၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကောက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများအပေါ် စုံစမ်းစစ်ဆေးတွေ့ရှိချက်များ

Submitted by Anonymous (not verified) on Wed, 2025-01-22 18:33

၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကေက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများ အပေါ် စုံစမ်းစစ်ဆေးတွေ့ရှိချက်များနှင့် စပ်လျဉ်း၍ ပြည်တွင်း/ပြည်ပမှ လေ့လာလိုသူများအနေဖြင့် ပြည်ထောင်စု ရွေးကောက်ပွဲကော်မရှင်က လွှင့်တင်ထားသည့် Website https://2020election.uec.gov.mm/ တွင်လည်းကောင်း၊ Mobile Application ကို အဆိုပါ Website တွင် Download ရယူ၍လည်းကောင်း လေ့လာဖတ်ရှုနိုင်ပါသည်။

Pages

သတင်းနှင့်ကြေငြာချက်များ

၂၀၁၆ ခုနှစ် ကမ္ဘာ့ရေတိမ်ဒေသများနေ့ (World Wetlands Day) အခမ်းအနားနှင့် အင်းတော်ကြီးကန်တောရိုင်းတိရစ္ဆာန်ဘေးမဲ့တောအား မြန်မာနိုင်ငံ၏ ဒုတိယမြောက် Ramsar Sites အဖြစ် သတ်မှတ်ကြေညာခြင်း အခမ်းအနားကျင်းပခြင်းသတင်း ဖေဖော်ဝါရီ(၂)ရက်၊နေပြည်တော်

ပတ်ဝန်းကျင်ထိန်းသိမ်းရေးနှင့်သစ်တောရေးရာဝန်ကြီးဌာန၊ Fauna& Flora International (FFI) နှင့် Ramsar Centre Japan(RCJ) တို့ပူးပေါင်းကျင်းပသော ၂၀၁၆ ခုနှစ်၊ ကမ္ဘာ့ရေတိမ် ဒေသများနေ့ (World Wetlands Day)အထိမ်း အမှတ်အခမ်းအနား ကို ယနေ့ (၂-၂-၂၀၁၆)ရက်နေ့ တွင် ပဲခူးတိုင်းဒေသကြီး၊ ပဲခူးမြို့၊ ပျဉ်ပုံကြီးကျေးရွာအနီးရှိ မိုးယွန်းကြီးအင်း တောရိုင်းတိရစ္ဆာန် ဘေးမဲ့တောတွင် ကျင်းပပြုလုပ်ရာ ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာန၊ ပြည်ထောင်စုဝန်ကြီး ဦးဝင်းထွန်း တက်ရောက်၍ အမှာစကားပြောကြားပါသည်။

အမျိုးသားမြေအသုံးချမှုမူဝါဒ (National Land Use Policy)

အတည်ပြုပြဋ္ဌာန်းပြီးသော အမျိုးသားမြေအသုံးချမှုမူဝါဒ (National Land Use Policy) အား အောက်ဖော်ပြပါ Link များတွင် ဖတ်ရှုလေ့လာနိုင်ပါသည်။
http://www.fdmoecaf.gov.mm/sites/default/files/Documents/National%20Land...
http://www.fdmoecaf.gov.mm/sites/default/files/Documents/National%20Land...

ဆံတော်ရှင် ကျိုက်ထီးရိုး စေတီတော်ဒေသ အတွင်း ဖွံ့ဖြိုးတိုးတက်မှုနှင့် သဘာဝပတ်ဝန်းကျင် ထိန်းသိမ်းမှု အခြေအနေများ ဒုတိယသမ္မတ ဦးဉာဏ်ထွန်း သွားရောက်စစ်ဆေး

ပြည်ထောင်စုသမ္မတမြန်မာနိုင်ငံတော်ဒုတိယသမ္မတ ဦးဉာဏ်ထွန်းသည် ဌာနဆိုင်ရာတာဝန်ရှိသူများ လိုက်ပါလျက် ဆံတော်ရှင်ကျိုက်ထီးရိုးစေတီတော်နှင့် ကျိုက်ထီးရိုးဒေသဖွံ့ဖြိုးတိုးတက်မှုနှင့် သဘာ၀ ပတ်ဝန်းကျင်ထိန်းသိမ်းမှု အခြေအနေများကိုစစ်ဆေးရန် ယနေနံနက်ပိုင်းတွင် မွန်ပြည်နယ် ကျိုက်ထိုမြို့ရှိ ကင်မွန်းစခန်းသို့ ရောက်ရှိသည်။

ထို့နောက် ဒုတိယသမ္မတသည် မွန်ပြည်နယ် ဝန်ကြီးချုပ် ဦးအုန်းမြင့်နှင့် တာဝန်ရှိသူများ လိုက်ပါလျက် ကင်မွန်းစခန်းမှတစ်ဆင့် ကျိုက်ထီးရိုးတောင်ခြေအနီး၌ မြန်မာနိုင်ငံခရီးသွားလုပ်ငန်းဖွံ့ဖြိုးတိုးတက်ရေးနှင့် ပြည်တွင်း ပြည်ပဘုရားဖူးလေ့လာသူများ စိတ်အပန်းဖြေအနားယူနိုင်ရေး၊ ဒေသခံပြည်သူများ အလုပ်အကိုင် အခွင့်အလမ်းရရှိနိုင်ရေးတို့အတွက် အကောင်အထည်ဖော်ဆောင်ရွက်မည့် ကျိုက်ထီးရိုးရေတံခွန်စမ်းတွင် လှည့်လည်ကြည့်ရှု့စစ်ဆေးသည်။

ဆက်လက်၍ ဒုတိယသမ္မတနှင့်အဖွဲ့ဝင်များသည် ဆံတော်ရှင်ကျိုက်ထီးရိုးစေတီတော်သို့ရောက်ရှိကာ ဘုရားဖူးလာရောက်ကြသည့် ပြည်သူများအား ရင်းရင်းနှီးနှီးတွေ့ဆုံနှုတ်ဆက်သည်။
ယင်းနောက် ဆံတော်ရှင်ကျိုက်ထီးရိုးစေတီတော်အား ဖူးမျှော်ကြည်ညို၍ ပန်း၊ရေချမ်း၊ သစ်သီးဆွမ်း များနှင့် ရွှေသင်္ကန်းတို့ကို ကပ်လှူပူဇော်သည်။

မိုးယွန်းကြီးအင်းရမ်ဆာရေတိမ်ဒေသထိန်းသိမ်းရေးနယ်မြေအတွင်း ဂေဟစနစ်နှင့် ဇီဝမျိုးစုံမျိုးကွဲများ ရေရှည်တည်တံ့စေရေးနှင့် ဆောင်းခိုငှက်များ ကျရောက်ကျက်စားမှု အခြေအနေကို ဒုတိယဝန်ကြီးဦးအေးမြင့်မောင် ကြည့်ရှုစစ်ဆေး ဇန်နဝါရီလ ၁၉ ရက်၊ နေပြည်တော်

ဂေဟစနစ်(Ecosystem) များစွာရှိသည့်အနက် ရေတိမ်ဒေသဂေဟစနစ်(Wetlands Ecosystem)သည် ယင်းဒေသအတွင်း မှီတင်းကျက်စားနေထိုင်သည့် ဇီဝမျိုးစုံမျိုးကွဲများ အတွက်သာမက လူသားတို့၏ လူမှုစီးပွားဘဝဖွံ့ဖြိုးတိုးတက်ရေးအတွက် စဉ်ဆက်မပြတ် ထောက်ပံ့ဖြည့်ဆည်းပေးနေသည့် သဘာဝအရင်းအမြစ်တစ်ခု အဖြစ်အရေးပါဝင်သည်။ ကမ္ဘာ့ ရေတိမ်ဒေသ များစွာရှိသည့်အနက်မှ လူသားများအတွက် စိုက်ပျိုး၊ မွေးမြူရေး၊ ငါးလုပ်ငန်းနှင့် အခြားသော သဘာဝသယံဇာတအရင်းအမြစ်များ ထုတ်ယူသုံးစွဲရေးတို့အတွက်သာမက ရေတိမ် ဂေဟစနစ် ပြည့်စုံကောင်းမွန်မှု၊ ဇီဝမျိုးစုံမျိုးကွဲများအတွက် အထောက်အပံ့ဖြစ်စေမှု၊ ဆောင်းခို ငှက်မျိုးစိတ်များ၊ ဌာနေငှက်များနှင့် ရေနေသတ္တဝါများတို့အတွက် နေရင်းဒေသတစ်ခုအဖြစ် ဖြည့်ဆည်းပံ့ပိုး ပေးနိုင်မှုတို့အပေါ် မူတည်၍ ကမ္ဘာလုံးဆိုင်ရာအရေးပါသည့် ရေတိမ်ဒေသများကို ထိန်းသိမ်းရန် ရမ်ဆာရေတိမ်ဒေသထိန်းသိမ်းရေးကွန်ဗင်းရှင်း (Ramsar Convention on Wetlands)အား ၁၉၇၁ ခုနှစ် ဖေဖော်ဝါရီလ ၂ ရက်နေ့တွင် ကမ္ဘာ့နိုင်ငံများပါဝင်လက်မှတ်ရေး ထိုးပြီးဖွဲ့စည်း တည်ထောင်ခဲ့သည်။

ပတ်ဝန်းကျင်ထိန်းသိမ်းရေးနှင့်သစ်တောရေးရာဝန်ကြီးဌာန၊ဒုတိယဝန်ကြီး ဒေါက်တာသက်သက်ဇင်အား Blue Moon Fund ဒုတိယဥက္ကဌဖြစ်သူDr. Ji-Qiang Zhang ဦးဆောင်၍ Madame. Jin Jiaman တို့ပါဝင်သည့်ကိုယ်စားလှယ်လာရောက် တွေ့ဆုံဆွေးနွေးသည့်သတင်း (နေပြည်တော်၊ ၁၉-၁-၂၀၁၆)

ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာန ဒုတိယဝန်ကြီး ဒေါက်တာသက်သက်ဇင် အား အမေရိကန်နိုင်ငံအခြေစိုက် Blue Moon Fund ၏ ဒုတိယ ဥက္ကဌဖြစ်သူ Dr. Ji-Qiang Zhang ဦးဆောင်၍ တရုတ်နိုင်ငံ Global Environmental Institute (GEI) ၏ Executive Director ဖြစ်သူ Madame. Jin Jiaman တို့ ပါဝင်သည့် ကိုယ်စားလှယ်အဖွဲ့မှ ယနေ့ ၁၉-၁-၂၀၁၆ ရက်နေ့၊ နံနက် ၁၀:၃၀ နာရီတွင် ပြည်ထောင်စု ဝန်ကြီး ဧည့်ခန်းမ၌ လာရောက်တွေ့ဆုံဆွေးနွေးသည်။

ပတ်ဝန်းကျင်ထိခိုက်မှုဆန်းစစ်ခြင်းဆိုင်ရာလုပ်ထုံးလုပ်နည်းနှင့် အမျိုးသားပတ်ဝန်းကျင်ဆိုင်ရာအရည်အသွေး(ထုတ်လွှတ်မှု)လမ်းညွှန်ချက်များအား ထုတ်ပြန်ပြီးကြောင်း သက်ဆိုင်ရာဌာန၊ အဖွဲ့အစည်းများသို့ တရားဝင် အသိပေးကြေညာသည့် အခမ်းအနား ကျင်းပခြင်း သတင်းထုတ်ပြန်ချက်

ပတ်ဝန်းကျင်ထိခိုက်မှုဆန်းစစ်ခြင်းဆိုင်ရာလုပ်ထုံးလုပ်နည်းနှင့် အမျိုးသားပတ်ဝန်းကျင် ဆိုင်ရာ အရည်အသွေး(ထုတ်လွှတ်မှု)လမ်းညွှန်ချက်များအားထုတ်ပြန်ပြီးကြောင်း သက်ဆိုင်ရာ ဌာန၊ အဖွဲ့အစည်းများသို့ တရားဝင် အသိပေးကြေညာသည့် အခမ်းအနားကို ယနေ့နံနက် ၀၉း၀၀ နာရီတွင် နေပြည်တော်ရှိ သင်္ဂဟဟိုတယ် Grand Ball Room ၌ ကျင်းပ ပြုလုပ်ရာ ပတ်ဝန်းကျင် ထိန်းသိမ်းရေးကော်မတီ ဥက္ကဌ၊ ပတ်ဝန်းကျင်ထိန်းသိမ်းရေးနှင့် သစ်တော ရေးရာဝန်ကြီးဌာန ပြည်ထောင်စုဝန်ကြီးကိုယ်စား ပတ်ဝန်းကျင်ထိန်းသိမ်းရေးကော်မတီဝင် ပတ်ဝန်းကျင် ထိန်းသိမ်း ရေးနှင့် သစ်တောရေးရာဝန်ကြီးဌာန ဒုတိယဝန်ကြီး ဒေါက်တာသက်သက်ဇင် တက်ရောက်၍ အဖွင့်မိန့်ခွန်းပြောကြားခဲ့ပါသည်။

ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာန၊ ဒုတိယဝန်ကြီး ဦးအေးမြင့်မောင် ကိုရီးယားသမ္မတနိုင်ငံ Yeungnam University Vice president Dr. Oe-chool Choi အား လက်ခံတွေ့ဆုံ နေပြည်တော် ၊ ဇန်နဝါရီ ၁၅ရက်

ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာန၊ ဒုတိယဝန်ကြီး ဦးအေးမြင့်မောင် အား ကိုရီးယားသမ္မတနိုင်ငံ Yeungnam University မှ Vice president Dr. Oe-chool Choi ဦးဆောင်သည့် ယနေ့နံနက် (၁၁:၀၀)နာရီတွင် သစ်တောဦးစီးဌာန၊ ဦးစီးရုံးချုပ် ရှိ အစည်းအဝေးခန်းမသို့ လာရောက်တွေ့ဆုံဆွေးနွေးခဲ့ကြောင်းသတင်းရရှိသည်။

ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာန၊ သစ်တောဦးစီးဌာန ''တိုင်းဒေသကြီးနှင့် ပြည်နယ်သစ်တောစီမံအုပ်ချုပ်မှုဆိုင်ရာ အလုပ်ရုံဆွေးနွေးပွဲ'' ဖွင့်ပွဲ ကျင်းပခြင်းသတင်း (၁၄-၁-၂၀၁၆ ၊ နေပြည်တော်)

ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာန၊ သစ်တောဦးစီးဌာန တိုင်းဒေသကြီးနှင့် ပြည်နယ် သစ်တောစီမံအုပ်ချုပ်မှုဆိုင်ရာ အလုပ်ရုံဆွေးနွေးပွဲဖွင့်ပွဲ အခမ်းအနားကို ယနေ့နံနက်(၀၈:၀၀)နာရီ အချိန်တွင် သစ်တောဦးစီးဌာန၊ အင်ကြင်းခန်းမ၌ ကျင်းပရာ အဆိုပါ အခမ်းအနားသို့ ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာန ဒုတိယဝန်ကြီး ဒေါက်တာ သက်သက်ဇင်၊ သစ်တောဦးစီးဌာန ညွှန်ကြားရေးမှူးချုပ်၊ သစ်တောတက္ကသိုလ် ပါမောက္ခချုပ်နှင့် ဌာနဆိုင်ရာအကြီးအကဲများ၊ တိုင်းဒေသကြီး/ ပြည်နယ်တာဝန်ခံ ညွှန်ကြားရေးမှူး များ၊ သစ်တောဦးစီးရုံးချုပ်မှ အရာထမ်းအမှုထမ်းများ တက်ရောက်ခဲ့ကြပြီး ပတ်ဝန်းကျင်ထိန်း သိမ်းရေးနှင့် သစ်တောရေးရာဝန်ကြီးဌာန၊ ဒုတိယဝန်ကြီး ဦးအေးမြင့်မောင်က အဖွင့်အမှာစကား ပြောကြားခဲ့ကြောင်းသိရသည်။

Pages

more