သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

သစ်တော၊ သတ္တုနှင့် ပတ်ဝန်းကျင်ဆိုင်ရာ ကဏ္ဍ(၃)ရပ် သုတေသနပူးပေါင်းဆောင်ရွက်ရေးအဖွဲ့ Technical Working Group အစည်းအဝေးကို ၂၆-၁၂-၂၀၂၄ ရက်နေ့၊ နေ့လယ် (၁၃:၃၀) နာရီတွင် သစ်တောဦးစီးဌာန၊ အင်ကြင်းခန်းမတွင် ကျင်းပပြုလုပ်ရာ သစ်တော၊သတ္တုနှင့်ပတ်ဝန်းကျင် ဆိုင်ရာ ကဏ္ဍ (၃)ရပ် သုတေသနပူးပေါင်းဆောင်ရွက်ရေးအဖွဲ့ Technical Working Group ကော်မတီဥက္ကဌ၊ သစ်တော ဦးစီးဌာန ဒုတိယညွှန်ကြားရေးမှူးချုပ် (မူဝါဒနှင့် စီမံကိန်း) နှင့်အဖွဲ့ဝင်များဖြစ်သည့် သက်ဆိုင်ရာ ဦးစီး ဌာန၊ လုပ်ငန်းဌာနများနှင့် တက္ကသိုလ်မှ ညွှန်ကြားရေးမှူးများ၊ အထွေထွေမန်နေဂျာများ၊ ပါမောက္ခ၊ ဒုတိယ ညွှန်ကြားရေးမှူးများ၊လက်ထောက်ညွှန်ကြားရေးမှူးများ နှင့်သုတေသီများ တက်ရောက်ကြသည်။ အစည်းအဝေးတွင် သစ်တောဦးစီးဌာန၊ ဒုတိယညွှန်ကြားရေးမှူးချုပ်က အဖွင့်အမှာစကားပြောကြား ရာတွင် မြေပေါ်မြေအောက်သယံဇာတများရေရှည်တည်တံ့စေရေးအတွက် သစ်တော၊ သတ္တုနှင့် ပတ်ဝန်း ကျင်ဆိုင်ရာ ကဏ္ဍ(၃)ရပ် ပူးပေါင်းဆောင်ရွက်ရေး သုတေသနများ၏အရေးပါပုံ နှင့် ယနေ့ အစည်းအဝေး မှတစ်ဆင့် သစ်တော၊ သတ္တုနှင့် ပတ်ဝန်းကျင်ကျင်ဆိုင်ရာ ကဏ္ဍ(၃)ရပ် ပါဝင်တဲ့ Integrated Research ကို လက်တွေ့ပူးပေါင်းအကောင်အထည်ဖော်ဆောင်ရွက်နိုင်ရေး ၂၀၂၅-၂၆ ဘဏ္ဍာနှစ်တွင် ဦးစားပေး ဆောင်ရွက်မည့် သုတေသနများ ဖော်ထုတ်နိုင်ဖို့ ဝိုင်းဝန်းအကြံပြုဆွေးနွေးပေးကြရန် လမ်းညွှန်မှာကြားခဲ့ပြီး တက်ရောက်လာသည့် Technical Working Group အဖွဲ့ဝင်များက သစ်တော၊ သတ္တုနှင့် ပတ်ဝန်း ကျင်ဆိုင်ရာ ပူးပေါင်းသုတေသနများ ဖော်ထုတ်ဆွေးနွေးခြင်းနှင့်အတူ ရွေးချယ်အတည်ပြုခဲ့သည့် သုတေ သနလုပ်ငန်းများ ဆောင်ရွက်သင့်သည့် နေရာဒေသ၊ ရန်ပုံငွေရရှိမှုနှင့် ဆက်လက်ဆောင်ရွက်မည့် အစီအစဉ်များကို ချမှတ်နိုင်ခဲ့ကြောင်း သတင်းရရှိပါသည်။

အမျိုးသားကန်တော်ကြီးဥယျာဉ် နှစ်(၁၀၀) ပြည့် အထိမ်းအမှတ် အလုပ်ရုံဆွေးနွေးပွဲကို ယနေ့နံနက် ၀၈:၃၀ နာရီတွင် ပြင်ဦးလွင်အမျိုးသားအထိမ်းအမှတ်ဥယျာဉ်၊ ရှင်းလင်းဆောင် တွင် ကျင်းပပြုလုပ်ရာ မန္တလေးတိုင်းဒေသကြီးအစိုးရအဖွဲ့ ဝန်ကြီးချုပ်နှင့် အစိုးရအဖွဲ့ဝန်ကြီး များ၊ သစ်တောဦးစီးဌာန၊ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်၊ စစ်ကိုင်း တက္ကသိုလ် ၊ မန္တလေးတက္ကသိုလ်၊ ရတနာပုံတက္ကသိုလ်၊ သစ်တောနှင့် ပတ်ဝန်းကျင်ဆိုင်ရာ တက္ကသိုလ်၊ ဟုမ္မလင်းဒီဂရီကောလိပ်တို့မှ ပါမောက္ခချုပ်၊ ပါမောက္ခများ၊ ဆရာ/ဆရာမများ၊ ဂျပန်နိုင်ငံ၊ National Museum of Nature and Science (NMNS) ၊ တရုတ်နိုင်ငံ၊ Xishuangbanna Tropical Botanical Garden, Chinese Academy of Sciences (XTBG, CAS) နှင့် ထိုင်းနိုင်ငံ Mae Fah Lung Foundation တို့မှ ပါမောက္ခများနှင့် ကျွမ်းကျင်သူများ၊ ပြင်ဦးလွင်မြို့ရှိ ဆက်စပ်ဌာနဆိုင်ရာများ၊ အဖွဲ့အစည်းများမှ ကိုယ်စားလှယ်များ၊ ရပ်မိရပ်ဖ များ၊ ပန်းဝါသနာရှင်များ၊ ပန်းစိုက်ပျိုးထုတ်လုပ်သူပညာရှင်များ၊ အမျိုးသားကန်‌တော်ကြီး ဥယျာဉ်မှ ရုက္ခဗေဒပညာရှင်များနှင့် ဖိတ်ကြားထားသူများ စုစုပေါင်း (၇၀)ဦး တက်ရောက်ကြ ပါသည်။ အခမ်းအနား၌ မန္တလေးတိုင်းဒေသကြီးအစိုးရအဖွဲ့ ဝန်ကြီးချုပ်က အဖွင့်အမှာစကား ပြောကြားရာတွင် ယနေ့ဆွေးနွေးပွဲမှတစ်ဆင့် အပင်မျိုးစိတ်များ ထိန်းသိမ်းခြင်း၊ သိပ္ပံနည်းကျ သုတေသနပြုခြင်း၊ ပန်းမန်စိုက်ပျိုးခြင်း၊ အသိပညာပေးခြင်းနှင့် သဘာဝအရင်းအမြစ်များကို ရေရှည်တည်တံ့စွာ အသုံးချခြင်း အစရှိသည့် အကျိုးကျေးဇူးများကို ပေးစွမ်းလျက်ရှိသည့် “ရုက္ခဗေဒ ဥယျာဉ်” တစ်ခုဖြစ်သည့် အမျိုးသားကန်တော်ကြီးဥယျာဉ် အောင်မြင်စွာဖွံ့ဖြိုး တိုးတက်စေရေး အထောက်အကူပြုနိုင်မည့် နည်းလမ်းများကို ဖော်ထုတ်နိုင်ဖို့ ဝိုင်းဝန်း အကြံပြုဆွေးနွေးတင်ပြပေးကြရန် လမ်းညွှန်မှာကြားခဲ့ပြီး အလုပ်ရုံဆွေးနွေးပွဲ တက်ရောက် လာသည့် ပြည်တွင်း/ပြည်ပမှ ရုက္ခဗေဒနှင့် ဥယျာဉ်ဆိုင်ရာ ကျွမ်းကျင်သူများနှင့် ခင်မင် ရင်းနှီးစွာ နှုတ်ဆက်ခဲ့ပါသည်။ အလုပ်ရုံဆွေးနွေးပွဲ ကျင်းပရာတွင် တက်ရောက်လာသည့် ကျွမ်းကျင်ပညာရှင်များက ရှင်းလင်းတင်ပြခြင်း၊ အုပ်စုဖွဲ့ဆွေးနွေးခြင်း၊ ဆွေးနွေးမှုရလဒ်များ အား တင်ပြခြင်း၊ အမျိုးသားကန်တော်ကြီးဥယျာဉ် နှစ် (၁၀၀) ပြည့်အထိမ်းအမှတ်နှင့် ပန်းပွဲတော်အား လှည့်လှည်ကြည့်ရှုခြင်းတို့ ဆောင်ရွက်ခဲ့ကြောင်း သတင်းရရှိပါသည်။

(၂၀.၁၂.၂၀၂၄) ရက်နေ့၊ နံနက် (၉:၃၀) နာရီအချိန်တွင် ကိုရီးယားသစ်တောဌာန FD- KFS REDD+ စီမံကိန်း၏ ပံ့ပိုးကူညီမှုဖြင့်သစ်တောဦးစီးဌာန၊ညွှန်ကြားရေးမှူး ချုပ်ရုံး၊ အင်ကြင်းခန်းမ ၌"သစ်တောပြစ်မှုများတရားစွဲဆိုရာတွင် လိုက်နာရမည့် လုပ်ထုံး လုပ်နည်းများ (SOP for Prosecution of Forest Crimes) အတည်ပြုပြဌာန်း နိုင်ရေးအတွက် Brainstorming ဆွေးနွေးပွဲ" ကျင်းပဆောင်ရွက်ရာ သစ်တောဦးစီးဌာန၊ ညွှန်ကြားရေးမှူးချုပ် ဒေါက်တာသောင်းနိုင်ဦးတက်ရောက် အဖွင့်အမှာစကား ပြောကြားခဲ့ပြီး အခမ်အနားအစီအစဥ်အရ ဒုတိယညွှန် ကြားရေးမှူးချုပ်(စီမံခန့်ခွဲရေး)၊ ဦးကျော်ဇေယျမှ သစ်တောပြစ်မှုများအမှုဖွင့်တရားစွဲဆိုရာတွင် လိုက်နာရမည့်လုပ်ထုံးလုပ်နည်း (SOP) အားရေးဆွဲခြင်းနှင့်ပတ်သက်၍ အမှာစကားပြောကြားခဲ့သည်။ ဆက်လက်၍ သစ်တောဦးစီးဌာန၊ညွှန်ကြားရေးမှူး ချုပ်ရုံး၊ စစ်ဆေးရေးဌာန၊ ဒုတိယညွှန်ကြားရေးမှူးက သစ်တောမှုများ တရားစွဲဆိုရာတွင် လိုက်နာရမည့် လုပ်ထုံးလုပ်နည်း(SOP)(မူကြမ်း)အပေါ် ဦးစီးရုံးချုပ် ဌာနများနှင့် ပြည်နယ်/ တိုင်းဒေသကြီးများမှ ပြင်ဆင်ပေးပို့လာသည့် (SOP)(မူကြမ်း) (ပထမအကြိမ်) ပြင်ဆင်ထားရှိမှုအား ရှင်းလင်းတင်ပြမှုအပေါ် ဆွေးနွေးပွဲသို့ တက်ရောက်လာသူများမှသစ်တောမှုများ တရားစွဲဆိုရာတွင် လိုက်နာရမည့် လုပ်ထုံးလုပ်နည်း (SOP)(မူကြမ်း)နှင့်ပတ်သက်၍ လုပ်ငန်းစဉ်တစ်ခုချင်းအလိုက် ဖြည့်စွက်ပြင်ဆင်ဆွေးနွေး အတည်ပြုခြင်းများ ဆောင်ရွက်ခဲ့ကြပါသည်။ အဆိုပါဆွေးနွေးပွဲကို သစ်‌‌‌တောဦးစီးဌာန၊ ညွှန်ကြားရေးမှူးချုပ်ရုံးမှ တာဝန်ရှိသူများ၊ ပြည်ထောင်စုနယ်မြေ၊ ပြည်နယ်နှင့်တိုင်း‌ဒေသကြီး၊ သစ်တောဦးစီးဌာနများမှ အရာထမ်း (၄၆) ဦး တက်ရောက်ဆွေးနွေးခဲ့ကြပါသည်။