Welcome to Forest Department
No front page content has been created yet.
သတင်းနှင့်ကြေငြာချက်များ
အုတ်တွင်း ပဲခူးတိုင်းဒေသကြီး၊ တောင်ငူခရိုင်၊ အုတ်တွင်းမြို့နယ် သစ်တောဦးစီးဌာနမှ မိုးရာသီ သစ်ပင်စိုက်ပျိုး၊ ပြုစု၊ ထိန်းသိမ်းခြင်းဆိုင်ရာအသိပညာပေးဟောပြောပွဲအား (၂၅-၇-၂၀၂၄) ရက်နေ့ နံနက်(၀၈:၃၀)နာရီအချိန် တွင် အ-လ-က၊ ကြက်သွန်း(၂)၏ အစည်းအဝေးခန်းမတွင် ကျင်းပပြုလုပ်ခဲ့ရာ၊ အ-လ-က၊ ကြက်သွန်း(၂)မှ ကျောင်းအုပ် ဆရာမကြီးဒေါ်စံပါယ်အေးဦးဆောင်သည့် ဆရာ/ဆရာမများ၊ ကျောင်းသား/သူ အင်အား (၁၂၀)ဦး တက်ရောက်ခဲ့ပါသည်။ ဟောပြောပွဲ အခမ်းအနားတွင် အ-လ-က၊ ကြက်သွန်း(၂)မှ ကျောင်းအုပ်ဆရာမကြီး-ဒေါ်စံပါယ်အေးမှ အဖွင့်အမှာစကားပြောကြားခြင်း၊ အုတ်တွင်းမြို့ နယ်၊ သစ်တောဦးစီးဌာနမှ ဦးစီးအရာရှိ-ဦးသိန်းသန်းထိုက်မှ ၊မိုးရာသီ သစ်ပင် စိုက်ပျိုး၊ ပြုစု၊ ထိန်းသိမ်းခြင်း ဆိုင်ရာကိစ္စရပ်များအား အသိပညာပေးဟောပြောခြင်း၊ သဘာဝပတ်ဝန်း ကျင် ထိန်းသိမ်းရေးဆိုင်ရာ Video Clip အား ပြသခြင်းများ ဆောင်ရွက်ခဲ့ကြပါသည်။ ဆက်လက်၍ အ-လ-က၊ ကြက်သွန်ခင်း(၂)ကျောင်းဝင်းအတွင်း သစ်တောဝန်ထမ်းများ၊ ဆရာ/ဆရာမများ၊ ကျောင်းသား/သူများ စုစုပေါင်း (၁၂၀)ဦးနှင့်အတူ ကံ့ကော်(၁၅)ပင်၊ ခရေ(၂၀)ပင်၊ စိန်ပန်းကြီး(၅၀)ပင်၊ ပျဉ်းမ(၄၀)ပင်၊ စုစုပေါင်း(၁၂၅)ပင်အား သစ်ပင်စိုက်ပျိုး သရုပ်ပြသခြင်း ဆောင်ရွက်ခဲ့ပါကြောင်း သိရှိရပါသည်။
တနင်္သာရီတိုင်းဒေသကြီး၊ သစ်တောဦးစီးဌာန၊ ၂၀၂၄ ခုနှစ်၊ အပြည်ပြည်ဆိုင်ရာ ဒီရေတောဂေဟစနစ်ထိန်းသိမ်းရေးနေ့ အထိမ်းအမှတ်၊ မြို့နယ်အဆင့် ဒီရေတောသစ်ပင် စိုက်ပျိုး ပွဲတော်ကို ကော့သောင်းမြို့နယ်၊ မလိဝမ်းကျေးရွာအုပ်စု၊ (၂၂)မိုင်ကျေးရွာ တွင် (၂၆.၇.၂၀၂၄) ရက်နေ့၊ (၀၈:၀၀) နာရီအချိန်တွင် ကျင်းပဆောင်ရွက်ခဲ့ပါသည်။ အဆိုပါ သစ်ပင်စိုက်ပျိုးပွဲတော်သို့ ကော့သောင်းမြို့နယ်၊ မြို့နယ်စီမံအုပ်ချုပ်ရေးအဖွဲ့ ဥက္ကဌ၊ ဦးအောင်ချို တက်ရောက်ပြီး မြို့နယ်စီမံအုပ်ချုပ်ရေးအဖွဲ့ဝင်များ မြို့နယ်အဆင့် ဌာနဆိုင်ရာ ဝန်ထမ်းများ၊ သစ်တောဦးစီးဌာနမှဝန်ထမ်းများ၊ မလိဝမ်းကျေးရွာမှ အမျိုးသမီးရေးရာအသင်း၊ မိခင်နှင့်ကလေး စောင့်ရှောက်ရေးအသင်း၊ မီးသတ်တပ်ဖွဲ့ ဝင်များနှင့် ရွာသူ/ရွာသားများ စုစုပေါင်း(၄၇)ဦး တက်ရောက်ပြီး ဗြူးခြေထောက်(၁၀၀၀)ပင်၊ အုန်းပင်(၁၅)ပင်၊ စုစုပေါင်း (၁၀၁၅)ပင်အား အောင်မြင်စွာ စိုက်ပျိုးဆောင်ရွက်ခဲ့ပါသည်။
တနင်္သာရီတိုင်းဒေသကြီး၊ မြိတ်တက္ကသိုလ်၊ ဘွဲ့နှင်းသဘင်ခန်းမတွင် အပြည်ပြည် ဆိုင်ရာ ဒီရေတောဂေဟစနစ်ထိန်းသိမ်းရေးနေ့အထိမ်းအမှတ် အခမ်းအနားကို (၂၆.၇.၂၀၂၄) ရက်နေ့၊ (၉:၀၀)နာရီမှ (၁၀:၃၀)နာရီအချိန်အထိကျင်းပပြုလုပ်ခဲ့ပါသည်။ အခမ်းအနားကို တနင်္သာရီတိုင်းဒေသကြီး၊ သယံဇာတရေးရာ၀န်ကြီး၊ စီးပွားရေးရာ၀န်ကြီး၊ မြိတ်ခရိုင်စီမံအုပ်ချုပ်ရေးအဖွဲ့၀င်များနှင့် ခရိုင်အဆင့်ဌာနဆိုင်ရာများ၊ မြိတ်တက္ကသိုလ် ဒုတိယ ပါမောက္ခချုပ်နှင့် ဆရာ/ဆရာမ၊ကျောင်းသား/သူများ စုစုပေါင်း(၁၆၀)ဦးတက်ရောက်ခဲ့ပါသည်။ အခမ်းအနားတွင် သယံဇာတဝန်ကြီးမှ အဖွင့်အမှာစကားပြောကြားပြီး တနင်္သာရီ တိုင်းဒေသကြီး၊ သစ်တောဦးစီးဌာန၊ ညွှန်ကြားရေးမှူးဦး၀င်းနိုင်-၄ မှ မြန်မာနိုင့်ငံ ဒီရေတော ဂေဟစနစ်များထိန်းသိမ်းရေး အားလုံးပါဝင်ဆောင်ရွက်ပေး၊ ခေါင်းစဉ်ဖြင့် ဟောပြောခြင်း၊ အဏ္ဏဝါသိပ္ပံဌာနမှ၊ ဌာနမှူး ပါမောက္ခ ဒေါက်တာချယ်ရီအောင်မှ တနင်္သာရီ တိုင်းဒေသကြီး အတွင်းတွေ့ရှိရသော ဒီရေတောသစ်မျိုးများအကြောင်း ဟောပြောဆွေးနွေးပြီးနောက် အပြည်ပြည်ဆိုင်ရာ ဒီရေတောဂေဟစနစ်ထိန်းသိမ်းရေးအထိမ်းအမှတ် video အား ပြသခဲ့ပါသည်။ အခမ်းအနားကို တက်ရောက်လာကြသူများအား ဒီရေတောဂေဟစနစ် ထိန်းသိမ်းရေးဆိုင်ရာပိုစတာများ၊ ဒီရေတောသစ်မျိုးအပင်ငယ်၊ အသီးအပွင့်နှင့် ဒီရေတောထွက် လူသုံးကုန်ပစ္စည်းများအား လှည့်လည်ပြသခဲ့ကြပါသည်။
(၂၅.၇.၂၀၂၄)ရက်နေ့၊ (၉:၃၀)နာရီအချိန်တွင် မင်းဘူးခရိုင်၊ မင်းဘူးမြို့နယ်၊ သစ်တောဦးဌာန၊ လက်ထောက်ညွှန်ရေးမှူးမှ ပြည်သူလူထုပူးပေါင်းပါဝင်သော သစ်ပင် စိုက်ပျိုး၊ ပြုစု၊ ထိန်းသိမ်းရေးအသိပညာပေး ဟောပြောပွဲအား မင်းဘူးမြို့ အထက(၂)အခြေခံပညာအထက်တန်းကျောင်တွင် ကျင်းပခဲ့ရာ ကျောင်အုပ်ဆရာမကြီးနှင့် ကျောင်းသား၊ ကျောင်းသူ စုစုပေါင်း(၂၅၆)ဦး တက်ရောက်ခဲ့ပြီး အသိပညာပေးလက်ကမ်းစာစောင်များ ပေးအပ်ခြင်း၊ လမ်းဘေးဝဲယာစိမ်းစိုပြည်ရေးစိုက်ခင်းများ အားကွင်းဆင်းပြသရှင်းလင်းခြင်း များပြုလုပ်ခဲ့ပါကြောင်းသိရှိရပါသည်။
ပဲခူးတိုင်းဒေသကြီး၊ ညောင်လေးပင်ခရိုင်၊ ညောင်လေးပင်မြို့နယ်၊ သစ်တော ဦးစီးဌာနက မိုးရာသီ သစ်ပင်စိုက်ပျိုး၊ ပြုစု၊ ထိန်းသိမ်းခြင်း ဆိုင်ရာအသိပညာပေးဟောပြော ပွဲ အား (၂၅-၇-၂၀၂၄) ရက်နေ့၊ မွန်းလွှဲ ၁၃:၀၀ နာရီ အချိန်တွင် ညောင်လေးပင်မြို့ ၊ အ. ထ. က (၁) ခန်းမ၌ ကျင်းပပြုလုပ်ခဲ့ရာ ၊ ကျောင်းအုပ်ကြီး ဒေါ်ခင်ထွေးရီ ဦးဆောင်သည့် ဆရာ/ ဆရာမများ၊ ကျောင်းသား/သူ အင်အား (၁၂၀) ဦး တက်ရောက်ခဲ့ပြီး၊ အဆိုပါ အခမ်းအနား တွင် ပဲခူးခရိုင် လက်ထောက်ညွှန်ကြားရေးမှူး ဦးဝင်းကျော်(၂)မှ အဖွင့်အမှာစကား ပြောကြားခြင်း၊ ညောင်လေးပင်မြို့နယ်၊ မြို့နယ်ဦးစီးဌာနမှူး ကျော်သက်ပိုင်ဦးက မိုးရာသီ သစ်ပင်စိုက်ပျိုး၊ ပြုစု၊ ထိန်းသိမ်းခြင်းဆိုင်ရာ လုပ်ငန်းများတွင် တက်ကြွစာ ပူးပေါင်းပါဝင်စေရေး အသိပညာပေးဟောပြောခြင်း၊ လက်ကမ်းစာစောင်နှင့် ကျောင်းသုံး ဗလာစာအုပ်(၂၀)ဒါဇင် ၊ ဖောင်တိန် (၂၀၀)ချောင်း လှူဒါန်းခဲ့ပြီး မြို့နယ်ပညာရေးမှူးက နိဂုံးချုပ် စာကားပြောကြားကာ အခမ်းအနား အောင်မြင်စွာ ကျင်းပပြီးစီးခဲ့ပါကြောင်းသိရှိရပါသည်။
သစ်တောဦးစီးဌာန၊ တနင်္သာရီသဘာဝကြိုးဝိုင်းစီမံကိန်းတွင် စီမံကိန်းကာလအတွင်း လစ်လပ် လျှက်ရှိသော အောက်ဖော်ပြပါ ယာဉ်မောင်းဝန်ထမ်းနေရာအတွက် သတ်မှတ်အရည်အချင်းများနှင့် ကိုက်ညီသောသူများ လျှောက်ထားနိုင်ပါသည်
ရန်ကုန်တိုင်းဒေသကြီး၊ မှော်ဘီခရိုင်၊ ထန်းတပင်မြို့နယ်၊ သစ်တောဦးစီးဌာနမှ ဦးဆောင်၍ ကျောင်းသား/ကျောင်းသူများအား “သစ်တောသစ်ပင်စိုက်ပျိုးခြင်းနှင့် ထိန်းသိမ်းရေးဆိုင်ရာအသိပညာပေးဟောပြောပွဲ”ကို (၂၅.၇.၂၀၂၄)ရက်နေ့၊နံနက်(၀၉:၃၀)နာရီတွင် ထန်းတပင်မြို့နယ်၊ အခြေခံပညာအထက်တန်းကျောင်း(လှိုင်ရတနာခန်းမ)၌ ကျင်းပပြုလုပ်ရာ ဟောပြောပွဲသို့ မြို့နယ်အထွေထွေအုပ်ချုပ်ရေးဦးစီးဌာနမှ ဒုတိယမြို့နယ်မှူး၊ မြို့နယ် ဒုတိယပညာရေးမှူး၊ ကျောင်းအုပ်ဆရာကြီးနှင့် ဆရာ/ဆရာမ(၁၁)ဦး Grade-11 ကျောင်းသားကျောင်းသူ(၄၄)ဦး၊ Grade -10 ကျောင်းသား/ကျောင်းသူ(၇၉)ဦး၊ Grade -8 ကျောင်းသား/ ကျောင်းသူ(၁၃)ဦး စုစုပေါင်းကျောင်းသား/ကျောင်းသူပေါင်း(၁၃၆)ဦး သစ်တောဝန်ထမ်း(၉)ဦး၊စုစုပေါင်း (၁၅၆)ဦးတို့ တက်ရောက်ခဲ့ကြပြီး၊ ထန်းတပင်မြို့နယ်၊ သစ်တောဦးစီးဌာန၊ မြို့နယ်ဦးစီးဌာနမှူး ဦးနိုင်လင်းထွန်းက တက်ရောက်လာသူများအား မိုးရာသီကာလ သစ်ပင်စိုက်ပျိုးခြင်း၊ပြုစုထိန်းသိမ်းခြင်းဆိုင်ရာ နည်းစနစ်များနှင့် အကျိုးကျေးဇူးများအား အသိပညာပေးဟောပြောခဲ့ပြီး ဟောပြောပွဲတက်ရောက် လာသူများအား အသိပညာပေး လက်ကမ်းစာစောင်များကို သစ်တောဦးစီးဌာန ဝန်ထမ်းများက ဖြန့်ဝေပေးခဲ့ကြပါသည်။ ဆက်လက်၍ ကျောင်းဝန်းအတွင်း ခရေပင်(၂၀)နှင့် ထိုင်ဝမ်ဘန်တာပင်(၁၀)ပင် စုစုပေါင်းပျိုးပင်(၃၀)ပင် လက်တွေ့သရုပ်ပြစိုက်ပျိုးခဲ့ကြပါကြောင်းသိရှိရပါသည်။
တနင်္သာရီတိုင်းဒေသကြီး၊ ထားဝယ်ခရိုင်၊ လက်ထောက်ညွှန်ကြားရေးမှူးဦးလွင်ကိုဦး၊ ထားဝယ်မြို့နယ်၊ သစ်တောဦးစီးဌာနမှ၊ ဦးစီးအရာရှိ ဦးရဲဝင်းအောင်နှင့် ရေဖြူမြို့နယ်၊ သစ်တောဦးစီးဌာနမှ ဦးစီးအရာရှိ ဦးနိုင်လင်းအောင်တို့မှ(၂၄-၇-၂၀၂၄)ရက်နေ့၊ နံနက် (၁၀:၀၀)နာရီအချိန်၌ ထားဝယ်မြို့၊အမှတ်(၁) အခြေခံပညာအထက်တန်းကျောင်း၊ စုဝေးခန်းမတွင် " မိုးရာသီသစ်ပင်စိုက်ပျိုး၊ပြုစု၊ထိန်းသိမ်းရေး"ခေါင်းစဥ်ဖြင့် သစ်ပင်စိုက်ပျိုးခြင်း၏အကျိုးကျေးဇူးများ၊ သစ်ပင်စိုက်ပျိုး၊ ပြုစု၊ ထိန်းသိမ်းခြင်းနည်းစနစ်များနှင့် သစ်တောများထိန်းသိမ်းကာကွယ်ခြင်းစသည့်အကြောင်းအရာများကိုအထက်တန်းအဆင့်ကျောင်းသား(၁၂၆)ဦး၊ ကျောင်းသူ(၁၉၈)ဦး၊ ဆရာမ(၆)ဦး၊ စုစုပေါင်း (၃၃၀)ဦးတို့အား အသိပညာပေး ဟောပြောခြင်း၊ သိရှိလိုသည်များ ပြန်လည်ဖြေကြားခြင်းဆောင်ရွက်ခဲ့ပြီး တက်ရောက်သူများသို့ စာရေးဘောပင်များ ပေးအပ်ခဲ့ပါကြောင်းနှင့် ဟောပြောပွဲပြီးစီးပြီး (၁၁:၃၀)နာရီအချိန်၌ ကျောင်းဝန်းအတွင်း ခရေ၊ ရေတမာ၊ ဗန်ဒါ (၅၀)ပင်တို့အားသစ်တောဝန်ထမ်းများမှကျောင်းသား/သူ၊ ဆရာမများကို သစ်ပင်စိုက်ပျိုးမှုနည်းစနစ်များရှင်းလင်းပြောကြား၍ ပူးပေါင်းစိုက်ပျိုးဆောင်ရွက်ခဲ့ပါကြောင်းသိရှိရပါသည်။