Welcome to Forest Department
No front page content has been created yet.
သတင်းနှင့်ကြေငြာချက်များ
တနင်္သာရီတိုင်းဒေသကြီး၊ပင်လယ်ကမ်းရိုးတန်း သယံဇာတစီမံအုပ်ချုပ်လုပ်ကိုင်မှု ကော်မတီ (၁/၂၀၂၄) အစည်းအဝေးကို (၂၉.၁၀.၂၀၂၄) ရက်နေ့ (၁၃း၃၀) နာရီတွင် တနင်္သာရီတိုင်းဒေသကြီး အစိုးရအဖွဲ့ရုံး၊ သုံးထပ်ဆောင် အစည်းအဝေးခန်းမ ၌ ကျင်းပပြုလုပ်ရာ တိုင်းဒေသကြီး ဝန်ကြီးချုပ်၊ လုပ်ငန်းကော်မတီ ဥက္ကဌ သယံဇာတရေးရာဝန်ကြီး၊ လုံခြုံရေးနှင့် နယ်စပ်ရေးရာဝန်ကြီး၊ ကော်မတီဝင်များ တက်ရောက်ခဲ့ကြပြီး တိုင်းဒေသကြီး ဝန်ကြီးချုပ်မှ အဖွင့် အမှာစကားပြောကြားသည်။ ဆက်လက်၍တိုင်းဒေသကြီး ကော်မတီအတွင်းရေးမှူး၊ သစ်တောဦးစီးဌာန ညွှန်ကြားရေးမှူးမှ လုပ်ငန်းဆောင်ရွက်ပြီးစီးမှုနှင့် ဆက်လက်ဆောင်ရွက်မည့် လုပ်ငန်းများအား ရှင်းလင်းတင်ပြမှုအပေါ် တက်ရောက်လာသူများမှ ကမ်းရိုးတန်းသယံဇာတများ ရေရှည်တည်တံ့စေရေးဆိုင်ရာကိစ္စရပ်များ ဆွေးနွေးဆောင်ရွက်ခဲ့ကြောင်း သတင်းရရှိပါသည်။
“ဇီဝမျိုးစုံမျိုးကွဲဆိုင်ရာ ထိန်းသိမ်းခြင်းနှင့် ရေရှည်ဖွံ့ဖြိုးတိုးတက်ရေးလုပ်ငန်းများတွင် တရုတ်-မြန်မာပူးပေါင်းဆောင်ရွက်ခြင်း(၁၀) နှစ်ပြည့်အခမ်းအနား” ကို ၂၀၂၄ ခုနှစ်၊ အောက်တိုဘာလ (၂၉) ရက်၊ နံနက် (၉:၀၀) နာရီအချိန်တွင် Grand Amara ဟိုတယ်၌ ကျင်းပပြုလုပ်ရာ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ဒုတိယဝန်ကြီးဦးမင်းသူ၊တရုတ်ပြည်သူ့သမ္မတနိုင်ငံမှ မြန်မာနိုင်ငံဆိုင်ရာသံမှူးကြီးနှင့် တရုတ်သိပ္ပံအကယ်ဒမီ(CAS)မှ ဌာနဆိုင်ရာအကြီးအကဲများ၊ ပါမောက္ခများ၊ ကျောင်းသားကျောင်းသူများ၊ မြန်မာနိုင်ငံမှသယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနမှညွှန်ကြားရေးမှူးချုပ်များ၊ဦးဆောင်ညွှန်ကြားရေးမှူးများ၊ ဒုတိယညွှန်ကြား ရေးမှူးချုပ်နှင့် သက်ဆိုင်ရာဌာနအသီးသီးမှ ညွှန်ကြားရေးမှူးများ၊ တရုတ်-မြန်မာ စီမံကိန်း လုပ်ငန်းဆိုင်ရာ တာဝန်ရှိသူများ စုစုပေါင်း (၁၅၀) ဦးတက်ရောက်ခဲ့ပါသည်။ အစည်းအဝေးတွင် သစ်တောဦးစီးဌာန၊ ညွှန်ကြားရေးမှူးချုပ်မှ Key Note Presentation တင်ပြခြင်း၊ တရုတ်သိပ္ပံအကယ်ဒမီမှ တာဝန်ရှိသူများမှ မိတ်ဆက်စကားပြောကြားခြင်းနှင့်(၁၀)နှစ်ကြာလုပ်ငန်းများ ပူးပေါင်းဆောင်ရွက်ခဲ့မှုရလဒ်များအားတင်ပြခြင်း၊ မြန်မာနိုင်ငံမှ စီမံကိန်းလုပ်ငန်း ဆိုင်ရာတာဝန်ရှိသူများမှ လုပ်ငန်းဆောင်ရွက်တိုးတက်မှုအခြေအနေများအား အသီးသီးတင်ပြခြင်း များဆောင်ရွက်ခဲ့ကြပြီး ရှင်းလင်းတင်ပြမှုများအပေါ် တက်ရောက်လာသူများမှ ဝိုင်းဝန်းဆွေးနွေး အကြံပြုခဲ့ကြကြောင်းသတင်းရှိပါသည်။
နေပြည်တော်၊ ပြည်နယ်နှင့် တိုင်းဒေသကြီး သစ်တောဦးစီးဌာနများမှ ပေးပို့လာသော စာရင်းများအရ တရားမဝင် ကျွန်း (၂၄.၅၁၅၈) တန်၊ သစ်မာ (၁၀.၀၀၈၀)တန်၊ အခြား (၂၅.၀၆၈၆)တန်၊ စုစုပေါင်း (၅၉.၅၉၂၄) တန်၊ ယာဉ်/ ယန္တရား (၁၂)စီး၊ တရားခံ (၁၉) ဦး ဖမ်းဆီးရမိခဲ့ပါသည်။ ဖမ်းဆီးရမိမှုများအနက် အများဆုံးဖမ်းဆီးရမိမှုမှာ ၂၅-၁၀-၂၀၂၄ ရက်နေ့တွင် တနင်္သာရီတိုင်းဒေသကြီး၊ မြိတ်ခရိုင်၊ မြိတ်မြို့နယ်၊ မြို့မ(ဆိပ်ကမ်း)ဘိနယ်၊ ကလွင် ကျေးရွာအုပ်စု၊ ထမ္ပနဲချောင်းအတွင်းမှ တရားမဝင် လေသရက်/ တောင်လန်းဖဲ/ တောင်မအူ သစ်လုံး စုစုပေါင်း (၁၁)လုံး (၁၁.၁၈၀၀)တန်၊ ပိုင်ရှင်မဲ့ ဖမ်းဆီးရမိမှု ဖြစ်ပါသည်။
(၂၈-၁၀-၂၀၂၄)ရက်၊ နံနက်ပိုင်း (၁၁:၀၀)နာရီတွင် ရန်ကုန်တိုင်းဒေသကြီး အစိုးရအဖွဲ့ရုံး၊ အစည်းအဝေးခန်းမ၌ ရန်ကုန်တိုင်းဒေသကြီး၊ ပင်လယ်ကမ်းရိုးတန်းသယံဇာတစီမံအုပ်ချုပ်လုပ်ကိုင်မှု လုပ်ငန်းကော်မတီ အစည်းအဝေးကျင်းပပြုလုပ်ရာ လုပ်ငန်းကော်မတီဥက္ကဌ၊တိုင်းဒေသကြီး သယံဇာတ ရေးရာဝန်ကြီးနှင့် ကော်မတီဝင်များ၊ ဆက်စပ်ဌာနဆိုင်ရာများမှ ညွှန်ကြားရေးမှူးများနှင့် တာဝန်ရှိသူများ တက်ရောက်ခဲ့ကြပြီး သယံဇာတရေးရာဝန်ကြီး က အဖွင့်အမှာစကားပြောကြားခဲ့ပါသည်။ ဆက်လက်၍ တိုင်းဒေသကြီး ကော်မတီအတွင်းရေးမှူး သစ်တောဦးစီးဌာန ညွှန်ကြားရေးမှူး ဦးလှဦးမှ တိုင်းဒေသကြီး ပင်လယ်ကမ်းရိုးတန်းသယံဇာတ စီမံအုပ်ချုပ်လုပ်ကိုင်မှုကော်မတီ၏ လုပ်ငန်းများ ဆောင်ရွက်ပြီးစီးမှုနှင့် ဆက်လက်ဆောင်ရွက်မည့် အစီအစဉ်များ ရှင်းလင်းတင်ပြခြင်း၊ ဆက်စပ်ဌာနဆိုင်ရာများနှင့် တက်ရောက်လာသူများမှကမ်းရိုးတန်းသယံဇာတများ ရေရှည်တည်တံ့စေရေးကိစ္စများ ညှိနှိုင်းပေါင်းစပ် ဆွေးနွေးခြင်းများ ဆောင်ရွက်ခဲ့ကြကြောင်းသတင်းရရှိပါသည်။
(၂၈-၁၀-၂၀၂၄) ရက်၊ တနင်္လာနေ့ (၁၀း၀၀) နာရီတွင် သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အင်ကြင်းခန်းမ၌ ပြည်ပနိုင်ငံများမှ သင်တန်း/အလုပ်ရုံဆွေးနွေးပွဲများ တက်ရောက်ခဲ့ကြသည့် ဝန်ထမ်းများ၏ အတွေ့အကြုံနှင့် ဗဟုသုတများ ပြန်လည်မျှဝေခြင်းဆိုင်ရာ Knowledge Sharing Presentation အစီအစဉ်ကျင်းပခဲ့ရာ ဦးထွန်းထွန်းဝေ (ဒုတိယညွှန်ကြားရေးမှူး၊ တိရစ္ဆာန်ဥယျာဥ်များဌာန)မှ သဘာပတိအဖြစ် ဆောင်ရွက်ခဲ့ပါသည်။ အခမ်းအနားအစီအစဉ်အရ ထိုင်းနိုင်ငံဘန်ကောက်မြို့တွင် ပြုလုပ်သည့် အလုပ်ရုံဆွေးနွေးပွဲများတက်ရောက်ခဲ့ကြသည့် လက်ထောက်ညွှန်ကြားရေးမှူး ဒေါက်တာအင်ကြင်းခိုင်မှ အာရှဒေသသစ်တောကဏ္ဍဆိုင်ရာပူးပေါင်းဆောင်ရွက်ရေးအဖွဲ့(AFoCO)၏၂၀၂၄ ခုနှစ် နည်းပညာပိုင်းဆိုင်ရာအလုပ်ရုံဆွေးနွေးပွဲတက်ရောက်မှုအားလည်းကောင်း၊ လက်ထောက်ညွှန်ကြားရေးမှူး ဒေါက်တာဇာခြည်လှိုင်မှ အပူပိုင်းဒေသနိုင်ငံများတွင် ဒေသခံပြည်သူအခြေခံသော အရည်အသွေးကောင်းကျွန်းသစ်ထုတ်လုပ်မှုမြှင့်တင်ရေးနှင့်အခြားအဖိုးတန်သစ်မျိုးစိုက်ခင်းများဖွံ့ဖြိုးတိုးတက်ရေးစီမံကိန်း၏ ပထမအကြိမ်ဒေသဆိုင်ရာအလုပ်ရုံဆွေးနွေးပွဲတက်ရောက်မှုအားလည်းကောင်း တက်ရောက်ခဲ့သည့် အတွေ့အကြုံများ အသီးသီးရှင်းလင်းတင်ပြကြရာ တက်ရောက်လာသူများ၏ မေးခွန်းမေးမြန်းမှုများအပေါ် ပြန်လည်ဆွေးနွေးဖြေကြားခဲ့ကြောင်း သိရှိရပါသည်။
သစ်တောသစ်ပင် စိုက်ပျိုးခြင်း၊ ပြုစုထိန်းသိမ်းခြင်းတို့ကို ပြည်သူလူထုအတွင်း နိုးကြားသော အသိစိတ်ဓာတ် ရှင်သန်စေရေးအတွက် ၂၀၂၄ ခုနှစ် မိုးရာသီသစ်ပင်စိုက်ပျိုး ပွဲကို ရန်ကုန်တိုင်းဒေသကြီး၊ မရမ်းကုန်းမြို့နယ်၊ နိုင်ငံတော်ပရိယတ္တိသာသနာ့တက္ကသိုလ် (ရန်ကုန်)၊ ကမ္ဘာအေးဘုရားတွင်(၅-၈-၂၀၂၄)ရက်နေ့၊ နံနက်(၁၀:၀၀)နာရီအချိန်၌သစ်တော ဦးစီးဌာနက ဦးဆောင်၍ကျင်းပပြုလုပ်ရာ သာသနာတော်ထွန်းကားပြန့်ပွားရေးဦးစီးဌာန၊ နိုင်ငံတော်ပရိယတ္တိသာသနာ့တက္ကသိုလ်(ရန်ကုန်)ဌာနခွဲ ညွှန်ကြားရေးမှူး ဦးကျော်မိုး ဦးဆောင်သောဝန်ထမ်း(၈၀)ဦး၊ သစ်တောဦးစီးဌာနဝန်ထမ်း(၁၅)ဦး၊ ဒေသခံပြည်သူ(၂၀)ဦး စုစုပေါင်း(၁၁၅)ဦးတက်ရောက်၍ သစ်မျိုး(၇)မျိုး စုစုပေါင်းပျိုးပင်(၁၅၂)ပင်တို့ကိုစုပေါင်း စိုက်ပျိုးခဲ့ပါကြောင်းသိရှိရပါသည်။
ပြည်ထောင်စုသမ္မတမြန်မာနိုင်ငံတော်အစိုးရ၊ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနသည် ၂၀၁၈ခုနှစ်တွင် ပြဋ္ဌာန်းထားသည့် သစ်တောဥပဒေပုဒ်မ ၆၊ ပုဒ်မခွဲ(င)အရအပ်နှင်းထားသောလုပ်ပိုင်ခွင့်များကိုကျင့်သုံးလျက် တနင်္သာရီတိုင်းဒေသကြီး၊မြိတ်ခရိုင်၊ကျွန်းစုမြို့နယ်အတွင်းကျရောက်နေသည့် ဧရိယာအကျယ်အဝန်း(၄၉၅)ဧကရှိသောနယ်မြေကို “မအိုင်(၂)ဒီရေတောကြိုးပြင်ကာကွယ်တော” အဖြစ်အမိန့်ကြော်ငြာစာအမှတ် (၆၆/၂၀၂၄)အရ ၁၃၈၆ ခုနှစ်၊ ဝါဆိုလပြည့်ကျော်(၄)ရက် (၂၀၂၄ ခုနှစ်၊ ဇူလိုင်လ ၄ ရက်)မှစ၍ သတ်မှတ်ကြောင်း ကြေညာလိုက်သည်။
ပြည်ထောင်စုသမ္မတမြန်မာနိုင်ငံတော်အစိုးရ၊ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနသည် ၂၀၁၈ ခုနှစ်တွင် ပြဋ္ဌာန်းထားသည့် သစ်တောဥပဒေပုဒ်မ ၆၊ ပုဒ်မခွဲ(င)အရအပ်နှင်းထားသော လုပ်ပိုင်ခွင့်များကိုကျင့်သုံးလျက် တနင်္သာရီတိုင်းဒေသကြီး၊ မြိတ်ခရိုင်၊ ကျွန်းစုမြို့နယ်အတွင်းကျရောက်နေသည့် ဧရိယာအကျယ်အဝန်း(၁,၅၉၄)ဧကရှိသောနယ်မြေကို “စခန်းသစ်ကျွန်း ဒီရေတောကြိုးပြင်ကာကွယ်တော”အဖြစ် အမိန့်ကြော်ငြာစာအမှတ် (၆၅/၂၀၂၄) အရ ၁၃၈၆ ခုနှစ်၊ ဝါဆိုလပြည့်ကျော် (၄) ရက် (၂၀၂၄ ခုနှစ်၊ ဇူလိုင်လ၂၄ ရက်)မှစ၍ သတ်မှတ် ကြောင်း ကြေညာလိုက်သည်။