ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာန သစ်တောဦးစီးဌာနသည် ကြိုးဝိုင်း၊ကြိုးပြင်ကာကွယ်တောနှင့် သဘာဝ ထိန်းသိမ်းရေး နယ်မြေများဟူ၍ အဆင့်ဆင့်ခွဲခြား သတ်မှတ်အကောင်အထည်ဖော် ဆောင်ရွက်လျက်ရှိသည့်အပြင် တရားမဝင်သစ်နှင့်သစ်တော ထွက်ပစ္စည်းများ ခိုးယူထုတ်လုပ်ခြင်းလုပ်ငန်းများကို ပြည်သူလူထုပူးပေါင်းပါဝင်မှုဖြင့် စီမံချက် ချမှတ်၍ ဖမ်းဆီးအရေးယူ ဆောင်ရွ က်လျက်ရှိပါသည်။ နေပြည်တော်သစ်တောဦးစီးဌာနမှ တရားမဝင် သစ်နှင့်သစ်တောထွက်ပစ္စည်းဖမ်းဆီးရေး အဖွဲ့သည် (၁၇.၁၂.၂၀၁၃) ရက်နေ့တွင်ဇမ္ဗူသီရိမြို့နယ်သပြေကုန်းအဝိုင်းအရှေ့ဘက်မှ တရားမဝင် မီးသွေး(၄၅)ပေါင်ဝင် (၁၅)အိတ် (၂.၄)တန်အား ယာဉ်အမှတ်၂ဟ/၉၈၀၈ သုံးဘီးဆိုင်ကယ်နှင့် အတူ ဦးစိုးနိုင်ဝင်း (ယာဉ်မောင်း/မီးသွေးပိုင်ရှင်)၊ ရွှေကြာပင်ရပ် ဇမ္ဗူသီရိမြို့နယ်အား ဖမ်းဆီး မိ၍ သစ်တော ဥပဒေပုဒ်မ၄၁(က)အရလည်းကောင်း၊ (၂၁.၁၂.၂၀၁၃)ရက်နေ့တွင် လယ်ဝေး မြို့နယ်တွင် မြို့ရှောင်လမ်းရုံးပင် တံတားမြောက်ဘက်အနီးတွင် တရားမဝင် ကျွန်းသစ်/တိုင် (၃၅)လုံး (၁.၇၄၄၀)တန်အား ယာဉ်အမှတ်၊ ၉ဌ/၁၄၄၈၀ (ဖောကား)(၁)စီးနှင့်အတူ ယာဉ်မောင်း ဦးမောင်ထွန်း (ပျဉ်းမနား)မြို့နယ်နှင့် ယာဉ်ပေါ်ပါသူ (၃)ဦးတို့အား ဖမ်းဆီးရမိပြီး သစ်ပိုင်ရှင် ကိုနိုင်ဌေး(လယ်ဝေးမြို့နယ်)မှာ ထွက်ပြေးတိမ်းရှောင်နေသဖြင့် တရားခံများအား သစ်တော ဥပဒေပုဒ်မ၄၃(က)အရလည်းကောင်း အရေးယူထားကြောင်း သိရှိရသည်။ မန္တလေးတိုင်းဒေသကြီး ပုသိမ်ကြီးမြို့နယ်မှ သစ်တောဝန်ထမ်းများသည်(၁၅-၁၂-၂၀၁၃) ရက်နေ့တွင် ပုသိမ်ကြီးမြို့နယ် အေသုံးလုံး ဘိလပ်မြေစက်ရုံအနီး ရဲရွာရေအား လျှပ်စစ်သွား ကားလမ်းပေါ်မှ တရားမဝင် တမလန်းဓားရွေ (၁.၄၃၄၆)တန်အား နံပါတ်မပါသော ထော်လာဂျီ နှင့်အတူ ယာဉ်မောင်း ဦးမောင်မြင့်၊ ပြင်ဦးလွင်မြို့တို့အား ဖမ်းမိ၍ သစ်ပိုင်ရှင်မှာ ဦးစိုးမင်း ပြင်ဦးလွင်မြို့တို့ဖြစ်ပြီး တရားခံ(၂)ဦးအား သစ်တောဥပဒေပုဒ်မ ၄၂(ခ)အရ လည်းကောင်း၊ (၂၀-၁၂-၂၀၁၃) ရက်နေ့တွင် မြောင်မြစ်တိမ်အင်းစပ် သရက်တပင်ကျေးရွာအနီးမှ တရားမဝင် အင်ပကာ(၅.၉၁၃၆)တန်အား ယာဉ်အမှတ်၂ခ/၈၇၃၂ ယူဒီကောင်တာ(၁)စီးနှင့်အတူ ယာဉ်မောင်း ဦးကျော်သူဝင်း ပုသိမ်ကြီး၊ သစ်ပိုင်ရှင်- ဦးဝင်းမြင့် ကသာမြို့တို့အား ဖမ်းမိ၍ သစ်တောဥပဒေ ပုဒ်မ၄၁(က)အရလည်းကောင်း၊ မန္တလေးခရိုင်မှ သစ်တောဝန်ထမ်းများသည် (၂၀-၁၂-၂၀၁၃) ရက်နေ့တွင် အမရပူရမြို့နယ်မှန်တန်းရပ် တိုးချဲ့(၄)ပဲ့ပါမင်းကြီး ဘုန်ကြီးကျောင်းအနီးမှ တရား မဝင် ပိတောက်နှင့် တမလန်း(၀.၆၃၈၆)တန်အား ယာဉ်အမှတ် ၁ခ/၉၀၂၆ အီးဇူးဇူး ယာဉ်မောင်း ဦးခင်မောင်ဝင်းတို့အား ဖမ်းမိ၍ သစ်တောဥပဒေပုဒ်မ ၄၂(ခ)အရ လည်းကောင်း အရေးယူထား ကြောင်း သိရှိရသည်။ အဆိုပါ နေရာ၌ပင် တရားမဝင် တမလန်းသစ် (၁၅.၄၆၈၈)တန်အား ပိုင်ရှင်မဲ့ ဖမ်းဆီးရမိကြောင်း သတင်းရရှိပါသည်။