၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကောက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများအပေါ် စုံစမ်းစစ်ဆေးတွေ့ရှိချက်များ

Submitted by Anonymous (not verified) on Wed, 2025-01-22 18:33

၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကေက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများ အပေါ် စုံစမ်းစစ်ဆေးတွေ့ရှိချက်များနှင့် စပ်လျဉ်း၍ ပြည်တွင်း/ပြည်ပမှ လေ့လာလိုသူများအနေဖြင့် ပြည်ထောင်စု ရွေးကောက်ပွဲကော်မရှင်က လွှင့်တင်ထားသည့် Website https://2020election.uec.gov.mm/ တွင်လည်းကောင်း၊ Mobile Application ကို အဆိုပါ Website တွင် Download ရယူ၍လည်းကောင်း လေ့လာဖတ်ရှုနိုင်ပါသည်။

Pages

သတင်းနှင့်ကြေငြာချက်များ

နောင်ချိုမြို.နယ်၊ ဘန့်ဘွေးတိုးဂိတ်တွင် ဆီဘောက်ဆာယာဉ်ပေါ်မှ တရားမဝင်သစ်များ ဖမ်းဆီးရမိ

တရားမဝင်သစ်လုပ်ကိုင်သူများအနေဖြင့် ဆီဘောက်ဆာယာဉ်များဖြင့် ခိုးထုတ်သယ်ဆောင်ခြင်း များ ဆောင်ရွက်နေကြောင်း သတင်းအရ သစ်တောဦးစီးဌာနမှ ကြပ်မတ် ဆောင်ရွက်လျက်ရှိရာ ၈.၂.၂၀၁၉ ရက်နေ့တွင် မကွေးတိုင်းဒေသကြီး၊ ပေါက်မြို့နယ်တွင်တွင် ဆီဘောက်ဆာယာဉ်အတွင်း မှ တရားမဝင်ကျွန်းခွဲသားများ ဖမ်းဆီးရမိပြီး (၃)ရက်ခန့်အကြာ ယနေ့ ၁၁-၂-၂၀၁၉ ရက်နေ့ (၀၁:၀၀)နာရီအချိန်တွင်လည်း ရှမ်းပြည်နယ်(မြောက်ပိုင်း)၊ နောင်ချိုမြို့နယ်၊ ဘန့်ဘွေးတိုးဂိတ် အနီးတွင် သစ်တောဦးစီးဌာနနှင့် မြန်မာနိုင်ငံရဲတပ်ဖွဲ့ဝင်များ ပူးပေါင်းအဖွဲ့မှ ယာဉ်အမှတ်6J/7391 (Nissan diesel ဝါဖြူကြား (၂၂)ဘီး) လောင်စာဆီတင်ယာဉ်အား ရပ်တန့်စစ်ဆေးရာ ဆီတိုင်ကီ အတွင်း တရားမဝင်ပိတောက်ခွဲသားများနှင့်အတူ၊ တရားခံ(၁)ဦး ဖမ်းဆီးရမိခဲ့ပြီး၊ တရားခံအား ဥပဒေနှင့်အညီ အမှုဖွင့်အရေးယူ ဆောင်ရွက်လျက်ရှိပါသည်။

ပေါက်မြို.နယ်၊ ဗာဂျီးနီးယားဆေးပေါင်းရုံရှေ့တွင်ရပ်တန့်ထားသော ဆီဘောက်ဆာယာဉ်ပေါ်မှ တရားမဝင် ကျွန်းသစ်များ ဖမ်းဆီးရမိ

၈-၂-၂၀၁၉ ရက်နေ့ (၂၀:၄၀) နာရီအချိန်၊ တွင် ပေါက်မြို့နယ် သစ်တောဦးစီးဌာနမှ မြို့နယ်ဦးစီးမှူးပါ သစ်တောဝန်ထမ်းများ၊ မြန်မာနိုင်ငံရဲတပ်ဖွဲ.ဝင်များ၊ ရပ်ကွက်အုပ်ချုပ်ရေးအဖွဲ.ဝင်များ ပါဝင်သော ပူးပေါင်းအဖွဲ့သည် ပေါက်မြို့၊ အောင်တံခွန်ရပ်ကွက်၊ ဗာဂျီးနီးယားဆေးပေါင်းရုံရှေ့တွင်ရပ်တန့်ထားသော YGN -2A -2115 HINO (၆)ဘီး ဆီဘောက်ဆာယာဉ်အား စစ်ဆေးရာ ယာဉ်ပေါ်တွင် တရားမဝင် ကျွန်းသစ်များ (၄၈)ခြမ်း (၂.၂၇၅၂)တန် အား ဖမ်းဆီးရမိခဲ့ပြီး၊ တရားခံအား စုံစမ်းဖေါ်ထုတ်၍ ဥပဒေနှင့်အညီ အမှုဖွင့်လှစ်ခဲ့ရာ ရဲစခန်းမှ (ပ)၆၆/၂၀၁၉ဖြင့် လက်ခံဆောင်ရွက်လျက်ရှိပါသည်။

ရေတာရှည်မြို့နယ်၊ ကျောက်မဆင်ကြိုးဝိုင်းနှင့် အောင်လံမြို့နယ် အရှေ့ရိုးမကြိုးဝိုင်းအတွင်းတို့မှ တရားမဝင် သစ်များဖမ်းဆီးရမိ

၅-၂-၂၀၁၉ ရက်နေ့တွင် ပဲခူးတိုင်းဒေသကြီး၊ သရက်ခရိုင် သစ်တောဦးစီးဌာနမှ လက်ထောက်ညွှန်ကြား ရေးမှူး ဦးဆောင်သောအဖွဲ့သည် ရေတာရှည်မြို့နယ်၊ ကျောက်မဆင်ကြိုးဝိုင်းနှင့် အောင်လံမြို့နယ်၊ အရှေ့ရိုးမကြိုးဝိုင်းအတွင်းတို့မှ တရားမဝင် ကျွန်း/ပျဉ်းကတိုး ခွဲသား စုစုပေါင်း (၁၂၃)ချောင်း (၉.၆၆၃၈) တန်အား ပိုင်ရှင်မဲ့ဖမ်းဆီးရမိခဲ့ပြီး၊ တရားခံများအား စုံစမ်းဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး ဆောင်ရွက်လျက်ရှိပါသည်။

ရွှေဘိုမြို့နယ်၊ ဧရာဝတီမြစ်အတွင်း မော်တော်(၃)စီးပေါ်မှ တရားမဝင် သစ်များဖမ်းဆီးရမိ

၄-၂-၂၀၁၉ ရက်နေ့တွင် ရွှေဘိုမြို့နယ်၊ သစ်တောဦးစီးဌာနမှ သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ ဝင်များ၊ သစ်တောလုံခြုံရေးရဲတပ်ဖွဲ့ဝင်များ၊ အုပ်ချုပ်ရေးအဖွဲ့ဝင်များ ပါဝင်သော ပူးပေါင်းအဖွဲ့သည် ရွှေဘို မြို့နယ်၊ ဧရာဝတီမြစ်အတွင်း၌ မော်တော်(၃)စီးပေါ်မှ တရားမဝင် ကျွန်းသစ်/ လုံးပတ်(၃)ပေအောက် ကျွန်းသစ် စုစုပေါင်း (၁၀.၄၇၂၀)တန်၊ ထင်း (၂.၅၀)တန်နှင့်အတူ တရားခံ (၆)ဦး ဖမ်းဆီးရမိခဲ့ပြီး၊ တရားခံများအား ဥပဒေနှင့်အညီ ထိရောက်စွာအရေးယူနိုင်ရေး ကျောက်မြောင်းရဲစခန်းတွင် အမှုဖွင့် ဆောင်ရွက်ခြင်းနှင့် ဧရာဝတီမြစ်အတွင်း နယ်မြေရှင်းလင်းရှင်းလင်းခြင်းလုပ်ငန်းများ ဆက်လက်ဆောင် ရွက်လျက်ရှိပါသည်။

မဘိမ်းမြို့နယ်၊ ကွန်းချောင်းကြိုးဝိုင်းအတွင်း တရားမဝင်ကျွန်းသစ်/ခွဲသားများ ဖမ်းဆီးရမိ

၆-၂-၂၀၁၉ ရက်နေ့တွင် ရှမ်းပြည်နယ်(မြောက်ပိုင်း)၊ ကျောက်မဲခရိုင်၊ မဘိမ်းမြို့နယ်၊ သစ်တောဦးစီးဌာနမှ ဦးစီးအရာရှိ ဦးဆောင်သောအဖွဲ့သည် မဘိမ်းမြို့နယ်၊ ကွန်းချောင်းကြိုးဝိုင်းအတွင်း နယ်မြေရှင်းလင်း ဆောင်ရွက်ခဲ့ရာ တရားမဝင်ကျွန်းသစ်/ခွဲသားနှင့် ပိတောက်ခွဲသားစုစုပေါင်း (၄၃၆)လုံး/ချောင်း (၂၄.၃၀၃၆)တန်အား ပိုင်ရှင်မဲ့ဖမ်းဆီးရမိခဲ့ပြီး၊ ဖမ်းဆီးရမိပစ္စည်းများအား လုံခြုံရာသို့ သယ်ယူနိုင်ရေးစီစဉ် ဆောင်ရွက်လျက်ရှိပါသည်။

တရားမဝင်သစ်မှောင်ခိုလှေ(၁)စီး၊ ပိတောက်/အခြားသစ်ဖမ်းဆီးရမိ

၅-၂-၂၀၁၉ ရက်နေ့တွင် စစ်ရေယာဉ်မှူး၊ ဗိုလ်မှူးဖြိုးမောင်မောင်ဝင်း ဦးစီး ကတယ(၄၂၃)သည် နယ်မြေသတင်းအရ နယ်မြေရှင်းလင်းဆောင်ရွက်စဉ် မုံဒုံမြို့နယ်၊ ကမာဝက်ချောင်းအတွင်း အလျား(၆၀)ပေခန့်၊ အနံ(၁၂)ပေခန့်၊ ရေစူး(၄)ပေခန့်၊ စက်မကြီး MITSUBUSHI (၄)လုံးထိုး(ဂီယာဘောက်နှင့်တွဲလျက်) အင်ဂျင်တပ်ဆင်ထားသော အမည်မရှိ တရားမဝင်သစ်မှောင်ခိုလှေ(၁)စီးအား ပိတောက်/အခြားသစ်ရောရာခန့်မှန်း(၁၀)တန်ခန့်နှင့်အတူ ပိုင်ရှင်မဲ့ဖမ်းဆီးရမိခဲ့ပါသည်။ ပင်လယ်ထွက်ပေါက်များမှတစ်ဆင့် တရားမဝင်သစ်များခိုးထုတ် သယ်ဆောင်မှုမရှိစေရေး သစ်တောဦးစီးဌာန၊ တပ်မတော်(ရေ)နှင့် ဆက်စပ်ဌာနများပူးပေါင်း၍ ဆောင်ရွက်လျက်ရှိပါသည်။

လွိုင်လင်မြို့နယ်အတွင်း မော်တော်ယာဉ်(၅)စီးနှင့် တရားမဝင်ပိတောက်သစ်/ဓါးရွေများ ဖမ်းဆီးရမိ

၅-၂-၂၀၁၉ ရက်နေ့တွင် ရှမ်းပြည်နယ်(တောင်ပိုင်း)၊ လွိုင်လင်ခရိုင်၊ သစ်တောဦးစီးဌာနမှ လက်ထောက်ညွှန်ကြားရေးမှူး ဦးဆောင်သော သစ်တောဝန်ထမ်းများ၊ အရှေ့အလယ်ပိုင်းတိုင်း စစ်ဌာနချုပ်မှ ဗိုလ်မှူးကြီးစိုးထွန်း၊ ခမရ(၅၁၆)မှ ဗိုလ်ကြီးမင်းဝေလွင်၊ အမှတ်(၁၅၂) ခြေလျင်တပ်ရင်းမှ ဗိုလ်ကြီးတင်ကျော်ထွေးနှင့် မြန်မာနိုင်ငံရဲတပ်ဖွဲ့ဝင်များ ပါဝင်သောပူးပေါင်းအဖွဲ့သည် လွိုင်လင်မြို့နယ်၊ မက်မွန်မုန်းကျေးရွာအုပ်စု၊ ကုန်းဘုတ်ကျေးရွာနှင့် ဝမ်ဟင်ကျေးရွာကြားနေရာနှင့် နမ့်စန်-ခိုလမ်သွားကားလမ်း၊ မိုင်တိုင်အမှတ်(၂၁၁)အနီးနေရာတို့၌ NISSAN Diesel (၁၂)ဘီးယာဉ် (၅)စီးပေါ်မှ တရားမဝင်ပိတောက်သစ်/ဓါးရွေစုစုပေါင်း (၁၁၄)လုံး/ချောင်း (၆၁)တန်ခန့်အား တရားခံ(၁)ဦးနှင့်အတူ ဖမ်းဆီးရမိခဲ့ပြီး ဥပဒေနှင့်အညီ ထိရောက်စွာအရေးယူနိုင်ရေး စီစဉ်ဆောင်ရွက်လျက်ရှိပါသည်။

မြန်မာနိုင်ငံသစ်တောကျောင်း၊ ပြင်ဦးလွင်မြို့ ၂၀၁၈-၂၀၁၉ခုနှစ်၊ အခြေခံသစ်တောပညာ၊ အထူး(၃)လသင်တန်း “ ကျောင်းအုပ်ချုပ်ရေးအဖွဲ့” နှစ်ပတ်လည်အစည်းအဝေးကျင်းပ

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အစည်းအဝေးခန်းမ၌ ၈-၂-၂၀၁၉ ရက်နေ့၊ နံနက် (ဝ၉:ဝ၀)နာရီအချိန်တွင် မြန်မာနိုင်ငံသစ်တောကျောင်း၊ ပြင်ဦးလွင်မြို့ ၂၀၁၈-၂၀၁၉ခုနှစ်၊ အခြေခံသစ်တောပညာ၊ အထူး(၃)လသင်တန်း “ ကျောင်းအုပ်ချုပ်ရေးအဖွဲ့” နှစ်ပတ်လည်အစည်းအဝေးကျင်းပရာ ညွှန်ကြားရေးမှူးချုပ် ဒေါက်တာညီညီကျော်မှ အမှာစကားပြောကြားပြီး ကျောင်းအုပ်ချုပ်ရေးအဖွဲ့ဝင်များမှ အစီအစဉ်များကို ရှင်းလင်းဆွေးနွေးခဲ့ပါသည်။

Pages

more