Welcome to Forest Department
No front page content has been created yet.
သတင်းနှင့်ကြေငြာချက်များ
ဦးစီးအရာရှိ စွမ်းဆောင်ရည်မြင့်မားရေးမွမ်းမံသင်တန်း အမှတ်စဉ်(၁၂) ဖွင့်ပွဲအခမ်းအနားကို ယနေ့နံနက်ပိုင်းတွင်သစ်တောသုတေသနဌာန၊ စုဝေးခန်းမ၊ ရေဆင်း၌ကျင်းပပြုလုပ်ရာ သယံဇာတ နှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ဒုတိယဝန်ကြီး ဦးမင်းသူတက်ရောက် အဖွင့်အမှာ စကားပြောကြားသည်။ ဒုတိယဝန်ကြီးက အဖွင့်အမှာစကားပြောကြားရာတွင် သစ်တောများထာဝ စဉ်တည်တံ့စေ ရေးစီမံအုပ်ချုပ်ခြင်း၊ ထိန်းသိမ်းကာကွယ်ခြင်းနှင့် ဒေသခံပြည်သူများ၏ လူမှုစီးပွား ဖွံ့ဖြိုးတိုးတက်စေခြင်းလုပ်ငန်းများဖော်ဆောင်ရာတွင် မြို့နယ်အဆင့်သည် အခြေခံအကျဆုံး အဆင့်ဖြစ်ပြီး၊ မြေပြင်လုပ်ငန်းများကို လက်တွေ့ဆောင်ရွက်နေရခြင်း၊ ပြည်သူလူထုနှင့် တိုက်ရိုက် ထိတွေ့ဆက် ဆံနေရခြင်းတို့ကြောင့် ဦးစီးဌာနတစ်ခုလုံး၏ တိုးတက်အောင်မြင်မှု၊ ထိုမှတစ်ဆင့် ဝန်ကြီးဌာနနှင့် နိုင်ငံတော်၏ အောင်မြင်မှုများအတွက် အဓိကကျသည့် အဆင့်ဖြစ်ကြောင်း၊ နိုင်ငံတော်အကြီးအကဲ၏ လမ်းညွှန်ချက်ဖြစ်သည့် လမ်းဘေးဝဲယာစိမ်းလန်းစိုပြည်ရေး စိုက်ခင်းများ တည်ထောင်ခြင်း၊ မြစ်ချောင်းများ ဘေးဝဲ၊ ယာတစ်လျှောက် သစ်ပင်များစိုက်ပျိုးထိန်းသိမ်းခြင်း၊ အာဆီယံလမ်းမကြီးနှင့် ရထားလမ်း ဘေးဝဲ၊ယာ သစ်ပင်စိုက်ပျိုးခြင်း၊ လူတိုင်းသစ်ပင် စိုက်ပျိုးနိုင် ရေးပေါင်းစပ်ဆောင်ရွက်ခြင်း၊ တောင်ထိပ်များတွင် သစ်ပင်စိုက်ပျိုးခြင်းနှင့် သစ်တောထိန်းသိမ်း ခြင်း၊ ကျေးလက်နေပြည်သူများ၏ ထင်းလောင်စာလိုအပ်ချက်ကို ဖြည့်ဆည်းပေးနိုင်ရန်အတွက် ကျေးရွာထင်းစိုက်ခင်း တစ်ရွာ(၂)ဧကစိုက်ခင်းများ တိုးချဲ့စိုက်ပျိုးနိုင်ရေးတို့အတွက် မြို့နယ်အဆင့် ဌာနဆိုင်ရာများနှင့် ပေါင်းစပ်ညှိနှိုင်းပြီး အောင်မြင်အောင်ဆောင်ရွက်ကြရန် အထူးမှာကြားလို ကြောင်းပြောကြားသည်။ သင်တန်းဖွင့်ပွဲအခမ်းအနားသို့ အမြဲတမ်းအတွင်းဝန်၊ ဝန်ကြီးဌာန အောက်ရှိ လုပ်ငန်းဌာနများမှ ညွှန်ကြားရေးမှူးချုပ်၊ ပါမောက္ခချုပ်၊ ဒုတိယညွှန်ကြားရေးမှူးချုပ် များ၊ တာဝန်ရှိသူများနှင့် သင်တန်းသား/သူ(၂၀)ဦး တက်ရောက်ကြကြောင်း သတင်းရရှိသည်။
(၂၂-၂-၂၀၂၄)ရက်နေ့ မွန်းလွဲပိုင်းတွင် (၃၅)ကြိမ်မြောက် သစ်တော၊ သတ္တုနှင့် ပတ်ဝန်းကျင်ဆိုင်ရာ သုတေသနစာတမ်းဖတ်ပွဲ ပိတ်ပွဲအခမ်းနားကို ကျင်းပရာ သစ်တောဦးစီးဌာန၊ ညွှန်ကြားရေးမှူးချုပ် ဒေါက်တာသောင်းနိုင်ဦးမှ နိဂုံးချုပ်အမှာ စကားပြောကြားပါသည်။ ဆက်လက်၍ သစ်တောဦးစီးဌာန၊ ညွှန်ကြားရေးမှူးချုပ် ဒေါက်တာသောင်းနိုင်ဦးနှင့် အပူပိုင်းဒေသစိမ်းလန်းစိုပြည်ရေးဦးစီးဌာန ညွှန်ကြားရေး မှူးချုပ် ဦးအောင်သူတို့မှ သုတေသနစာတမ်းရှင်များသို့ ဂုဏ်ပြု မှတ်တမ်းလွှာများ ပေးအပ်ခဲ့ပြီး ညပိုင်းတွင် သစ်တောဦးစီးဌာန၊ ရုံးအမှတ်(၃၉) မြက်ခင်းပြင်တွင် သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး ဦးခင်မောင်ရီမှ ဂုဏ်ပြုမိန့်ခွန်းပြောကြားပြီး ညစာစားပွဲသို့ တက်ရောက်လာကြသူ များအား ရင်းရင်းနှီးနှီး နုတ်ဆက်ကာ ဂုဏ်ပြုညစာစားပွဲဖြင့် တည်ခင်းဧည့်ခံခဲ့ကြောင်းသိရှိရပါသည်။
(၃၅)ကြိမ်မြောက် သစ်တော၊ သတ္တုနှင့် ပတ်ဝန်းကျင်ဆိုင်ရာ သုတေသနစာတမ်းဖတ်ပွဲ ဒုတိယနေ့အဖြစ် ပြည်ထောင်စုနယ်မြေ ၊ နေပြည်တော်၊ ရေဆင်း၊ သစ်တောသုတေသန၊ စုဝေး ခန်းမ၌ (၂၂-၂-၂-၂၀၂၄) ရက်နေ့၊ နံနက် (၀၈:၃၀) နာရီအချိန်တွင် ကျင်းပပြုလုပ်ရာ သဘာပတိ များအဖြစ် သစ်တောဦးစီးဌာန၊ ညွှန်ကြားရေးမှူးချုပ် ဒေါက်တာသောင်းနိုင်ဦး၊ ဒုတိယညွှန်ကြားရေးမှူးချုပ် (မူဝါဒနှင့်စီမံကိန်း) ဦးဖေချစ်၊ စိုက်ပျိုးရေးတက္ကသိုလ်ပါမောက္ခ ဒေါက်တာကျော်ငွေတို့မှ ဆောင်ရွက်ခဲ့ကြပြီး ရေ နှင့် မြေ အရည်အသွေးလေ့လာဆန်းစစ်ခြင်း ဆိုင်ရာစာတမ်း(၂)စောင်၊ လူမှုသစ်တောလုပ်ငန်းများ ဖွံ့ဖြိုးတိုးတက်ရေးဆိုင်ရာ စာတမ်း(၃)စောင် စုစုပေါင်း(၅)စောင်တို့အား ဖတ်ကြားခဲ့ရာ တက်ရောက်လာသူများမှ ဆွေးနွေးခြင်း၊ အကြံပြုခြင်း တို့ကို ဆောင်ရွက်ခဲ့ပါသည်။
သယံဇာတနှင့်သဘာဝပတ်ဝန်းကျင် ထိန်းသိမ်းရေးဝန်ကြီးဌာန၏ (၁၆) ကြိမ်မြောက် မြန်မာ့ရိုးရာ ထမနဲထိုးပြိုင်ပွဲကို ယနေ့နံနက်ပိုင်းတွင် နေပြည်တော်ရှိ သစ်တောဦးစီးဌာန၊ ဦးစီးရုံးချုပ်၊ ရုံးအမှတ် (၃၉)၌ ကျင်းပရာ ပြည်ထောင်စုဝန်ကြီး ဦးခင်မောင်ရီ၊ ဒုတိယဝန်ကြီး ဦးမင်းသူ၊ အမြဲတမ်းအတွင်းဝန်၊ ညွှန်ကြားရေးမှူးချုပ်များ၊ ဦးဆောင်ညွှန်ကြားရေးမှူးများ၊ ပါမေက္ခချုပ်၊ ပြိုင်ပွဲဝင်အသင်းများနှင့် အရာထမ်း၊ အမှုထမ်းများ တက်ရောက်ကြပြီး ပျော်ရွှင်စွာ ပါဝင်ဆင်နွှဲကြသည်။
သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ AFoCO RETC စီမံကိန်း သင်တန်းကျောင်းသည် မှော်ဘီမြို့တွင် “ဝါးလက်မှုထုတ်ကုန်သင်တန်း”ကို ၂၀၂၄ ခုနှစ်၊ ဖေဖော်ဝါရီလ ၁၉ ရက်နေ့၊ ၀၈:၃၀ နာရီတွင် ဖွင့်လှစ်ခဲ့ပြီး သင်တန်းဖွင့်ပွဲအခမ်းအနားသို့ AFoCO Secretariat မှ Program Officer ၊ Ms. Soozin Ryang နှင့် CFDTC(မှော်ဘီ)မှ ကျောင်းအုပ်ကြီးနှင့် တာဝန်ရှိသူများ၊ သင်တန်းဆရာနှင့် သင်တန်းသား၊ စုစုပေါင်း(၃၂)ဦး တက်ရောက်ခဲ့ပါသည်။
(၃၅)ကြိမ်မြောက် သစ်တော၊ သတ္တုနှင့် ပတ်ဝန်းကျင်ဆိုင်ရာ သုတေသနစာတမ်းဖတ်ပွဲ ဒုတိယနေ့အဖြစ် ပြည်ထောင်စုနယ်မြေ ၊ နေပြည်တော်၊ ရေဆင်း၊ သစ်တောသုတေသန၊ စုဝေး ခန်းမ၌ (၂၁-၂-၂-၂၀၂၄) ရက်နေ့၊ နံနက် (၀၈:၃၀) နာရီအချိန်တွင် ကျင်းပပြုလုပ်ရာ သဘာပတိ များအဖြစ် သစ်တောဦးစီးဌာန၊ ညွှန်ကြားရေးမှူးချုပ် ဒေါက်တာသောင်းနိုင်ဦး၊ ဒုတိယညွှန်ကြားရေးမှူးချုပ် (မူဝါဒနှင့်စီမံကိန်း) ဦးဖေချစ်၊ ပတ်ဝန်းကျင်ထိန်းသိမ်းရေး ဦးစီးဌာနမှ ဒုတိယညွှန်ကြားရေးမှူးချုပ် ဒေါက်တာဆန်းဦး၊ သစ်တောနှင့် ပတ်ဝန်းကျင်ဆိုင်ရာ တက္ကသိုလ်မှ ပါမောက္ခချုပ် ဒေါက်တာ ခင်မောင်ဆင့်နှင့် ဒုတိယပါမောက္ခချုပ် ဒေါက်တာ ရိုစီနေဝင်းတို့မှ ဆောင်ရွက်ခဲ့ကြပြီး ရာသီဥတုပြောင်းလဲခြင်းနှင့် ကာဗွန်ဆိုင်ရာ စာတမ်း(၂)စောင်၊ ပတ်ဝန်းကျင် ထိန်းသိမ်းရေးဆိုင်ရာစာတမ်း(၄)စောင်၊ သစ်ဂုဏ်သတ္တိနှင့် သစ်အသုံးချခြင်းဆိုင်ရာ စာတမ်း(၅) စောင်၊ မြေအသုံးချမှုပြောင်းလဲခြင်းအား RS, GIS အသုံးပြု၍ လေ့လာဆန်းစစ်ခြင်းဆိုင်ရာ စာတမ်း(၂)စောင်တို့အား ဖတ်ကြားခဲ့ရာ တက်ရောက်လာသူများမှ ဆွေးနွေးခြင်း၊ အကြံပြုခြင်း တို့ကိုဆောင်ရွက်ခဲ့ပါသည်။ ယနေ့စာတမ်းဖတ်ပွဲ အခမ်းအနားသို့ သဘာပတိများ၊ သုတေသီများ နှင့် တက်ရောက်လာသူများစုစုပေါင်း(၉၀)ဦး ရှိကြောင်းသိရှိရပါသည်။
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာနအနေဖြင့် မြန်မာ့ကျွန်းသစ်မူရင်း ဒေသဖြစ်သော ပဲခူးရိုးမအတွင်း ၂၀၁၆-၁၇ ဘဏ္ဍာနှစ်မှစ၍ တရားဝင်သစ်ထုတ်လုပ်ခြင်း လုပ်ငန်းအား (၁၀)နှစ်ရပ်နား ထားပြီး သစ်တောပြုစုထိန်းသိမ်းခြင်းလုပ်ငန်းများအား အရှိန်အဟုန်မြှင့် ဆောင်ရွက်နေလျှက်ရှိသည့်အပြင် တရားမဝင် သစ်ခိုးထုတ်ခြင်း၊ တရားမဝင်တောရိုင်းတိရစ္ဆာန်များ သတ်ဖြတ်ခြင်းနှင့် ကျူးကျော်အခြေချနေထိုင်ခြင်းများအား ပြည်သူ ပူးပေါင်းပါဝင်မှုဖြင့် စီမံချက်ချအကောင်အထည်ဖော်ဆောင်ရွက်နေလျှက်ရှိပါသည်။ ပဲခူးရိုးမစိမ်းလန်းစိုပြည်ရေး ဧရိယာ အတွင်းမှ (၁၂-၁-၂၀၂၄)ရက်နေ့မှ (၁၈-၂-၂၀၂၄) ရက်နေ့ထိ တစ်ပတ်တာကာလအတွင်း တရားမဝင်ကျွန်း၊ သစ်မာ၊ အခြား စုစုပေါင်း (၈၃.၈၂၅၄) တန်ဖမ်းဆီးရမိခဲ့ပါသည်။
၇၆ နှစ်မြောက် ချင်းအမျိုးသားနေ့ကို (၂၀-၂-၂၀၂၄) ရက်နေ့တွင် ဟားခါးမြို့၊ ဗျူဟာကုန်း တွင် ကျင်းပဆောင်ရွက်ခဲ့ရာ နိုင်ငံတော်စီမံအုပ်ချုပ်ရေးကောင်စီအဖွဲ့ဝင်၊ ဒုတိယဝန်ကြီးချုပ် နှင့် ပို့ဆောင်ရေးနှင့် ဆက်သွယ်ရေးဝန်ကြီးဌာန ပြည်ထောင်စုဝန်ကြီး ဗိုလ်ချုပ်ကြီး မြထွန်းဦး
ဦးဆောင်၍ နိုင်ငံတော်စီမံအုပ်ချုပ်ရေးကောင်စီအဖွဲ့ဝင်များ၊ ပြည်ထောင်စုဝန်ကြီးများ၊ ဒုတိယဝန်ကြီးများနှင့် ချင်းပြည်နယ်ဝန်ကြီးချုပ် ဒေါက်တာ ဝုန်ဆွန်းထန်နှင့် ချင်းအစိုးရ အဖွဲ့ဝင် များတက်ရောက်ခဲ့ကြပါသည်။ ဖွင့်ပွဲအခမ်းအနားအပြီးတွင် တက်ရောက်လာသူများ မှ ပြခန်းများအား လှည်လည်ကြည့်ရှုရာ သယံဇာတနှင့် သဘာဝပတ်ဝန်းကျင်ထိန်းသိမ်းရေး ဝန်ကြီးဌာနပြခန်းတွင် သစ်တောဦးစီးဌာန တာဝန်ရှိဝန်ထမ်းများက ခင်းကျင်းပြသမှုများနှင့် စပ်လျဉ်း၍ ရှင်းလင်းတင်ပြခဲ့ပါသည်။ ပြခန်းတွင် ကျောင်းသား/ ကျောင်းသူများ၊ တက် ရောက်လာသောပြည်သူများနှင့် စည်ကားလျက်ရှိကြောင်းသိရှိရပါသည်။