သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

သစ်တောဦးစီးဌာန၊ ညွှန်ကြားရေးမှူးချုပ်သည် ဒုတိယညွှန်ကြားရေးမှူးချုပ်(မူဝါဒနှင့်စီမံကိန်း)၊ သက်ဆိုင်ရာညွှန်ကြားရေးမှူးများ၊ ခရိုင်၊ မြိုန့ယ်တာဝန်ခံများလိုက်ပါလျက် မာရဝိဇယဗုဒ္ဓ ဥယျာဉ်အတွင်း စိုက်ပျိုးထားသောသစ်ပင်များ ထိန်းသိမ်းစောင့်ရှောက်မှု အခြေအနေအား လိုက်လံကြည့်ရှုစစ်ဆေးခြင်း၊ ပလွေးကြိုးဝိုင်းအတွင်းရှိ ၁/၂၀၂၅ စီးပွားရေးကျွန်းစိုက်ခင်း (၁၅၀) ဧက စိုက်ပျိုးထားရှိမှုအခြေအနေနှင့် ၁/၂၀၁၉ စီးပွားရေးကျွန်းစိုက်ခင်း (၁၅၀)ဧက ပင်ကျပ်နုတ် လုပ်ငန်းဆောင်ရွက်လျက်ရှိသည့် အခြေအနေများအား စစ်ဆေးကြည့်ရှုခဲ့ပါသည်။ ဆက်လက်၍ ဂွေးချိုကျေးရွာအနီးရှိ ယာယီပျိုးဥယျာဉ်အား လိုက်လံကြည့်ရှုခြင်း၊ ငလိုက်ကြိုးဝိုင်းအတွင်းရှိ ၁/၂၀၂၄ စီးပွားရေးကျွန်းစိုက်ခင်း (၁၅၀) ဧက နှင့် ၁/၂၀၂၄ စီးပွားရေးကျွန်းစိုက်ခင်း (၁၀၀) ဧက ပေါင်းရှင်းဆောင်ရွက်လျက်ရှိသည့် အခြေအနေ၊ ၁/၂၀၂၆ စီးပွားရေး ကျွန်းစိုက်ခင်း (၃၀၀) ဧက အတွင်း တောင်ယာခုတ်လုပ်ငန်းဆောင်ရွက်မှုအခြေအနေ၊ ယာယီပျိုးဥယျာဉ် တည်ထောင် ထားရှိမှုအခြေအနေနှင့် တိရစ္ဆာန်ဥယျာဉ် (နေပြည်တော်)၊ ဆာဖာရီဥယျာဉ်တို့အား လိုက်လံ ကြည့်ရှုစစ်ဆေးခဲ့ပါကြောင်း သတင်းရရှိသည်။

မန္တလေးတိုင်းဒေသကြီး၊ ပြင်ဦးလွင်မြို့နယ်၊ ဇီးပင်ကြီးရှိ နိုင်ငံ့ဝန်ထမ်းတက္ကသိုလ် (အထက်မြန်မာပြည်)တွင် ၈-၉-၂၀၂၅ ရက်နေ့မှ ၃-၁၂-၂၀၂၅ ရက်နေ့အထိ ဖွင့်လှစ်ပို့ချခဲ့သည့်အရာထမ်းအခြေခံသင်တန်း အမှတ်စဉ် (၇၂) တွင် သယံဇာတနှင့် သဘာဝပတ်ဝန်းကျင်ထိန်းသိမ်းရေး ဝန်ကြီးဌာန၊ သစ်တောဦးစီးဌာနမှ ဦးစီးအရာရှိ၊ ဒေါ်နွေးမွန်မွန်အောင်သည် သင်တန်းသူစံပြဆု ရရှိခဲ့ပြီး ထူးချွန်စွာအောင်မြင်ခဲ့ကြောင်း သိရသည်။

သစ်တောဦးစီးဌာန၊ ခရိုင်သစ်တောအရာရှိများ စွမ်းဆောင်ရည်မြှင့်တင်ရေးသင်တန်း အမှတ်စဥ် (၁၁) သင်တန်းဆင်းပွဲ အခမ်းအနားကို (၁၂-၁၂-၂၀၂၅)ရက် သောကြာနေ့၊ နံနက်(၁၁:၃၀)နာရီအချိန်တွင် ရေဆင်း၊ သစ်တောသုတေသန၊ စုဝေးခန်းမ၌ ကျင်းပရာ သစ်တောဦးစီးဋ္ဌာန ညွှန်ကြားရေးမှူးချုပ် ဒေါက်တာသောင်းနိုင်ဦးတက်ရောက်၍ သင်တန်းဆင်းအမှာစကားပြောကြားသည်။ ဦးစွာ ညွှန်ကြားရေးမှူးချုပ်မှ သင်တန်းဆင်းအမှာစကား ပြောကြားရာတွင် သစ်တောဦးစီးဌာနရှိ ခရိုင်အဆင့် သစ်တောအရာရှိများအား လုပ်ငန်းခွင်တွင် စွမ်းဆောင်ရည်မြှင့်တင်နိုင်ရန် ရည်ရွယ်၍ ဤသင်တန်းကိုဖွင့်လှစ်ရခြင်းဖြစ်ကြောင်း၊ သင်တန်းမှပို့ချသည့် အကြောင်းအရာများသည် သင်တန်းသားများအတွက် အကျိုးကျေးဇူးများစွာ ရရှိစေပါကြောင်း၊ ဌာန၏ ခရိုင်အဆင့်ရှိ သစ်တောအရာရှိများအနေဖြင့် ပြောင်းလဲလာတဲ့ခေတ်စနစ်၊ မူဝါဒ၊ ဥပဒေ၊ လုပ်ထုံးလုပ်နည်းများနှင့်အညီလိုက်လျောညီထွေဆောင်ရွက်နိုင်ရမည်ဖြစ်ေကြာင်းနှင့် ဋ္ဌာနရဲ့အစဥ်အလာကောင်းများ၊ ဂုဏ်သိက္ခာကိုဆက်လက်ထိန်းသိမ်းကြရန် ပြောကြားသည်။ အစီအစဥ်အရ ညွှန်ကြားရေးမှူးချုပ်မှ သင်တန်းသားတစ်ဦးချင်းအား သင်တန်းဆင်းလက်မှတ်များအသီးသီး ပေးအပ်ချီးမြှင့်သည်။ သင်တန်းဆင်းပွဲအခမ်းအနားသို့ သစ်တောဦးစီးဌာန၊ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများ၊ ဒုတိယညွှန်ကြားရေးမှူးများနှင့်တာဝန်ရှိသူများ၊သင်တန်းဆရာများနှင့်သင်တန်