Welcome to Forest Department
No front page content has been created yet.
သတင်းနှင့်ကြေငြာချက်များ
မီးဘေးအန္တရာယ်ဖြစ်ပေါ်စေတတ်သော နွေကာလသို့ ရောက်ရှိလာပြီဖြစ်၍ AFoCO RETC သင်တန်းကျောင်း မှော်ဘီမြို့ မီးဘေးလုံခြုံရေးအတွက် စီမံချက်နှင့်အညီ ကြိုတင် ပြင်ဆင်ခြင်း၊ ဇာတ်တိုက်လေ့ကျင့်ခြင်းဆောင်ရွက်ရန်အတွက် မှော်ဘီမြို့နယ်၊ မီးသတ်ဦးစီး ဌာနမှ တာဝန်ရှိသူများအား ဖိတ်ကြား၍ “မီးဘေးအန္တရာယ် ကာကွယ်ရေး ဟောပြောခြင်းနှင့် ဇာတ်တိုက် လေ့ကျင့်ခြင်း”ကို ၂၀၂၄ ခုနှစ်၊ ဖေဖော်ဝါရီလ ၂၈ ရက်နေ့၊ နံနက် ၀၉:၀၀ နာရီ တွင် ကျင်းပခဲ့ပါသည်။
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာနအနေဖြင့် မြန်မာ့ကျွန်းသစ်မူရင်း ဒေသဖြစ်သော ပဲခူးရိုးမအတွင်း ၂၀၁၆-၁၇ ဘဏ္ဍာနှစ်မှစ၍ တရားဝင်သစ်ထုတ်လုပ်ခြင်း လုပ်ငန်းအား (၁၀)နှစ်ရပ်နား ထားပြီး သစ်တောပြုစုထိန်းသိမ်းခြင်းလုပ်ငန်းများအား အရှိန်အဟုန်မြှင့် ဆောင်ရွက်နေလျှက်ရှိသည့်အပြင် တရားမဝင် သစ်ခိုးထုတ်ခြင်း၊ တရားမဝင်တောရိုင်းတိရစ္ဆာန်များ သတ်ဖြတ်ခြင်းနှင့် ကျူးကျော်အခြေချနေထိုင်ခြင်းများအား ပြည်သူ ပူးပေါင်းပါဝင်မှုဖြင့် စီမံချက်ချအကောင်အထည်ဖော်ဆောင်ရွက်နေလျှက်ရှိပါသည်။ ပဲခူးရိုးမစိမ်းလန်းစိုပြည်ရေး ဧရိယာ အတွင်းမှ (၁၉-၂-၂၀၂၄)ရက်နေ့မှ (၂၅-၂-၂၀၂၄) ရက်နေ့ထိ တစ်ပတ်တာကာလအတွင်း တရားမဝင်ကျွန်း၊ သစ်မာ၊ အခြား စုစုပေါင်း (၂၈.၃၄၉၄) တန်ဖမ်းဆီးရမိခဲ့ပါသည်။
၂၉-၂-၂၀၂၄ ရက်နေ့တွင် သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အင်ကြင်းခန်းမ၌ ဝန်ထမ်းများ ဆန္ဒဖော်ထုတ်ခြင်း ဒါဘာပွဲ ပြုလုပ်ဆောင်ရွက်ရာ ညွှန်ကြားရေးမှူးချုပ် ဒေါက်တာသောင်းနိုင်ဦးနှင့် ဒုတိယညွှန်ကြားရေးမှူးချုပ်များ၊ ရုံးချုပ်ဌာနများမှ ညွှန်ကြားရေးမှူးများနှင့်အရာထမ်း၊ အမှုထမ်းများ တက်ရောက်ခဲ့ပါသည်။ အခမ်းအနားတွင် ဝန်ထမ်းမျာ၏ ၂၀၂၄ ခုနှစ် ဖေဖော်ဝါရီလ အတွင်းပေးပို့ တင်ပြခဲ့သည့် ဆန္ဒပြုလွှာ (၇)စောင်အပေါ် ညွှန်ကြားရေးမှူးချုပ်နှင့် တာဝန်ရှိသူများမှ ဖြေရှင်း ဆောင်ရွက်ပေးခဲ့ပါသည်။
ရေအသုံးချခြင်းဆိုင်ရာ လုံခြုံမှုနှင့် ပတ်ဝန်းကျင်ထိန်းသိမ်းမှု အသိပညာပေးခြင်းစီမံကိန်း (MLC Education Project)၏ ရေအရည်အသွေးဆန်းစစ်ခြင်းဆိုင်ရာ စွမ်းဆောင်ရည်မြှင့်တင်ခြင်း သင်တန်းဖွင့်ပွဲအခမ်းအနားကို (၂၈-၂-၂၀၂၄)ရက်နေ့၊ နံနက်ပိုင်းတွင် ရေအရည်အသွေးဓာတ်ခွဲခန်း သစ်တောသုတေသနဌာန၊ ရေဆင်း၌ ကျင်းပရာ သစ်တောဦးစီးဌာန၊ ညွှန်ကြားရေးမှူးချုပ် ဒေါက်တာသောင်းနိုင်ဦး အဖွင့်အမှာစကားပြောကြားသည်။
နေပြည်တော်၊ ပြည်နယ်နှင့် တိုင်းဒေသကြီး သစ်တောဦးစီးဌာနများမှ ပေးပို့လာသော စာရင်းများအရ တရားမဝင် ကျွန်း (၅၃.၆၂၈၂)တန်၊ သစ်မာ (၂၄.၃၁၃၀)တန်၊ အခြား (၂၄၄.၁၇၉၈)တန်၊ စုစုပေါင်း (၃၂၂.၁၂၁၀)တန်၊ ယာဉ်/ ယန္တရား (၁၀)စီး၊ တရားခံ (၂၁) ဦး ဖမ်းဆီးရမိခဲ့ပါသည်-ဖမ်းဆီးရမိမှုများအနက် အများဆုံးဖမ်းဆီးရမိမှုမှာ ၂၄-၂-၂၀၂၄ ရက်နေ့၊ ဧရာဝတီတိုင်း ဒေသကြီး၊ ဟင်္သာတခရိုင်၊ အင်္ဂပူမြို့နယ်၊ ခြင်ကိုက်ကွင်းဘိနယ်၊ ပုသိမ်-မုံရွာကားလမ်း အနောက်ဘက် (၁)မိုင်ခန့်အကွာရှိ လယ်ကွင်းစပ်မှ တရားမဝင် ကညင်/တောင် သရက်/စကားဝါ ခွဲသား စုစုပေါင်း (၅၇၉)ချောင်း (၉၀.၂၄၂၆)တန်၊ ပိုင်ရှင်မဲ့ဖမ်းဆီးရမိမှုဖြစ်ပါသည်-
ပဲခူးတိုင်းဒေသကြီးတွင် တည်ထောင်ထားရှိသည့် ကျွန်းစိုက်ခင်းများတွင် ကျရောက် တတ်သည့် ဖျက်ပိုးနှင့် ရောဂါများအား ဘက်ပေါင်းစုံကာကွယ်နှိမ်နင်းခြင်း နည်းလမ်းများ ဖြင့် စီမံအုပ်ချုပ်ခြင်း စီမံကိန်း(AFoCO/ 014/ 2020)၏ “ဖျက်ပိုး/ရောဂါကျရောက်မှုအား ကွင်းဆင်း စာရင်းကောက်ယူခြင်း သင်တန်း”ကို ၂၀၂၄ ခုနှစ်၊ ဖေဖော်ဝါရီလ ၂၆ ရက်နေ့၊ ၀၉:၃၀ နာရီတွင် ဖွင့်လှစ်ခဲ့ပြီး သင်တန်းဖွင့်ပွဲ အခမ်းအနားသို့ CFDTC(မှော်ဘီ)မှ ကျောင်းအုပ်ကြီး၊ AFoCO RETC မှ တာဝန်ရှိသူများ၊ တနင်္သာရီသဘာဝ ကြိုးဝိုင်းစီမံကိန်း (TNRP)မှ စီမံကိန်းညွှန်ကြားရေးမှူး၊ သစ်တောသုတေသနဌာနမှ ဒုတိယ ညွှန်ကြားရေးမှူး၊ သင်တန်းဆရာနှင့် သင်တန်းသား၊ စုစုပေါင်း(၃၅)ဦး တက်ရောက်ခဲ့ကြ ပါသည်။
(၂၇-၂-၂၀၂၄) ရက်နေ့၊ နံနက် (၀၉:၃၀) နာရီတွင် သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အင်ကြင်းခန်းမတွင် သစ်တောဦးစီးဌာနမှ ၂၀၂၃- ၂၀၂၄ ဘဏ္ဍာနှစ်အတွင်း (၁၁/၂၀၂၃-၂၀၂၄)ကြိမ်မြောက်တင်ဒါလက်ခံရေးနှင့် စိစစ်ရေးကော်မတီအစည်းအဝေးကျင်းပရာ ကော်မတီ ဥက္ကဌ သစ်တောဦးစီးဌာန ဒုတိယညွှန်ကြားရေးမှူးချုပ်(စီမံခန့်ခွဲရေး) ဦးကျော်ဇေယျနှင့် စိစစ်ရေး ကော်မတီအဖွဲ့ဝင်များနှင့် ဖိတ်ကြားထားသူများ တက်ရောက်ခဲ့ကြပါသည်။ အစည်းအဝေးတွင် ကော်မတီ ဥက္ကဌမှ အဖွင့်အမှစာကားပြောကြားပြီး ပြည်ထောင်စုသာမန် အသုံးစရိတ်ရန်ပုံငွေ၊ စီမံကိန်းရန်ပုံငွေတို့ဖြင့် ဆောင်ရွက်မည့် တည်ဆောက်ရေးလုပ်ငန်းနှင့် ပစ္စည်းဝယ်ယူရေးလုပ်ငန်း များအား နိုင်ငံတော် သမ္မတရုံး၏ ညွှန်ကြားချက်အမှတ် (၁/၂၀၁၇)နှင့် နိုင်ငံတော်စီမံအုပ်ချုပ်ရေး ကောင်စီရုံး၏ ညွှန်ကြားချက်အမှတ် (၁/၂၀၂၂)တို့နှင့်အညီ အရည်အသွေး၊ စံချိန်စံညွှန်းများ၊ ဈေးနှုန်းများ စိစစ်ခြင်းတို့ကို ဆောင်ရွက်ခဲ့ပါသည်။
၁/၂၀၂၄ ကြိမ်မြောက် သစ်တောဦးစီးရုံးချုပ် CF Unit အဖွဲ့နှင့် ပြည်နယ်/ တိုင်း ဒေသကြီး CF Unit ဥက္ကဌများ လုပ်ငန်းညှိနှိုင်းအစည်းအဝေးကို (၂၆-၂-၂၀၂၄)ရက်နေ့၊ မွန်းလွဲ(၁:၃၀) နာရီ အချိန်တွင် သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အင်ကြင်းခန်းမတွင် ကျင်းပပြုလုပ်ရာ သစ်တောဦးစီးဌာန၊ ဒုတိယညွှန်ကြားရေးမှူးချုပ် (မူဝါဒနှင့် စီမံကိန်း)၊ ဦးဖေချစ် တက်ရောက်ပြီး အဖွင့်အမှာစကားပြောကြားပါသည်။ အစည်းအဝေးတွင် ဒေသခံပြည်သူအစုအဖွဲ့ပိုင်သစ်တော လုပ်ငန်းတိုးတက်မှုနှင့် လုပ်ငန်းဆောင်ရွက်မှုအခြေအနေများကို ပြည်နယ်/တိုင်းဒေသကြီး CF Unit အဖွဲ့ ဥက္ကဌများမှ Power Point ဖြင့် ရှင်းလင်းတင်ပြဆွေးနွေးကြရာ တက်ရောက်လာသော CF Unit အဖွဲ့ဝင်များမှ အကြံပြုဆွေးနွေးကြပါသည်။ အစည်းအဝေးသို့ ညွှန်ကြားရေးမှူးချုပ်ရုံး CF Unit အဖွဲ့ဝင်များ တက်ရောက်ကြပြီး ပြည်နယ်/တိုင်းဒေသကြီး CF Unit ဥက္ကဌများမှ Online ဖြင့် တက်ရောက်ကြကြောင်း သိရှိရပါသည်။