သစ်တောဦးစီးဌာန“တိုင်းဒေသကြီး/ပြည်နယ် လုပ်ငန်းညှိနှိုင်းအစည်းအဝေး”ကို ၃၁.၃.၂၀၁၉ ရက်နေ့တွင်၊သစ်တောဦးစီးဌာန၊ညွှန်ကြားရေးမှူးချုပ်ရုံး၊အင်ကြင်းခန်းမတွင် ကျင်းပပြုလုပ်ရာ သယံ ဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး ဦးအုန်းဝင်း တက်ရောက် အမှာစကားပြောကြားခဲ့ပါသည်။အမှာစကားပြောကြားရာတွင်-
သစ်တောဦးစီးဌာနသည် သစ်တောများ ရေရှည်တည်တံ့ရေးနှင့် ဇီဝမျိုးစုံမျိုးကွဲများ ထိန်းသိမ်း ရေး ကိုဦးတည်ပြီး နိုင်ငံတော်ရဲ့စီးပွားရေး၊ လူမှုရေးနှင့် သဘာဝပတ်ဝန်းကျင်ထိန်းသိမ်းရေး လုပ်ငန်းများကို ဟန် ချက်ညီ ဆောင်ရွက် နေသည့့် ဌာနတစ်ခု ဖြစ်ပါကြောင်း၊
မြန်မာနိုင်ငံသစ်တောများပြန်လည်တည်ထောင်ရေး စီမံကိန်းသည် အရေးပါသည့် စီမံကိန်း တစ်ရပ်ဖြစ်သည့်အတွက် တိုင်းဒေသကြီး/ပြည်နယ်တာဝန်ခံများသည် သက်ဆိုင်ရာ တိုင်းဒေသကြီး/ ပြည်နယ်အလိုက် အရေးပါတဲ့ ဦးစီးပဲ့ကိုင်များ ဖြစ်ကြပါကြောင်း၊ မြန်မာနိုင်ငံသစ်တောများ ပြန်လည် တည်ထောင်ရေးစီမံကိန်းရဲ့ အရေးကြီးသည့် လုပ်ငန်းများဖြစ်သည့် သစ်တောစိုက်ခင်းများတည်ထောင်ခြင်း၊ သဘာဝတောတန်ဖိုးမြှင့်စိုက်ခင်းများတည် ထောင်ခြင်း၊ ဒေသခံပြည် သူအစုအဖွဲ့ပိုင်သစ်တော တည်ထောင် ခြင်း၊ သီးနှံသစ်တောရောနှောစိုက်ပျိုးခြင်း၊ စီးပွားရေးစိုက်ခင်းဟောင်းများ ပြန်လည်ပြုစုထိန်းသိမ်းခြင်းအစရှိ သည့် ကနဦးလုပ်ငန်းများကို ဆောင်ရွက် နေချိန်ဖြစ်ပါကြောင်း၊ လွန်ခဲ့သည့် စီမံကိန်းကာလ ၂နှစ် အတွင်း တွေ့ကြုံခဲ့ရသည်များကို ပြန်လည် သုံးသပ်ပြီး လာမည့် မိုးရာသီတွင် ရာနှုန်းပြည့်ရှင်သန် အောင်မြင်သည့် သစ်ပင်တွေ စိုက်ပျိုးနိုင်ရေးအတွက် ညွှန်ကြား ရေးမှူးများအနေနှင့် မြေပြင်အထိကွင်းဆင်းကြီးကြပ်ကြဖို့ မှာကြားပါသည်။

၃၁.၃.၂၀၁၉ ရက်နေ့တွင် သီပေါမြို့နယ်၊ သစ်တောဦးစီးဌာနမှ ဦးစီးအရာရှိ ဦးဆောင်သောဝန်ထမ်းများ၊ ခလရ(၁၄၇)မှ တပ်မတော်တပ်ဖွဲ့ဝင်များ၊ ကျေးရွာအုပ်ချုပ်ရေးအဖွဲ့ဝင်များ ပါဝင်သောပူးပေါင်းအဖွဲ့သည် သီပေါမြို့နယ်အတွင်း တရားမဝင်ထောက်ကြံ့သစ်လုံး (၆၀)လုံး (၂၀.၇၇၈၀)တန် ဖမ်းဆီးရမိခဲ့ပြီး၊ တရားခံများအား စုံစမ်းဖေါ်ထုတ်၍ ဥပဒေနှင့်အညီ ထိရောက်စွာ အရေးယူ နိုင်ရေး ဆောင်ရွက်လျက်ရှိပါသည်။

၃၀.၃.၂၀၁၉ ရက်နေ့တွင် မတ္တရာမြို့နယ်၊ သစ်တောဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ ရပ်ကွက်အုပ်ချုပ်ရေးအဖွဲ့ဝင်များ ပါဝင်သော ပူးပေါင်းအဖွဲ့သည် မတ္တရာမြို့နယ်၊ ရွှေဂူဘုရားလမ်းနှင့်ဗိုလ်ချုပ်လမ်းထောင့်တွင် ဟီးနိုးယာဉ်(၁)စီး နှင့် ကန့်လန့်ဂျီ(၆)ဘီးယာဉ် (၁)စီးတို့ပေါ်မှ တရားမဝင်အင်ခွဲသား/လုံးပတ်၃ပေအောက်အင်သစ်လုံး စုစုပေါင်း (၁၀၉)ချောင်း/လုံး (၆.၇၆၉၂)တန်၊ တရားခံ(၂)ဦး ဖမ်းဆီးရမိခဲ့ပြီး၊ တရားခံများအား ဥပဒေနှင့်အညီ ထိရောက်စွာ အရေးယူနိုင်ရေး မတ္တရာမြို့နယ် မြို့မရဲစခန်းတွင် အမှုဖွင့်ဆောင်ရွက်လျက်ရှိပါသည်။