစ်ဌာနချုပ်အောက်ရှိခလရ(၈၂) မှ ဗိုလ်ကြီး ကောင်းမြတ်ဟိန်းနှင့်အတူ တရားမဝင်သစ်ဖမ်းဆီးခြင်း ဆက်လက်ဆောင်ရွက်ရာ ပေါင်းလင်းကြိုးဝိုင်းအကွက်အမှတ် (၇၈)တွင် အဆုံလေးစခန်းအနီးတွင် တရားမဝင် ပျဉ်းကတိုးခွဲသား(၁၀)ချောင်း(၀.၃၂၉၂ )တန်အားလည်းကောင်း၊ ပေါင်းလင်းကြိုးဝိုင်းအကွက်အမှတ် (၇၈)ပုတ်သင်ညို လမ်းခွဲအနီးတွင် အခြားခွဲသား ဆိုဒ်စုံအချောင်း(၁၀၀)ကျော် ခန့်မှန်းတန်(၆)တန်ခန့်အားလည်းကောင်း၊ ဖောင်ကြီးအရှေ့ ပန်းတောကုန်းကျေးရွာ အရှေ့ဘက် လယ်ကွင်းအစပ်မှ အခြားခွဲသား(၈၀)ချောင်း(၄)တန်ခန့် ဖမ်းဆီးရမိခဲ့ပါသည်။