Welcome to Forest Department
No front page content has been created yet.
သတင်းနှင့်ကြေငြာချက်များ
၂၁-၂-၂၀၁၇ ရက်နေ့၊ ရှမ်းပြည်နယ်၊ လားရှိုးမြို့နယ် သစ်တောဦးစီးဌာနမှ သစ်တော ဝန်ထမ်းများအဖွဲ့သည် သိန်းနီမြို့နယ်၊ Oriental High Way တိုလ်းဂိတ်တွင် ယာဉ်အ မှတ်(YGN-8H/7431) နှင့် (YGN-4G/3784) တပ်ဆင်ထားသည့် NISSAN အမျိုး အစား (၁၂)ဘီးယာဉ်(၂)စီးပေါ်မှ တရားမဝင် တမလန်းဓားရွေ(၇၄)တုံး၊ (၁၅.၉၅၀၈) တန်နှင့်အတူ တရားခံ(၂)ဦး ဖမ်းဆီးရမိပါသည်။
၂၀-၂-၂၀၁၇ ရက်နေ့တွင် ရှမ်းပြည်နယ်၊ လားရှိုးခရိုင် သစ်တောဦးစီးဌာနမှ လက်ထောက်ညွှန်ကြားရေးမှူး ဦးဆောင်သည့် သစ်တောဝန်ထမ်းများနှင့် သစ်တောလုံ ခြုံရေးရဲတပ်ဖွဲ့ဝင်များပါဝင်သောပူးပေါင်းအဖွဲ့သည် လားရှိုးမြို့နယ်၊ လားရှိုးမြို့ရှောင် လမ်း၊ နမ္မတူချောင်းတံတားအနီးတွင် ယာဉ်အမှတ် (YGN-5H/5711) တပ်ဆင်ထား သော NISSAN အမျိုးအစား၊ အစိမ်းရောင်(၁၂)ဘီးယာဉ်ပေါ်မှ တရားမဝင် ပိတောက် (သစ်လုံး/ဓားရွေ) (၃၀)လုံး၊ (၄.၅၁၃၈)တန်နှင့်အတူ တရားခံ(၁)ဦး ဖမ်းဆီးရမိပါသည်။
၁၉-၂-၂၀၁၇ ရက်နေ့တွင် ရှမ်းပြည်နယ်၊ မိုးမိတ်မြို့နယ် သစ်တောဦးစီးဌာနမှ သစ်တောဝန်ထမ်းများ၊ မိုးမိတ်မြို့နယ် ကျောက်မောရဲကင်းနှင့် သတင်းတပ်ဖွဲ့မှ တပ်ဖွဲ့ ဝင်များ၊ကျောက်မောရွာအုပ်ချုပ်ရေးအဖွဲ့ဝင်များပါဝင်သောပူးပေါင်းအဖွဲ့သည် တာဝန်သိ ပြည်သူတစ်ဦး၏ သတင်းပေးချက်အရ မိုးမိတ်မြို့နယ်၊ ကျောက်မောရွာ အုပ်ချုပ်ရေးမှူး ၏ နေအိမ်ခြံဝန်းအတွင်းမှ တရားမဝင် ပိတောက်ခွဲသား(၄)ချပ်၊ (၀.၀၉၄၀)တန်အား တရားခံ(၁)ဦးနှင့်အတူ ဖမ်းဆီးရမိပါသည်။
၁၄-၂-၂၀၁၇ ရက်နေ့တွင် နေပြည်တော်ပြည်ထောင်စုနယ်မြေ၊ ဥတ္တရသီရိခရိုင် သစ်တောဦးစီးဌာနမှ လက်ထောက်ညွှန်ကြားရေးမှူး ဦးဆောင်သည့် သစ်တောဝန်ထမ်း များအဖွဲ့သည် ဥတ္တရသီရိမြို့နယ်၊ နေပြည်တော်-တောင်တွင်းကြီးလမ်း မိုင်တိုင်(၂၅/၀) နှင့် (၂၅/၁)ကြား၊ ငလိုက်ကြိုးဝိုင်း၊ အကွက်အမှတ်(၇၃)တွင် ယာဉ်အမှတ်(YGN-8G/ 9915) တပ်ဆင်ထားသည့် Super Custom အမျိုးအစား၊ ခဲရောင်ယာဉ်ပေါ်မှ တရားမဝင် ပျဉ်းကတိုးဓားရွေ(၉)ချောင်း၊ (၀.၈၀၅၈)တန်နှင့်အတူ တရားခံ(၁)ဦး ဖမ်းဆီးရမိပါသည်။
ပဲခူးတိုင်းဒေသကြီး၊ အုတ်တွင်းမြို့နယ် သစ်တောဦးစီးဌာနမှ ဝန်ထမ်းများနှင့် သစ်တော လုံခြုံရေးရဲတပ်ဖွဲ့ဝင်များပါဝင်သောအဖွဲ့သည် တရားမဝင်သစ်ရှာဖွေဖမ်းဆီးခြင်း လုပ်ငန်းများဆောင်ရွက်စဉ် ၁၉-၂-၂၀၁၇ ရက်နေ့တွင် အုတ်တွင်းမြို့နယ်၊ ခပေါင်းကြိုးဝိုင်း အကွက်(၉၂)တွင် တရားမဝင် ကျွန်းသစ်(၁၇)လုံး၊ (၂.၆၈၂)တန်နှင့် ၂၀-၂-၂၀၁၇ ရက် နေ့တွင် ခပေါင်းကြိုးဝိုင်းအကွက်(၂၀၅)တွင် တရားမဝင် ကျွန်းသစ်(၁၆)လုံး၊ (၃.၇၃၀) တန် ဖမ်းဆီးရမိပါသည်။
ပဲခူးတိုင်းဒေသကြီး၊ ရေတာရှည်မြို့နယ် သစ်တောဦးစီးဌာနမှ သစ်တောဝန်ထမ်းများနှင့် သစ်တောလုံခြုံရေးရဲတပ်ဖွဲ့ဝင်များ၊ အသိသက်သေများပါဝင်သောအဖွဲ့သည် တရားမဝင် သစ်ရှာဖွေဖမ်းဆီးခြင်းလုပ်ငန်းများဆောင်ရွက်စဉ် ၂၀-၂-၂၀၁၇ ရက်နေ့တွင် ရေတာ ရှည်မြို့နယ်၊ တုံးကြီးရွာ၏တောင်ဘက်(၂)ဖာလုံခန့်အကွာ ကြိုးပြင်တော ခန့်မှန်းမြေပုံ ညွှန်း(V-690262)နေရာတွင် တရားမဝင် ကျွန်း(သစ်/တိုင်/ခွဲသား) (၂၉)လုံး/ချောင်း (၃.၀၄၇၆)တန်၊ စိမ်းဝိုင်းကျေးရွာအနီး၊ ဘုန်းကြီးကျောင်းဟောင်းနေရာ ခန့်မှန်းမြေပုံ ညွှန်း(V-758225)နေရာတွင် တရားမဝင် ကျွန်း(သစ်/ခွဲသား) (၇)လုံး/ချောင်း (၀.၆၂၀၆)တန်၊ အင်ဂျင်(၁)လုံးအပါအဝင် သစ်စက် ဆက်စပ်ပစ္စည်းများပါဝင်သည့် တရားမဝင် သစ်စက်(၁)လုံးတို့အား ဖမ်းဆီးရမိပါသည်။
၂၂-၂-၂၀၁၇ ရက်နေ့၊ (၁ဝ : ဝ၀)နာရီအချိန်တွင် သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ ညွှန်ကြားရေးမှူးချုပ်ရုံး အစည်းအဝေး ခန်းမ၌ သစ်တောဦးစီးဌာနမှ အရာရှိများအား Mercy Corps အဖွဲ့မှ ကိုယ်စားလှယ်များ လာရောက်တွေ့ဆုံပြီး မြန်မာ့မီးဖိုစီမံကိန်းတိုးတက်ဆောင်ရွက်နေမှုတင်ပြခဲ့ပါသည်။
သစ်တောဦးစီးဌာန၊ သဘာဝဝန်းကျင်နှင့် သားငှက်တိရစ္ဆာန်ထိန်းသိမ်းရေးဌာန၊ ပန်းလောင်နှင့် ပြဒါးလင်းဂူတောရိုင်းတိရ စ္ဆာန်ဘေးမဲ့တောနယ်မြေအတွင်း လူများယာယီ အခြေချနေထိုင်၍ သစ်တောထွက်ပစ္စည်းများအား တရားမဝင် ထုတ်ယူလျက်ရှိကြောင်း သတင်းအရ ပန်းလောင်နှင့် ပြဒါးလင်းဂူတောရိုင်းတိရစ္ဆာန်ဘေးမဲ့တောအုပ်ချုပ်ရေးမှူး နှင့် ဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များပါဝင်သောပူးပေါင်းအဖွဲ့သည် (၄-၂-၂၀၁၇) ရက်နေ့မှ (၇-၂-၂၀၁၇)ရက်နေ့အထိ ဘေးမဲ့တောနယ်မြေအတွင်း ရွာငံ-ပြဒါးလင်းဂူ ကားလမ်းတစ်လျှောက်၊ ပတ်ချောင်းဒေသ၊ သရက်ပိုက်ဒေသနှင့် ကောကလိန်ဒေသ ဝန်းကျင်များတွင် ကွင်းဆင်းစစ်ဆေးခြင်းလုပ်ငန်းများဆောင်ရွက်ရာ ယာယီအခြေချ နေထိုင်သူများမှာ ထွက်ပြေးတိမ်းရှောင်သွားပြီး ဘေးမဲ့တောဧရိယာအတွင်း တရားမဝင် အခြား(သစ်/တိုင်/ခွဲသား) (၁၅)လုံး/ချောင်း (၁.၆၈၈၂)တန်၊ ချိန်းဆော(၁၀)လက်၊ ၄၅ ပေါင်ဝင် မီးသွေး(၂၀)အိတ်၊ သံကြိုး(၄)ချောင်း၊ လှည်းဘီး(၄)ခု၊ ဓားမ(၂)ချောင်း၊ ရဲဒင်း (၂)လက်နှင့် ပုဆိန်(၂)လက် သိမ်းဆည်းရမိပါသည်။