Welcome to Forest Department
No front page content has been created yet.
သတင်းနှင့်ကြေငြာချက်များ
၂၃-၉-၂၀၂၀ ရက်နေ့တွင် စစ်ကိုင်းတိုင်းဒေသကြီး၊ သစ်တောဦးစီးဌာနမှ ဒုတိယညွှန်ကြားရေးမှူး ဦးဆောင်သော သစ်တောဝန်ထမ်းများ၊ သစ်တောလုံခြုံရေးရဲတပ်ဖွဲ့ဝင်များ၊ ကျေးရွာအုပ်ချုပ်ရေးအဖွဲ့ဝင်များပါဝင်သော ပူးပေါင်းအဖွဲ့သည် မင်းကင်းမြို့နယ်၊ မြောင်းဇင်းရွာအနီး ပတ်ဝန်းကျင်နေရာများမှ သစ်စက်စပ်ဆက်ပစ္စည်း(၄)မျိုး၊ မီးစက်(၁)လုံး၊ ချိန်းဆော(၂)လုံး၊ တာယာဘီးတပ်လှည်း(၂)စီး၊ တရားမဝင်ကျွန်း/အင်/ကညင်သစ်/ ခွဲသား/ ခွဲခြမ်း (၄၀၇)လုံး/ချောင်း/ခြမ်း (၂၂.၆၂၇၆)တန်၊ (၃)ပေအောက်ကျွန်းသစ်(၅)လုံး (၀.၈၀၆၀)တန် စုစုပေါင်း (၂၃.၄၃၃၆)တန်အား တရားခံ(၁)ဦးနှင့်အတူ ဖမ်းဆီးရမိခဲ့ပြီး တရားခံအားဥပဒေနှင့်အညီ ထိရောက်စွာ အရေးယူနိုင်ရေးစီစဉ် ဆောင်ရွက်လျက်ရှိပါသည်။
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန အနေဖြင့် မြန်မာ့ကျွန်း သစ်မူရင်းဒေသဖြစ်သော ပဲခူးရိုးမအတွင်း ၂၀၁၆-၁၇ ဘဏ္ဍာနှစ်မှစ၍ တရားဝင်သစ်ထုတ်လုပ်ခြင်းလုပ်ငန်း အား (၁၀)နှစ်ရပ်နားထားပြီး သစ်တောပြုစုထိန်း သိမ်းခြင်းလုပ်ငန်းများအား အရှိန်အဟုန်မြှင့်ဆောင်ရွက်နေ လျှက်ရှိသည့်အပြင် တရားမဝင်သစ်ခိုးထုတ်ခြင်း၊ တရားမဝင်တောရိုင်းတိရစ္ဆာန်များ သတ်ဖြတ်ခြင်းနှင့် ကျူးကျော်အခြေချနေထိုင်ခြင်းများအား ပြည်သူပူးပေါင်းပါဝင်မှုဖြင့် စီမံချက်ချအကောင် အထည်ဖော် ဆောင်ရွက်နေလျှက်ရှိပါသည်။ ပဲခူးရိုးမစိမ်းလန်းစိုပြည်ရေး ဧရိယာအတွင်းမှ (၂၁-၉-၂၀၂၀)ရက်နေ့မှ (၂၇-၉-၂၀၂၀) ရက်နေ့ထိ တစ်ပတ်တာကာ လအတွင်း တရားမဝင်ကျွန်း၊ သစ်မာ၊အခြား စုစုပေါင်း (၇၇.၀၅၈၁)တန်ဖမ်းဆီးရမိခဲ့ပါသည်။
၂၂-၉-၂၀၂၀ ရက်နေ့တွင် ရှမ်းပြည်နယ်(မြောက်ပိုင်း)၊ ကျောက်မဲခရိုင်၊ မဘိမ်းမြို့နယ်၊ သစ်တောဦးစီးဌာနမှ သစ်တောဝန်ထမ်းများ၊ ငါးအိုးကျေးရွာရပ်မိရပ်ဖတို့ပါဝင်သော ပူးပေါင်းအဖွဲ့သည် မဘိမ်းမြို့နယ်၊ ငါးအိုးကျေးရွာအနီး၊ ရွှေလီမြစ်ကမ်းဘေးတွင် တရားမဝင် လုံးပတ် ၃ပေအောက် ကျွန်းသစ်(၉၁)လုံး (၅.၆၅၂၀)တန်အား ဖမ်းဆီးစဉ် တစ်ဦးတစ်ယောက်မျှတွေ့ရှိခြင်းမရှိဘဲ ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။
၂၂-၉-၂၀၂၀ ရက်နေ့တွင် စစ်ကိုင်းတိုင်းဒေသကြီး၊ မုံရွာ/ယင်းမာပင်ခရိုင်၊ ဆားလင်းကြီးမြို့နယ်၊ သစ်တောဦးစီးဌာနမှ သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ ကျေးရွာအုပ်ချုပ်ရေးအဖွဲ့ဝင်များပါဝင်သော ပူးပေါင်းအဖွဲ့သည် ဆားလင်းကြီးမြို့နယ်၊ သံလျှက်ကိုင်းကျေးရွာ၏ အရှေ့မြောက်ဘက်(၁)ဖာလုံခန့်အကွာ ချင်းတွင်းမြစ်ဘေးနေရာတွင် တရားမဝင်အင်ခွဲသား (၃၉၅)ချောင်း (၅.၄၄၃၈)တန်အား တရားခံ(၁)ဦးနှင့်အတူ ဖမ်းဆီးရမိခဲ့ပြီး တရားခံအား ဥပဒေနှင့်အညီ ထိရောက်စွာ အရေးယူနိုင်ရေး သက်ဆိုင်ရာရဲစခန်းတွင် အမှုဖွင့်လှစ်ဆောင်ရွက်လျက်ရှိပါသည်။
၂၂-၉-၂၀၂၀ ရက်နေ့တွင် စစ်ကိုင်းတိုင်းဒေသကြီး၊ စစ်ကိုင်းမြို့နယ်၊ သစ်တောဦးစီးဌာနမှ သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ ကျေးရွာရာအိမ်မှူးတို့ပါဝင်သောပူးပေါင်းအဖွဲ့သည် စစ်ကိုင်းမြို့နယ်၊ စစ်ကိုင်း- မန္တလေးသွားကားလမ်း ရတနာပုံတံတားထိပ်၊ စစ်ကိုင်းဘက်ခြမ်း တံတားရဲကင်းအလွန်တွင် မော်တော်ယာဉ်အမှတ် (SHN 7F/8814) NISSAN၊ အဖြူရောင် (၆)ဘီး ယာဉ်ပေါ်မှ တရားမဝင် အင်ခွဲသား(၁၃၈)ချောင်း (၆.၅၃၉၈)တန်အား တရားခံ(၁)ဦးနှင့်အတူ ဖမ်းဆီးရမိခဲ့ပြီး တရားခံအား ဥပဒေနှင့်အညီ ထိရောက်စွာ အရေးယူနိုင်ရေး သက်ဆိုင်ရာ ရဲစခန်းတွင် အမှုဖွင့်လှစ်ဆောင်ရွက်လျက်ရှိပါသည်။
၂၂-၉-၂၀၂၀ ရက်နေ့တွင် စစ်ကိုင်းတိုင်းဒေသကြီး၊ ကလေးခရိုင်၊ ကလေးဝမြို့နယ်၊ သစ်တောဦးစီးဌာန ဦးစီးအရာရှိဦးဆောင်သော သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ သစ်တောလုံခြုံရေးရဲတပ်ဖွဲ့ဝင်များ၊ ကျေးရွာအုပ်ချုပ်ရေးမှူးတို့ပါဝင်သော ပူးပေါင်းအဖွဲ့သည် ကလေးဝမြို့နယ်၊ ဝက်တိုးကျေးရွာ အနောက်ဘက်(၃)မိုင်ခန့်အကွာ၊ ပူးတောင်းချောင်းဘေးနှင့် မိုးကောင်းကျေးရွာအရှေ့ဘက်တို့တွင် တရားမဝင် ကျွန်း/အင်ကြင်း/ယမနေ/အင်သစ်/ခွဲသား၊ လုံးပတ်(၃)ပေအောက် ကျွန်းသစ် စုစုပေါင်း(၄၈၆)လုံး/ချောင်း (၆.၈၉၇၆)တန်၊ အင်ဂျင်(၁)လုံးနှင့် ဆက်စပ်ပစ္စည်း(၆)မျိုးတို့အား ဖမ်းဆီးရေးအဖွဲ့မှ ဖမ်းဆီးစဉ် တစ်ဦးတစ်ယောက်မျှတွေ့ရှိခြင်းမရှိဘဲ ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။
၂၁-၉-၂၀၂၀ ရက်နေ့တွင် နေပြည်တော်ကောင်စီနယ်မြေ၊ ဒက္ခိဏခရိုင်၊ လယ်ဝေးမြို့နယ်၊ သစ်တောဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်းများအဖွဲ့သည် လယ်ဝေးမြို့နယ်၊ ပလွေးကြိုးဝိုင်းအကွက်(၉၄၊ ၉၇)အတွင်း ဝက်ပုတ်ရွာမှ လယ်တာကြီးရွာသွားလမ်းဘေးနှင့် ဒိုးနွယ်လေးရွာမှ ချောင်းမငယ်ရွာသွားလမ်းဘေးနေရာတို့၌ တရားမဝင်သံသေ/ဒီဒူး/ပိုးမဲဇာသစ်(၁၄)လုံး (၂.၄၅၄၀)တန်၊ (၃)ပေအောက်သံသေ/ဖက်သန်း/သစ်ဖြူ/ ပိုးမဲဇာ/ချဉ်ယုတ်/ဒီးဒူးသစ်(၅၇)လုံး (၅.၄၄၀၀)တန်နှင့် ရုံး/သစ်ကဇော်/ချဉ်ယုတ်ခွဲသား (၁၆)ချောင်း (၃.၁၆၁၀)တန် စုစုပေါင်း (၇၃)လုံး/ချောင်း (၁၁.၀၅၅၀)တန်အား ဖမ်းဆီးစဉ် တစ်ဦးတစ်ယောက်မျှ တွေ့ရှိခြင်းမရှိဘဲ ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်း ရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။
၂၁-၉-၂၀၂၀ ရက်နေ့တွင် ပဲခူးတိုင်းဒေသကြီး၊ သာယာဝတီခရိုင်၊ မင်းလှမြို့နယ်၊ လက်ပံတန်းမြို့နယ်၊ သာယာဝတီမြို့နယ်၊ အုတ်ဖိုမြို့နယ်၊ နတ်တလင်းမြို့နယ်၊ ကြို့ပင်ကောက်မြို့နယ်၊ ကျောက်တံခါးမြို့နယ် သစ်တောဦးစီးဌာနမှ သစ်တောဝန်ထမ်းများ၊ သစ်တောလုံခြုံရေးရဲတပ်ဖွဲ့ဝင်များ၊ တပ်မတော်တပ်ဖွဲ့ဝင်များ ပါဝင်သောပူးပေါင်းအဖွဲ့သည် လက်ပံတန်းမြို့နယ်၊ မြောက်ဇာမရီကြိုးဝိုင်း အကွက်အမှတ်(၆၄)တွင် မော်တော်ယာဉ်အမှတ်(၃က/၆၇၉၂) ယာဉ်နှင့် တရားမဝင် ကျွန်း၊ ပျဉ်းကတိုးသစ်/ခွဲသား/ခွဲခြမ်း (၃၄)လုံး/ ချောင်း/ခြမ်း (၃.၇၅၈၈)တန်အား ဖမ်းဆီးစဉ် တစ်ဦးတစ်ယောက်မျှတွေ့ရှိခြင်းမရှိဘဲ ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။