၂၄-၇-၂၀၂၀ ရက်နေ့တွင် စစ်ကိုင်းတိုင်းဒေသကြီး၊ ကသာခရိုင်၊ ဝန်းသိုမြို့နယ်၊ သစ်တောဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်းများအဖွဲ့သည် ဝန်းသိုမြို့နယ်၊ နမ်းခမ်းကြိုးဝိုင်း(၃၄) အတွင်းနှင့် ဘုံချောင်းရွာမြောက်ဘက် (၁)မိုင်ခန့်အကွာ၊ နင်ချောင်းအရှေ့ဘက်ကမ်းပါးအနီးနေရာများမှ တရားမဝင် ကျွန်း သစ်/ခွဲသား (၉၂)လုံး/ချောင်း (၁၁)တန်၊ လှေ (၁)စီး၊ လွှဝိုင်း(၁)ဝိုင်းနှင့်ဆက်စပ်ပစ္စည်း များအား ဖမ်းဆီးစဉ် တစ်ဦးတစ်ယောက်မျှတွေ့ရှိခြင်းမရှိဘဲ ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက် လျက်ရှိပါသည်။