Welcome to Forest Department

No front page content has been created yet.

သတင်းနှင့်ကြေငြာချက်များ

ဧရာဝတီတိုင်း​​ဒေသကြီး၊ လပွတ္တာမြို့နယ်၊ လက်ပံကုန်းကျေးရွာအပါအဝင် ပင်လယ်ကမ်းစပ်ဒေသကျေးရွာများ၏ ပညာရေးနှင့် လမ်းပန်းဆက်သွယ်ရေးဆိုင်ရာလိုအပ်ချက်များဖြစ်သည့် ကျေးလက်ဒေသဖွံ့ဖြိုးရေးအလို့ငှာ ပတ်ဝန်းကျင်ထိန်းသိမ်းရေးနှင့်သစ်တောရေးဝန်ကြီးဌာန၊ သစ်တောဦးစီးဌာန ဝန်ထမ်းအသီးသီး၏ စေတနာသဒ္ဓါတရားဖြင့် ကူညီဆောင်ရွက်ခဲ့မှုအပေါ် ဒေသခံကျေးလက်ပြည်သူများ၏ တုံ့လှည့်မေတ္တာကို သိရှိနိုင်ရန်အလို့ငှာ မျှဝေပါသည်။

မြန်မာ-ဂျပန်ချစ်ကြည်ရေးအတွက် ရည်ရွယ်၍ သစ်တောဦးစီးဌာနနှင့် ဂျပန်နိုင်ငံ AEON Environmental Foundation တိုးပူးပေါင်း၍ ပထမအကြိမ် မိုးရာသီသစ်ပင်စိုက်ပွဲတော်ကို တိုက်ကြီးမြို့နယ်၊ တောင်လှိုင်ရိုးမသစ်တောကြိုးဝိုင်း၊ အကွက်အမှတ် (၁၂)နှင့် (၁၃)အတွင်း ၂၀၁၃ခုနှစ်၊ ဇူလိုင်လ (၂၁)ရက်နေ့တွင် ကျင်းပပြုလုပ်ခဲ့ပြီး သစ်ပင်ပေါင်း (၆၀၀၀) (၁၁)ဧက စိုက်ပျိုးနိုင်ခဲ့၊ ဒုတိယအကြိမ်ကိုလည်း ပထမအကြိမ်ကျင်းပခဲ့သည့်နေရာနှင့် တစ်ဆက်တည်းရှိ မြေဧရိယာ (၁၅)ဧကပေါ်တွင် သစ်ပင်ပေါင်း (၈၀၀၀)အား ၂၀၁၄ခုနှစ်၊ ဇူလိုင်လ (၂၀)ရက် နေ့တွင် စိုက်ပျိုခဲ့၊ ယခု တတိယအကြိမ်သစ်ပင်စိုက်ပွဲအား ယခင်စိုက်ပျိုးခဲ့သည့် နေရာနှင့် တစ်ဆက်တည်းရှိ မြေဧရိယာ (၂၀)ဧကပေါ်တွင် သစ်ပင်ပေါင်း (၁၀၀၀၀) အား ၂၀၁၅ခုနှစ် ဇူလိုင်လ (၁၈)ရက်နေ့တွင် စိုက်ပျိုးခဲ့ပါသည်။

ပတ်ဝန်းကျင်ထိန်းသိမ်းရေးနှင့်သစ်တောရေးရာဝန်ကြီးဌာန၊ သစ်တောဦးစီးဌာနနှင့် အပြည်ပြည်ဆိုင်ရာ သဘာဝထိန်းသိမ်းရေးအဖွဲ့ (IUCN) တို့ ပူးပေါင်း၍ ဆောင်ရွက်လျက် ရှိသော နိုင်ငံအဆင့် ဇီဝမျိုးစုံမျိုးကွဲဆိုင်ရာ မဟာဗျူဟာနှင့် လုပ်ငန်းစီမံချက် (NBSAP) Update ပြုလုပ်ရေး လုပ်ငန်းစဉ်တစ်ရပ်အဖြစ် “မြန်မာနိုင်ငံ ဇီဝမျိုးစုံမျိုးကွဲ အချက်အလက် များ ဖြန့်ချိဖလှယ်ရေးစနစ် ရေးဆွဲအကောင်အထည်ဖော်ရေးဆိုင်ရာ အလုပ်ရုံဆွေးနွေးပွဲ Workshop on Myanmar Biodiversity Clearing-House Mechanism - CHM” ကို ၂၀၁၅ ခုနှစ်၊ ဇူလိုင်လ ၁၅ ရက်မှ ၁၆ ရက်နေ့အထိ Grand Amara Hotel ၊ နေပြည်တော်၌ ကျင်းပခဲ့ကြောင်းသတင်းရရှိပါသည်။

မြန်မာနိုင်ငံသည် ကုလသမဂ္ဂ ပညာရေး၊ လူမှုရေးနှင့် ယဉ်ကျေးမှုဆိုင်ရာအဖွဲ့အစည်း (UNESCO)၏ အဖွဲ့ဝင်နိုင်ငံတစ်နိုင်ငံဖြစ်သည့် အားလျော်စွာ အဖွဲ့၏ လုပ်ငန်းအစီအစဉ်များ ဖြစ်သော သဘာဝအမွေအနှစ်များထိန်းသိမ်းရေးနှင့် ဇီဝမျိုးစုံမျိုးကွဲထိန်းသိမ်းရေး လုပ်ငန်း များတွင် တက်ကြွစွာပူးပေါင်းပါဝင်လျက်ရှိပါသည်။ နိုင်ငံအတွင်းရှိ ဇီဝမျိုးစုံမျိုးကွဲများအား ကာကွယ်ထိန်းသိမ်းခြင်းနှင့် ဒေသခံများ၏ လူမှုစီးပွားရေး ဖွံ့ဖြိုးတိုးတက်စေရန်အတွက်လည်း ဆောင်ရွက်လျက်ရှိရာ အင်းလေးကန်ဒေသအား လူသား နှင့်ဇီဝအဝန်းနယ်မြေ(MAB)အဖြစ် သတ်မှတ် အတည်ပြုနိုင်ခဲ့ကာ အလားတူကာကွယ် ထိန်းသိမ်းခြင်း လုပ်ငန်းများ ပိုမိုထိရောက် စေရန်အတွက် အခြားသောသဘာဝထိန်းသိမ်းရေးနယ် မြေများကိုပါ လူသားနှင့်ဇီဝအဝန်း နယ်မြေ(MAB)အဖြစ် ထပ်မံအဆိုပြုနိုင်ရေး ကြိုးပမ်းဆောင်ရွက်လျက် ရှိပါသည်။

မျိုးသားမြေအရင်းအမြစ် စီမံခန့်ခွဲရေး ဗဟိုကော်မတီ၏လမ်းညွှန်မှုဖြင့် ဆောင်ရွက်မည့် အစိုးရ ဌာနဆိုင်ရာ နှင့် အဖွဲ့အစည်းများ ၏ ကိန်းဂဏန်း စုစည်းမှု၊ မြေပုံထုတ်လုပ်သည့်စနစ်တွေကို စံပြုထားတဲ့ အမျိုးသားမြေပုံစံ စနစ်ဖြစ်မယ့် OneMap Myanmar ကို စတင် အကောင် အထည်ဖော်ရန် OneMap Myanmar စီမံကိန်း စတင်ခြင်း အခမ်းအနားကို ၂၅-၆-၂၀၁၅ ရက်နေ့ (ကြာသပတေးနေ့) တွင်ကျင်းပပြုလုပ်ခဲ့ပါသည်။ OneMap Myanmar စီမံကိန်းအကောင် အထည်ဖော်ရေးလုပ်ငန်းအဖွဲ့ တွင်ပါဝင်သော ဌာန/အဖွဲ့အစည်း (၂၅) ဌာန မှ တာဝန်ရှိသူများ၊ OneMap Myanmar မိတ်ဖက်အဖွဲ့အစည်းများဖြစ်သည့် Swiss Agency for Development and Cooperation (SDC), Centre for Development and Environment(CDE), University of Bern, Switzerland နှင့် Land Core Group တို့ မှ တာဝန်ရှိသူများ နှင့် ကျွမ်းကျင်ပညာရှင်များ၊ စုစုပေါင်း (၄၃) ဦး တက်ရောက်ခဲ့ကြပါသည်။

အမျိုးသားမြေအရင်းအမြစ် စီမံခန့်ခွဲရေး ဗဟိုကော်မတီ၏လမ်းညွှန်မှုဖြင့် ဆောင်ရွက်မည့် အစိုးရ ဌာနဆိုင်ရာ နှင့် အဖွဲ့အစည်းများ ၏ ကိန်းဂဏန်း စုစည်းမှု၊ မြေပုံထုတ်လုပ်သည့်စနစ်တွေကို စံပြုထားတဲ့ အမျိုးသားမြေပုံစံ စနစ်ဖြစ်မယ့် OneMap Myanmar ကို စတင် အကောင် အထည်ဖော်ရန် OneMap Myanmar စီမံကိန်း စတင်ခြင်း အခမ်းအနားကို ၂၅-၆-၂၀၁၅ ရက်နေ့ (ကြာသပတေးနေ့) တွင်ကျင်းပပြုလုပ်ခဲ့ပါသည်။ OneMap Myanmar စီမံကိန်းအကောင် အထည်ဖော်ရေးလုပ်ငန်းအဖွဲ့ တွင်ပါဝင်သော ဌာန/အဖွဲ့အစည်း (၂၅) ဌာန မှ တာဝန်ရှိသူများ၊ OneMap Myanmar မိတ်ဖက်အဖွဲ့အစည်းများဖြစ်သည့် Swiss Agency for Development and Cooperation (SDC), Centre for Development and Environment(CDE), University of Bern, Switzerland နှင့် Land Core Group တို့ မှ တာဝန်ရှိသူများ နှင့် ကျွမ်းကျင်ပညာရှင်များ၊ စုစုပေါင်း (၄၃) ဦး တက်ရောက်ခဲ့ကြပါသည်။

သစ်တောဦးစီးဌာနနှင့် အပူပိုင်းဒေသစိမ်းလန်းစိုပြည်ရေးဦးစီးဌာနတို့တွင် တာဝန်ထမ်း ဆောင်လျက်ရှိသော လုပ်သက်(၅)နှင့်အထက်ရှိ တောအုပ်ကြီး (သိပ္ပံသစ်တောဘွဲ့) များအား ဦးစီးအရာရှိရာထူးတိုးမြှင့်ခန့်ထားပေးရန်အတွက် ရေးဖြေစာမေးပွဲကျင်းပပြုလုပ်ခဲ့ရာ (၅၅)ဦး ဖြေဆိုခဲ့ပြီး (၅၄)ဦးအောင်မြင်ခဲ့ပါသည်။ ရေးဖြေစာမေးပွဲအောင်မြင်သူ တောအုပ်ကြီး (၅၄)ဦး အား လူတွေ့စစ်ဆေးခြင်း ပြုလုပ်မည်ဖြစ်ပါသည်။ အသေးစိတ်အချက်အလက်များအား အောက် ပါလင့်ခ်တွင် download ရယူကာ ဖတ်ရှုနိုင်ပါသည်။

ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာနနှင့် ကမ္ဘာလုံးဆိုင်ရာ သဘာဝ ပတ်ဝန်းကျင်ရန်ပုံငွေအဖွဲ့ (World Wide Fund for Nature - WWF) တို့ပူးပေါင်း၍ အစိမ်းရောင် စီးပွားရေး မူဝါဒနှင့် မဟာဗျူဟာမူဘောင်ရေးဆွဲရေးဆိုင်ရာ အလုပ်ရုံဆွေးနွေးပွဲ (Inception Workshop on Developing a Green Economy Policy and Strategic Framework for Myanmar) ဖွင့်ပွဲအခမ်းအနားကို ယနေ့ နံနက် ၀၉:၀၀ နာရီတွင် နေပြည်တော်၊ Grand Amara Hotel ၌ ကျင်းပရာ ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာန၊ ဒုတိယဝန်ကြီး ဒေါက်တာ သက်သက်ဇင်နှင့် WWF Greater Mekong မှ Regional Conservation Director - Mr. Teak Seng တို့က အဖွင့်အမှာစကား အသီးသီးပြောကြားကြသည်။

Pages