တိုင်းဒေသကြီးနှင့် ပြည်နယ်များအတွင်း တရားမဝင်သစ်နှင့် သစ်တောထွက်ပစ္စည်းများအား အရှိန်အဟုန်မြှင့်၍ စဉ်ဆက်မပြတ် ဖမ်းဆီး အရေးယူဆောင်ရွက်လျက်ရှိပါသည်။

သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန၏ ၂၀၁၆ ခုနှစ်၊ သြဂုတ် ၁၈ ရက်စွဲဖြင့် မြန်မာ့အလင်းသတင်းစာနှင့်ကြေးမုံ သတင်းစာများမှ ခေါ်ယူထားသည့် သစ်တောဦးစီးဌာနတွင် လစ်လပ်လျက်ရှိသော သုတေသနလက်ထောက်(၃) (လစာနှုန်း ကျပ် ၁၆၅၀၀၀ - ၂၀၀၀ - ၁၇၅၀၀၀) ရာထူး (၄) နေရာအတွက် လျှောက်လွှာတင်ထားသည့် ပုဂ္ဂိုလ်များကို ရေဆင်း၊ သစ်တောသုတေသနဌာန၊ စုဝေးခန်းမတွင် ရေးဖြေစာမေးပွဲ စစ်ဆေးမည်ဖြစ်ပါသည်။

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး ဦးအုန်းဝင်း ဦးဆောင် သည့် မြန်မာကိုယ်စားလှယ်အဖွဲ့သည့် သတ္တုတူးဖော်ရေးလုပ်ငန်းများ၊ သဘာဝပတ်ဝန်းကျင်ထိန်းသိမ်းရေး လုပ်ငန်းများအား ကြည့်ရှုလေ့လာရန် သြဂုတ်လ (၁၈)ရက်နေ့တွင် လာအိုပြည်သူ့ ဒီမိုကရက်တစ်နိုင်ငံသို့ ခရီးထွက်ခွာခဲ့ရာ လာအိုပြည်သူ့ ဒီမိုကရက်တစ်နိုင်ငံ၊ အပြည်ပြည်ဆိုင်ရာ လေဆိပ်သို့ (၁၂:၃၀)နာရီတွင် ရောက်ရှိခဲ့ပြီး၊ (၁၆:၀၀)နာရီတွင် လာအိုပြည်သူ့ ဒီမိုကရက်တစ် သမ္မတနိုင်ငံ၊ ဗီယန်ကျင်းမြို့ရှိ စွမ်းအင်နှင့် သတ္တုဝန်ကြီးဌာနရုံး ဧည့်ခန်းမတွင် စွမ်းအင်နှင့် သတ္တုဝန်ကြီးနှင့် တွေ့ဆုံကာ သတ္တုကဏ္ဍ၊ ရေအားလျှပ်စစ် ကဏ္ဍနှင့် သဘာဝပတ်ဝန်းကျင်ထိန်းသိမ်းရေးကဏ္ဍ ကိစ္စရပ်များအပေါ် မိမိတို့၏သဘောထားအမြင်များကို ရင်းနှီးပွင့်လင်စွာ ဆွေးနွေးခဲ့ကြကြောင်းသတင်းရရှိသည်။