Welcome to Forest Department
No front page content has been created yet.
သတင်းနှင့်ကြေငြာချက်များ
ပဲခူးတိုင်းဒေသကြီး၊ တောင်ငူခရိုင်၊ အုတ်တွင်းမြို့နယ်၌ သစ်တောဦးစီးဌာနမှ သဘာဝပတ်ဝန်းကျင်စိမ်းလန်းစိုပြေစေရေး၊ ဂေဟစနစ်ထိန်းသိမ်းရေးနှင့် ပတ်ဝန်းကျင် ထိန်းသိမ်းနိုင်စေရေးအတွက်ရည်ရွယ်၍ မိုးရာသီသစ်ပင်စိုက်ပျိုးပွဲကျင်းပခြင်းကို (၂၇-၆-၂၀၂၄)ရက်နေ့၊ နံနက်ပိုင်းက ပေါက်တောကျေးရွာအုပ်စု၊ ရေသိုးဆည်အနီး ပန်းတင်တောင် တွင် ကျင်းပပြုလုပ်ခဲ့ပါသည်။ အခမ်းအနားသို့ အုတ်တွင်းတပ်နယ်မှ တပ်နယ်မှူး ဗိုလ်မှူးချုပ်ဇော်မြငဦး၊ အမှတ်(၈၀၈)အမြောက်စစ်ဆင်ရေးကွပ်ကဲမှုဌာနချုပ်မှ တပ်မမှူး ဗိုလ်မှူးကြီးမင်းသူလှိုင်၊ အမှတ်(၃၀၃၁) လေကြောင်းရန်ကာကွယ်ရေးတပ်ရင်းမှ တပ်ရင်းမှူး ဒုတိယဗိုလ်မှူးကြီးသူရိန်သန်းမြင့် မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးသီဟထွန်း၊ မြို့နယ်အမျိုးသမီးရေးရာအဖွဲ့ဥက္ကဋ္ဌ ဒေါ်နန်းမာလာ၊ မြို့နယ်မိခင်နှင့် ကလေးစောင့်ရှောက် ရေးအသင်းအဖွဲ့ဝင် ဒေါ်စန္ဒာဌေးတို့က ပျိုးပင်များပေးအပ်ပြီး မြို့နယ်အဆင့် ဌာနဆိုင်ရာ အသီးသီးကပျိုးပင်များလက်ခံရယူကြသည်။ ဆက်လက်၍ ကျွန်း၊ ပျဉ်းကတိုး၊ ပိတောက်၊ မဟော်ဂနီ၊ မယ်ဇလီ၊ ယမနေ၊ စိန်ပန်းကြီး၊ ကုက္ကိုလ်၊ မန်ဂျန်ရှား၊ မကျီးပင် စုစုပေါင်းပျိုးပင်( ၅၀၀)ပင်ကို အုတ်တွင်း တပ်နယ်မှ တပ်နယ်မှူး ဗိုလ်မှူးချုပ် ဇော်မြင့်ဦးနှင့် တပ်ရင်း/တပ်ဖွဲ့မှူးများ၊ စစ်သည်/ရဲမေများ၊ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးသီဟထွန်း နှင့် အဖွဲ့ဝင်များ၊ မြို့နယ်အဆင့်ဌာနဆိုင်ရာများ၊ မြို့နယ်သစ်တောဦးစီးဌာနမှ ဦးစီးအရာရှိနှင့် ဝန်ထမ်းများ၊ မြို့နယ်မီးသတ်တပ်ဖွဲ့ဝင်များ၊ မြို့နယ်အမျိုးသမီးရေးရာအဖွဲ့ဥက္ကဋ္ဌနှင့် အဖွဲ့ဝင်များ၊ မြို့နယ်မိခင်နှင့်ကလေးစောင့်ရှောက်ရေးအသင်းအဖွဲ့ဝင်များ၊ ဆရာ/ဆရာမများ နှင့်ကျောင်းသား/ကျောင်းသူများက စုပေါင်းစိုက်ပျိုးခဲ့ကြပြီးအင်အား(၂၅၀)ဦး တက်ရောက်ခဲ့ကြောင်းသိရှိရပါသည်။
(၂၇-၇-၂၀၂၄)ရက်နေ့၊ နံနက်(၀၉:၀၀)နာရီတွင်သန်လျင်မြို့နယ်၊ သစ်တောဦးစီးဌာနနှင့်၊ First National Insurance (General) Co, Ltd (FNI)၏ ဒုတိယအုပ်ချုပ်မှု ဒါရိုက်တာ ဦးအောင်ကိုကိုတင်ဝင်းပါ ကုမ္မဏီဝန်ထမ်း(၁၀၀)ဦး ပါဝင်သောအဖွဲ့ဖြင့် သန်လျင်ခရိုင်၊ ကျောက်တန်းမြို့နယ်၊ ဘန်ဘွေးကုန်း ရေလှောင်တမံကြိုးဝိုင်း ၁၉၉၆ ရေဝေရေလဲစိုက်ခင်းအတွင်း ကွက်လပ်ဖြစ် နေသောနေရာ၌ ခြုံနွယ်များရှင်းလင်း၍ မိုးရာသီ သစ်ပင်စိုက်ပျိုးပွဲ(ကွက်လပ်ဖြည့်စိုက်ပျိုးခြင်း)ကျင်းပခဲ့ရာ ပျဉ်းကတိုး(၁၅)ပင်၊ မဟော်ဂနီ (၁၅)ပင်၊ ခရေ(၅)ပင်၊ ပျဉ်းမ(၅)ပင်၊ မန်ဂျန်ရှား(၂၆၀)ပင် စုစုပေါင်း(၃၀၀)ပင် စိုက်ပျိုးခဲ့ပါကြောင်း သိရှိရပါသည်။
မွန်ပြည်နယ် သစ်တောဦးစီးဌာနအစီအစဉ်ဖြင့် ၂၀၂၄ ခုနှစ်၊ အပြည်ပြည်ဆိုင်ရာ ဒီရေတော ဂေဟစနစ်ထိန်းသိမ်းရေးနေ့အထိမ်းအမှတ်ဒီရေတောသစ်ပင်စိုက်ပွဲ အခမ်းအနား အား (၂၇-၇-၂၀၂၄)ရက်နေ့၊ နံနက်(၁၀:၀၀)နာရီအချိန်တွင် သထုံခရိုင် ပေါင်မြို့နယ်၊ အလှပ် ကျေးရွာအုပ်စု ဆယ်အိမ်စုကမ်းခြေ၌ ကျင်းပပြုလုပ်ရာ မွန်ပြည်နယ်အစိုးရအဖွဲ့ ပြည်နယ် ဝန်ကြီးချုပ်နှင့် အစိုးရအဖွဲ့ဝင်များ၊ ပြည်နယ်/ခရိုင်/ မြို့နယ်အဆင့် ဌာနဆိုင်ရာများ၊ လူမှုရေးအသင်းအဖွဲ့များ၊ ကျောင်းသား/သူများ၊ ဒေသခံပြည်သူများစုစုပေါင်း(၄၀၀)ဦး တက်ရောက်ကြပြီး သမဲ့ (၁၅၀၀)ပင်၊ ဗြူးခြေထောက် (၃၀၀)ပင်၊ စုစုပေါင်း(၁၈၀၀)ပင်အား အောင်မြင်စွာစိုက်ပျိုးခဲ့ကြပါကြောင်း သိရှိရပါသည်။
ပဲခူးတိုင်းဒေသကြီး၊ သစ်တောဦးစီးဌာနမှ(၂၆-၇-၂၀၂၄)ရက်နေ့တွင်ကျ ရောက်သည့် "အပြည်ပြည်ဆိုင်ရာ ဒီရေတောဂေဟစနစ်ထိန်းသိမ်းရေးနေ့"အထိမ်းအမှတ်ပညာပေးဟောပြောပွဲနှင့်ဒီရေတောသစ်ပင်စိုက်ပျိုးပွဲအား ကျင်းပပြုလုပ်ဆောင်ရွက်ခဲ့ရာတွင်(၂၆-၇-၂၀၂၄) ရက်နေ့(၀၉:၀၀)နာရီ၌စစ်တောင်းမြစ်ဝရှိကဝမြို့နယ်၊ အောင်ကံလှိုင်ကျေးရွာအုပ်ချူပ်ရေး မှူးရုံးတွင် "အပြည်ပြည်ဆိုင်ရာ ဒီရေတောဂေဟစနစ်ထိန်းသိမ်းရေးနေ့အထိမ်းအမှတ် ပညာပေးဟောပြောပွဲ"အားကျင်းပပြုလုပ်ခဲ့ရာ အောင်ကံလှိုင်ကျေးရွာ နှင့်အောင်မိတ္တာကျေးရွာ အုပ်ချူပ်ရေးမှူးများနှင့် ကျေးရွာသူကျေးရွာသားများ၊ အောင်ကံလှိုင်ကျေးရွာအလယ်တန်းကျောင်းမှ ကျောင်းအုပ်ကြီး၊ ဆရာဆရာမနှင့် ကျောင်းသားကျောင်းသူများ၊ ဒီရေတောများ စိုက်ပျိုးထိန်းသိမ်းလျက်ရှိသည့် Worldview International Foundation မှ ဝန်ထမ်း များ စုစုပေါင်း(၁၃၈)ဦး တက်ရောက်ပြီးဟော ပြောပွဲတွင်အောင်ကံလှိုင်ကျေးရွာ အုပ်ချူပ်ရေးမှူး ဦးမျိုးဝင်းမှ အဖွင့်အမှာစကားပြောကြားပြီး ပဲခူးမြို့နယ်သစ်တောဦးစီးဌာန၊ ဦးစီးအရာရှိ ဦးတင်ထွန်းမှ ဒီရေတောဂေဟစနစ်ထိန်းသိမ်းရေးဆိုင်ရာနှင့် သဘာဝဘေး အန္တရာယ်လျော့ချရေးနှင့်ရာသီ ဥတုပြောင်းလဲမှုဆိုင်ရာကိစ္စရပ်များအား အသိပညာပေးဟောပြောပြီး ၂၀၂၄ခုနှစ်အပြည်ပြည်ဆိုင်ရာ ဒီရေတောဂေဟစနစ် ထိန်းသိမ်းရေးနေ့အ ထိမ်းအမှတ်ပညာပေး Video Clip အားပြသပါသည်။ ဆက်လက်၍ကဝမြို့နယ်၊အောင်နိမိတ်ဒီရေတော အဆိုပြုကြိုးပြင်ကာကွယ်တောအတွင်း အပြည်ပြည်ဆိုင်ရာဒီရေတောဂေဟစနစ်ထိမ်းသိမ်းရေးနေ့အထိမ်း အမှတ်ဒီရေတောသစ်ပင်စိုက်ပွဲအား (၁၀:၃၀)နာရီ တွင်ကျင်းပရာ တပ်မတော်သားများ၊ ကျေးရွာသူကျေးရွာသားများ၊ Worldview International Foundation မှ ဝန်ထမ်းများနှင့် ပဲခူးမြို့နယ်သစ်တောဦးစီးဌာနမှ ဝန်ထမ်း များ စုစုပေါင်း(၇၅)ဦးတို့မှ သမဲ့(၂၀၀၀)ပင်၊ ဗြူးခြေထောက်အဖို(၁၃၀၀)ပင်၊ ဗြူးခြေ ထောက်အမ(၁၃၀၀)ပင် စုစုပေါင်း(၄၆၀၀)ပင်အား စုပေါင်း၍စိုက်ပျိုးခဲ့ပါကြောင်း သိရှိရ ပါသည်။
ဧရာဝတီတိုင်းဒေသကြီး သစ်တောဦးစီးဌာနမှ အပြည်ပြည်ဆိုင်ရာ ဒီရေတာဂေဟစနစ် ထိန်းသိမ်းရေးနေ့ အထိမ်းအမှတ်အခမ်းအနားကို(၂၆-၇-၂၀၂၄)ရက်နေ့တွင် ပုသိမ်တက္ကသိုလ်
ဘွဲ့နှင်း သဘင်ခန်းမ၌ညနေ (၁၅:၀၀)နာရီမှ (၁၇:၃၀)နာရီအချိန်ထိကျင်းပခဲ့ပါသည်။ အခမ်းအနား ကို သယံဇာတရေးရာဝန်ကြီး ပုသိမ်တက္ကသိုလ် ပါမောက္ခချုပ်၊ ပါမောက္ခဆရာ/ဆရာမများ တိုင်းအဆင့်ဌာနဆိုင်ရာများ ကျောင်းသား/သူများ စုစုပေါင်း (၄၅၀) ဦးတက်ရောက်ခဲ့ပါသည်။
အခမ်းအနားတွင်သယံဇာတဝန်ကြီး ဦးအုန်းမြင့်ကအဖွင့်အမှာစကားပြောကြားပြီး ဧရာဝတီတိုင်း ဒေသကြီးသစ်တောဦးစီးဌာန ညွှန်ကြားရေးမှူး ဦးမြင့်စိန်က ဒီရေတောဂေဟစနစ်နှင့်ဒီရေတောများ ၏အရေးပါပုံအကြောင်းနှင့်သစ်တောဦးစီးဌာနမှဆောင်ရွက်နေသည့် ဒီရေတောဆိုင်ရာ အကြောင်း ဟောပြောခြင်း၊ ပုသိမ်တက္ကသိုလ် အဏ္ဏဝါသိပ္ပံဌာနမှ အချိန်ပိုင်းပါမောက္ခ ဒေါက်တာဌေးအောင်မှ ဒီရေတောဂေဟစနစ်၏ အကျိုးကျေးဇူးနှင့်ထိန်းသိမ်းရေးလုပ်ငန်းစဉ်များ အကြောင်းဟောပြော ဆွေးနွေးပြီးနောက် အပြည်ပြည်ဆိုင်ရာဒီရေတောဂေဟစနစ်ထိန်းသိမ်းရေးအထိမ်းအမှတ် video အားပြသခဲ့ပါသည်။ အခမ်းအနားသို့တက်ရောက်လာသူများအား လက်ကမ်းစာစောင်များဖြန့်ဝေခြင်း၊ ဒီရေတောဂေဟစနစ်ထိန်းသိမ်းရေးဆိုင်ရာ ပိုစတာများ ဒီရေတောသစ်မျိုး ပျိုးပင်များ၊ အသီးများနှင့် မိချောင်းခေါင်းအရိုးများနှင့် မိချောင်းဥတို့ကို ခင်းကျင်းပြသခဲ့ပါကြောင်း သိရှိရပါသည်။
၂၀၂၄ ခုနှစ်၊ ဇူလိုင်လ(၂၆)ရက်နေ့တွင် ကျရောက်သည့် အပြည်ပြည်ဆိုင်ရာ ဒီရေတောဂေဟစနစ် ထိန်းသိမ်းရေးနေ့ အထိမ်းအမှတ် အခမ်းအနားကို (၂၆-၇-၂၀၂၄ ) ရက်နေ့၊ နံနက်(၀၈:၀၀)နာရီတွင် ရန်ကုန်တိုင်းဒေသကြီး ပြည်ထောင်စု တိုင်းရင်းသားကျေးရွာခန်းမ၌ ကျင်းပပြုလုပ်ရာ သယံဇာတနှင့် သဘာဝပတ်ဝန်းကျင်ထိန်းသိမ်းရေး ဝန်ကြီးဌာနအောက်ရှိ ပတ်ဝန်းကျင်ထိန်းသိမ်းရေးဦးစီးဌာန၊ မြန်မာ့သစ်လုပ်ငန်း၊ သတ္တုတွင်း ဦးစီးဌာန၊ မြန်မာ့ကျောက်မျက်လုပ်ငန်းတို့မှ တိုင်းအဆင့်ဌာနဆိုင်ရာများ၊ တိုင်းရင်းသားကျေးရွာ ညွှန်ကြားရေးမှူး၊ ဒုတိယညွှန်ကြားရေးမှူးနှင့် တာဝန်ရှိသူများ၊ တိုင်းရင်းသားများ၊ သစ်တောဦးစီးဌာန အရာထမ်းအမှုထမ်းများအင်အား(၂၀၀)ခန့် တက်ရောက်ခဲ့ကြပါသည်။ အခမ်းအနားတွင် ညွှန်ကြားရေးမှူး ဦးလှဦးမှ အပြည်ပြည်ဆိုင်ရာ ဒီရေတောဂေဟစံနစ် ထိန်းသိမ်းရေးနေ့ အခမ်းအနားတွင် သယံဇာတနှင့်သဘာဝပတ်ဝန်းကျင်ထိန်းသိမ်းရေး ဝန်ကြီးဌာန ပြည်ထောင်စုဝန်ကြီး မြွက်ကြားသည့် အဖွင့်မိန့်ခွန်းအား ဖတ်ကြားတင်ပြခြင်း ၊ ဒုတိယညွှန် ကြားရေးမှူး ဦးသိန်းနိုင်ကြွယ်မှ သစ်တောဦးစီးဌာန ညွှန်ကြားရေးမှူးချုပ်၏ Keynote presentation အား ရှင်းလင်းတင်ပြခြင်းနှင့် ဒီရေတောထိန်းသိမ်းရေးဆိုင်ရာ Video ပြသခြင်းများ ဆောင်ရွက်ကြပါသည်။ ထို့နောက် အခမ်းအနား တက်ရောက်လာကြသူများမှ ဒီရေတောများ ဖွံ့ဖြိုးတိုးတက်ရေးအတွက် အပြန်အလှန် ဝိုင်းဝန်းဆွေးနွေးကြပြီး (၀၉:၁၅)အချိန်တွင် အခမ်းအနား အောင်မြင်စွာ ပြီးမြောက်ခဲ့ပါကြောင်း သိရှိရပါသည် ။
၂၀၂၄ ခုနှစ်၊ အပြည်ပြည်ဆိုင်ရာဒီရေတောဂေဟစနစ်များထိန်းသိမ်ရေးနေ့အထိမ်းအမှတ် အခမ်းအနားဒုတိယအပိုင်းအဖြစ် “ဒီရေတောထိန်းသိမ်းရေးကဏ္ဍဖွံ့ဖြိုးတိုးတက်ရေး ဆွေးနွေးပွဲ ကို (၂၆.၇.၂၀၂၄) ရက်နေ့ နေ့လည်ပိုင်းတွင် သစ်တောဦးစီးဌာန အင်ကြင်းခန်းမ၌ ဆက်လက် ကျင်းပပြုလုပ်ပါသည်။ ဆွေးနွေးပွဲတွင် ဦးတင့်ခိုင်(ညွှန်ကြားရေးမှူး)၊ လေ့ကျင့်ရေးနှင့်သုတေသနဖွံဖြိုးရေးဌာနက သဘာပတိအဖြစ်ဆောင်ရွက်ပြီး ဒီရေတောစိုက်ပျိုးထိန်းသိမ်းရေးကဏ္ဍဖွံ့ဖြိုးတိုးတက်ရေးနှင့် ဒီရေတောစီမံအုပ်ချုပ်ခြင်းအထူးပြုလေ့လာသူများဖြစ်သော ဒေါက်တာသင်းသင်း (လက်ထောက် ညွှန်ကြားရေးမှူး) မှ RS နှင့် GIS နည်းပညာအသုံးပြု၍ ဒီရေတောဖုံးလွမ်းမှုအား ဆန်းစစ် လေ့လာခြင်း၊ ဦးဖြိုးသက်နိုင် (ဦးစီးအရာရှိ) မှ Drone နှင့် AI နည်းပညာအသုံးပြု၍ ဒီရေတော ထိန်းသိမ်းခြင်း၊ ဒေါက်တာဆုစန္ဒာအောင် (ဦးစီးအရာရှိ) မှ ကမ်းရိုးတန်းရေဝပ်ဒေသများ၏ ဇီဝ မျိုးစုံမျိုးကွဲများ စီမံအုပ်ချုပ်ခြင်း၊ ဒေါက်တာဝင်းမောင်အေး (လက်ထောက်ညွှန်ကြားရေးမှူး) မှ ဒီရေတောအတွင်း စွန့်ပစ်လယ်မြေများကို ဘက်စုံစိုက်ပျိုးတည်ထောင်ခြင်း၊ ဒေါ်ဝေမွန်သက် (တောအုပ်ကြီး) မှ ဒေသခံပြည်သူအခြေပြု ဒီရေတောများတည်ထောင်ထိန်းသိမ်းခြင်းဆိုင်ရာ ဆန်းစစ်လေ့လာခြင်း၊ ဒေါက်တာယုယအေး (လက်ထောက်ညွှန်ကြားရေးမှူး)မှ ကာဗွန်ဈေးကွက် နှင့် ဒီရေတောကာဗွန်သိုလှောင်မှုများနှင့် ဒေါ်ခြူးသဉ္ဇာဉာဏ် (ဦးစီးအရာရှိ) မှ မြန်မာနိုင်ငံ နိုင်ငံ အဆင့် ပင်လယ်ကမ်းရိုးတန်းသယံဇာတဘက်စုံစီမံအုပ်ချုပ်ခြင်းအစီအစဉ် စာတမ်းတို့ကိုအသီးသီး ရှင်းလင်းတင်ပြကြပါသည်။ ဆက်လက်၍ စကားဝိုင်းဆွေးနွေးခြင်း (Panel Discussion) ဆက်လက်ကျင်းပပြီး တက်ရောက်လာသူများ၏ မေးမြန်းချက်များကို စာတမ်းရှင်များက ပြန်လည်ဖြေကြား ဆွေးနွေးခဲ့ကြပါသည်။
၂၀၂၄ ခုနှစ်၊ အပြည်ပြည်ဆိုင်ရာ ဒီရေတောဂေဟစနစ်ထိန်းသိမ်းရေးနေ့ အထိမ်းအမှတ် အခမ်းအနားကို ယနေ့နံနက်ပိုင်းတွင် နေပြည်တော်ရှိ သစ်တောဦးစီးဌာန၊ အင်ကြင်းခန်းမ၌ ကျင်းပပြုလုပ်ရာ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ဒုတိယဝန်ကြီး ဦးမင်းသူ၊ အမြဲတမ်းအတွင်းဝန်၊ ဝန်ကြီးဌာနမှ ညွှန်ကြားရေးမှူးချုပ်နှင့် ဦးဆောင်ညွှန်ကြား ရေးမှူးများ၊ ပါမောက္ခချုပ်၊ နိုင်ငံအဆင့် ပင်လယ်ကမ်းရိုးတန်း သယံဇာတစီမံအုပ်ချုပ် လုပ်ကိုင်မှု လုပ်ငန်း ကော်မတီဝင်ဌာနများမှကိုယ်စားလှယ်များ၊ တက္ကသိုလ်များမှ ဆရာ/ဆရာမများနှင့် ကျောင်းသား/ကျောင်းသူများ၊ အစိုးရမဟုတ်သော အဖွဲ့အစည်းများမှကိုယ်စားလှယ်များနှင့် သစ်တောဦးစီးဌာန မှ အရာထမ်း/ အမှုထမ်းများ တက်ရောက်ကြပါသည်။