ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာန၊ သစ်တောဦးစီးဌာနသည် ကြိုးဝိုင်း၊ ကြိုးပြင် ကာကွယ်တောနှင့် သဘာဝထိန်းသိမ်းရေးနယ်မြေများဟူ၍ အဆင့်ဆင့်ခွဲခြား သတ်မှတ် အကောင်အထည်ဖော် ဆောင်ရွက်လျက်ရှိသည့်အပြင် တရားမဝင်သစ်နှင့်သစ်တော ထွက်ပစ္စည်းများ ခိုးယူထုတ်လုပ်ခြင်းလုပ်ငန်းများကို ပြည်သူလူထု ပူးပေါင်းပါဝင်မှုဖြင့် စီမံချက် ချမှတ်၍ ဖမ်းဆီးအရေးယူဆောင်ရွက်လျက်ရှိပါသည်။
ရန်ကုန်တိုင်းဒေသကြီး မှော်ဘီမြို့နယ်မှ သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့နှင့် လက်ပံတန်းကျေးရွာအုပ်စု ရာအိမ်မှူးများပါဝင်သော ပူးပေါင်းအဖွဲ့သည် (၂၇.၁၂.၂၀၁၃)ရက်နေ့ နံနက်(၀၀:၃၀)နာရီတွင် လက်ပံတန်းစုကျေးရွာအုပ်စု၊ သပြေကုန်းကျေးရွာအနီး ဦးကြည်ဝင်း ရော်ဘာခြံမှ တရားမဝင်ကျွန်းဆက်တီအပိုင်းအစ(၆၃၁)ချောင်း(၀.၄၃၉၆)တန် တင်ဆောင်ထား သော ယာဉ်အမှတ်၊ ထ/၂၁၉၂(ဟိုင်းလတ်)နံ့သာရောင် ကား(၁)စီးနှင့် ယာဉ်အမှတ်၊ BB/၉၈၁၇ (နီဆန်း AD Van)အဖြူရောင်ကား(၁)စီး စုစုပေါင်း(၂)စီးတို့နှင့်အတူဖမ်းမိ၍ ယာဉ်မောင်းများ၊ ယာဉ်ပိုင်ရှင်များနှင့်တရားမဝင် ကျွန်းဆက်တီအပိုင်းအစပိုင်ရှင်တို့အား စုံစမ်းဖော်ထုတ်၍ သစ် တောဥပဒေပုဒ်မ ၄၃(က)အရလည်းကောင်း၊ (၂၇.၁၂.၂၀၁၃)ရက်နေ့၊ နံနက် (၄:၀၀) နာရီတွင် ရန်ကုန်-ပြည်ကားလမ်း မိုင်တိုင်(၂၈/၃)တွင် တရားမဝင် ကျွန်းခွဲသား(၁၂၀)ချောင်း(၂.၁၀၅၈) တန်အား ယာဉ်အမှတ် ၉ခ/၆၂၂၅(ဟီးနိုး ကွန်တိန်နာဘောက် စ် ) ၁၀ ပေ အဖြူရောင်ကား နှင့်အတူဖမ်းဆီးမိ၍ ယာဉ်မောင်းနှင့်ယာဉ်ပေါ်ပါသူများအား စုံစမ်းဖော်ထုတ်ပြီး သစ်တော ဥပဒေ ပုဒ်မ ၄၃(က)အရလည်းကောင်း၊ (၁.၁.၂၀၁၄) ရက်နေ့၊ နံနက်(၈:၃၀)နာရီတွင် ရန်ကုန်-ပြည်ကားလမ်း မိုင်တိုင်(၂၅/၄) ရဲဘော်ဈေးမှတ်တိုင်အနီးမှ တရားမဝင်ကျွန်းတံခါးအပိုင်း အစ (၂၇၁)ချောင်း(၀.၃၁၅၈)တန်အား ယာဉ်အမှတ် ၉ခ/ ၆၃၆၆ (မီဆူဘီရှီ ပါဂျဲရိုး)ငွေရောင်အစိမ်း ပတ်နှင့်အတူဖမ်းဆီးမိ၍ယာဉ်မောင်းနှင့်တရားမဝင်ကျွန်းတံခါးရွက်အပိုင်းအစပိုင်ရှင်အား စုံစမ်း ဖော်ထုတ်ပြီး သစ်တောဥပဒေပုဒ်မ ၄၃(က)အရလည်းကောင်း အသီးသီးအရေးယူထားကြောင်း သတင်းရရှိပါသည်။