Welcome to Forest Department
No front page content has been created yet.
သတင်းနှင့်ကြေငြာချက်များ
၂၈-၄-၂၀၂၀ ရက်နေ့တွင် မိုးညှင်းမြို့နယ် သစ်တောဦးစီးဌာန မှတောအုပ် ဦးသော်ဇင်ဦးဆောင်သော သစ်တောဝန်ထမ်းများနှင့်မိုးညှင်းမြို့မစခန်းရဲတပ်ဖွဲ့ဝင်များ၊ ဟဲလုံကျေးရွာ အုပ်စု အုပ်ချုပ်ရေးမှူးအဖွဲ့ တို့ ပါဝင်သော ပူးပေါင်းအဖွဲ့သည် (၁၈:၃၀)နာရီအချိန်ခန့်တွင် ဟဲလုံ-တဲကြီးကုန်း သွားလမ်းဘေး ဝါးရုံတောအတွင်းမှ တရားမဝင် ကျွန်းသစ်(၂၉)လုံးနှင့် ၃ပေအောက်ကျွန်းသစ်(၂၇)လုံး စုစုပေါင်း ကျွန်းသစ်(၅.၉၉၈)တန် ဖမ်းဆီးရမိခဲ့ပြီးဆက်စပ်ပတ်သက်သောတရားခံများအား စုံစမ်းဖော်ထုတ်၍ သစ်တောဥပဒေအရ ထိရောက်စွာ အရေးယူဆောင်ရွက် သွားမည်ဖြစ်ပါသည်။
ပြည်သူပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှု့ သတင်းပို့စနစ်-CMRS ဖြင့် သတင်း ပေးပို့ချက်အရ ၂၇-၄-၂၀၂၀ ရက်နေ့တွင် ချင်းပြည်နယ်၊ ဟားခါးခရိုင်၊ ဟားခါးမြို့နယ် သစ်တောဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်းများ၊ သစ်တောလုံခြုံရေးရဲတပ်ဖွဲ့ဝင်များ၊ ကျေးရွာ အုပ်ချုပ်ရေးအဖွဲ့ဝင်များပါဝင်သော ပူးပေါင်းအဖွဲ့သည် ဟားခါးမြို့နယ်၊ ခင်ရန်းကြိုးပြင်ကာကွယ်တော အကွက်(၁၃)၊ ဟားခါး-မှန်တော-ဟာတာကားလမ်းသစ်၊ ဆားချောင်းနှင့် ရေငံချောင်းအနီး တဝိုက်နေရာမှ တရားမဝင် ကျွန်း/အင်ကြင်း သစ်/ခွဲသား/ရောင်ခြမ်း (၅၄)လုံး/ချောင်း/ခြမ်း (၁၃.၄၀၇၆)တန်အား ချိန်းဆော(၁)လက်နှင့်အတူ ပိုင်ရှင်မဲ့ ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။
ပြည်သူပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှု့ သတင်းပို့စနစ်-CMRS ဖြင့် သတင်းပေး ပို့ချက်အရ ၂၇-၄-၂၀၂၀ ရက်နေ့တွင် ညွှန်ကြားရေးမှူးချူပ်ရုံး၊ စစ်ဆေးရေးဌာနမှ ဦးစီးအရာရှိ ဦးထွန်းသန်းဦး ဦးဆောင်သောအဖွဲ့၊ နေပြည်တော်ကောင်စီနယ်မြေ၊ ဥတ္တရခရိုင်၊ သစ်တောဦးစီးဌာနမှ သစ်တောဝန်ထမ်း များ၊ သစ်တောလုံခြုံရေးရဲတပ်ဖွဲ့ဝင်များ၊ ကျေးရွာအုပ်ချုပ်ရေးအဖွဲ့ဝင်များပါဝင်သော ပူးပေါင်းအဖွဲ့သည် ဥတ္တရသီရိမြို့နယ်၊ အောင်ချမ်းသာကျေးရွာအနီး၊ အောင်ချမ်းသာဘုရားဝင်းအတွင်းမှ သင်းဝင်/ဘင်္ဂ/ရုံး/ သံသေ/ သံသတ်/ဆိတ်ချေး/ဒီဒူး/ ပိုးမဲဇာ/ကြက်ရိုး/လယ်ဇ/နဘဲ/သစ်ပုတ်/ဇောင်းပလွေ/ သစ်ဖြူ /သစ်ပုဂံ/ ကသစ် သစ်များနှင့် လုံးပတ်(၃)ပေ အောက် စန္ဒဝါ/လယ်ဇ/ဒီဒူး/ဆိတ်ချေး/သံသေ/ ချေး /ကသစ် သစ်/ခွဲသား စုစုပေါင်း (၁၁၄)လုံး/ချောင်း (၂၈.၅၉၄၀)တန်အား ပိုင်ရှင်မဲ့ ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေ ဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက် လျက်ရှိပါသည်။
၂၇-၄-၂၀၂၀ ရက်နေ့တွင် မန္တလေးတိုင်းဒေသကြီး၊ ရမည်းသင်းမြို့နယ်၊ ကျောက်ဆည်မြို့နယ်၊ ပုသိမ်ကြီးမြို့ နယ်၊ သာစည်မြို့နယ်၊ သစ်တောဦးစီးဌာနမှ သစ်တောဝန်ထမ်းများပါဝင်သော စစ်ကြောင်းအဖွဲ့သည် ရမည်းသင်းမြို့နယ်၊ နန်းလုံကျေးရွာ၏မြောက်ဘက်(၂)မိုင်ခန့်အကွာ ပေါက်အင်းဘုရားအနီးမှ တရားမဝင် သစ်အယ်/စကားဝါ (၁၁)လုံး (၄.၄၃၈၀)တန်အား ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေ ဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။
ပြည်သူပူးပေါင်းပါဝင်မှုဖြင့်လူထုအခြေပြုစောင့်ကြပ် ကြည့်ရှုသတင်းပို့စနှစ် CMRS ဖြင့် ၂၇-၄-၂၀၂၀ ရက်နေ့တွင် ပဲခူးခရိုင်လက်ထောက်ညွှန်ကြားရေးမှူး၏ချပြသတင်းအရ ဒိုက်ဦးမြို့နယ် သစ်တောဦးစီးဌာန ဦးစီးအရာရှိဦးဆောင်သောသစ်တောဝန်ထမ်းများသည် ဒိုက်ဦးမြို့နယ် အောင်စိုးမိုးကျေးရွာအနောက်ဘက် လယ်ကွင်းစပ် နေရာများမှ တရားမဝင်ကျွန်း/ပျဥ်းကတိုးခွဲသား (၅၀)ချောင်း စုစုပေါင်း (၄.၇၉၄၀)တန် အား ဖမ်းဆီးရမိခဲ့ပြီး ဖမ်းဆီးရမိသစ်များအား ဦးစီးအရာရှိရုံးဝန်းသို့သယ်ယူသိမ်းဆည်းပြီးဆက်စပ်တရားခံများအားစုံစမ်းရှာဖွေဖော်ထုတ်၍ ဥပဒေနှင့်အညီထိရောက်စွာ အရေးယူနိုင်ရေးစီစဥ်ဆောင်ရွက်လျှက်ရှိပါသည်။
၂၆-၄-၂၀၂၀ ရက်နေ့တွင် ဧရာဝတီတိုင်းဒေသကြီး၊ ပုသိမ်ခရိုင်၊ ပုသိမ်မြို့နယ်၊ သစ်တောဦးစီးဌာနမှ ဦးစီးအရာရှိ ဦးအောင်မြင့်မြတ်နှင့် ကျေးရွာအုပ်ချုပ်ရေးအဖွဲ့ဝင်များပါဝင်သော ပူးပေါင်းအဖွဲ့သည် ပုသိမ်မြို့နယ်၊ ရ.က.အ(၉) ထင်းပုံဆိပ်ရှိ ဦးအေးကို၏ အစလ သစ်စက်ဝင်းအတွင်းမှ တရားမဝင် တောင်သရက်ခွဲသား (၃၈)ချောင်း (၃.၇၀၄၂)တန် အား တရားခံ(၁)ဦးနင့်အတူ ဖမ်းဆီးရမိခဲ့ပြီး သစ်စက်နှင့်တရားခံအား သစ်တောဥပဒေနှင့်အညီ ထိရောက်စွာ အရေးယူနိုင်ရေး သက်ဆိုင်ရာ ရဲစခန်းတွင် အမှုဖွင့်လှစ်ဆောင်ရွက်လျက်ရှိပါသည်။
ပြည်သူပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှု့ သတင်းပို့စနစ်-CMRS ဖြင့် သတင်းပေး ပို့ချက်အရ ၂၅-၄-၂၀၂၀ ရက်နေ့တွင် ဧရာဝတီတိုင်းဒေသကြီး၊ ဟင်္သာတခရိုင်၊ အင်္ဂပူမြို့နယ်၊ သစ်တောဦးစီး ဌာနမှ သစ်တောဝန်ထမ်းများ၊ ရပ်ကွက်အုပ်ချုပ်ရေးအဖွဲ့ဝင်များပါဝင်သော ပူးပေါင်းအဖွဲ့သည် အင်္ဂပူမြို့နယ်၊ ကညင်စုကျေးရွာအနီး၊သဲဖြူချောင်းအတွင်းမှ တရားမဝင်တရုတ်နီ(Lotus) (၁၈)ကောင်အင်ဂျင်(၁)လုံးပါ သစ်စက် ဆက်စပ် ပစ္စည်းများနှင့် တရားမဝင်ကျွန်း/မျောက်ချော/နဘဲ/ပျဉ်းကတိုး/ ကုတ်ဟဲသစ်/ခွဲသား (၂၁၄)လုံး/ ချောင်း (၄.၀၄၀၄)တန်အား ပိုင်ရှင်မဲ့ ဖမ်းဆီးရမိခဲ့ပြီး ဆက်စပ်ပတ်သက် သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင် ရွက်လျက်ရှိပါသည်။
၂၅-၄-၂၀၂၀ ရက်နေ့တွင် ဧရာဝတီတိုင်းဒေသကြီး၊ သာပေါင်းမြို့နယ်၊ သစ်တောဦးစီးဌာနမှ သစ်တောဝန်ထမ်းများ၊ သစ်တောလုံခြုံရေးရဲတပ်ဖွဲ့ဝင်များ၊ ကျေးရွာအုပ်ချုပ်ရေးအဖွဲ့ဝင်များ ပါဝင်သော ပူးပေါင်းအဖွဲ့သည် သာပေါင်းမြို့နယ်၊ အောင်တပ်ကျေးရွာအုပ်စု၊ လက်ခုတ်ချောင်းအစုကြီးရွာအနီးမှ တရားမဝင် တောင်သရက်ခွဲသား (၁၇)ချောင်း (၅.၉၆၈၇)တန်အား ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက် လျက်ရှိပါသည်။