ခြိမ်းခြောက်ခံနေရသည့် မျိုးစိတ်များ၏ နိုင်ငံအဆင့် အနီရောင်စာရင်း (National Red List of Threatened Species )သည် မျိုးစိတ်များနှင့် ယင်းတို့၏ ဂေဟစနစ်များအတွက် ထိန်းသိမ်းရေးဆိုင်ရာ ရင်းနှီးမြှုပ်နှံမှုများကို ဦးစားပေးဆောင်ရွက်နိုင်ရေးနှင့် ဖွံ့ဖြိုးရေးစီမံကိန်း လုပ်ငန်းများကြောင့် သဘာဝဝန်းကျင်အား ထိခိုက်မှုအနည်းဆုံးဖြစ်အောင် လမ်းညွှန်နိုင်မည် ဖြစ်သဖြင့် သစ်တောဦးစီးဌာနသည် ဇီဝမျိုးစုံမျိုးကွဲများအား ထိရောက်အကျိုးရှိစွာ ထိန်းသိမ်း နိုင်ရေးအတွက် မိတ်ဘက်အဖွဲ့အစည်းများဖြင့် ပူးပေါင်း၍ အလုပ်ရုံဆွေးနွေးပွဲ သင်တန်းအား ကျင်းပရခြင်း ဖြစ်ပါသည်။ အဆိုပါသင်တန်းသို့ ဌာန၊ အဖွဲ့အစည်းများ၊ တက္ကသိုလ်များ၊ သုတေသနဌာနများအား ကိုယ်စားပြုသည့်  သင်တန်းသား(၂၅)ဦး တက်ရောက်ခဲ့ကြပြီး နိုင်ငံအဆင့် အနီရောင်စာရင်း ပြုစုရာတွင် ဆက်လက်ဆောင်ရွက်မည့်လုပ်ငန်းများအတွက် အလွန်အရေးပါသည့် လူ့အရင်းအမြစ်  များဖြစ်ပါသည်။

၂၀-၇-၂၀၁၇ ရက်နေ့၊ မွန်းလွဲ(၁:၀၀)နာရီအချိန်တွင် သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီးရုံး၊ အစည်းအဝေးခန်းမ၌ ကုလသမဂ္ဂ၏ မြန်မာနို်င်ငံလူ့အခွင့်ရေးဆိုင်ရာ အထူးအစီရင်ခံစာတင်သွင်းသူ မစ္စ ယန်ဟီလီနှင့် အဖွဲ့မှ လာရောက်တွေ့ဆုံ၍ လူ့အခွင့်အရေးဆိုင်ရာ ကိစ္စရပ်များနှင့် ပတ်သက်၍ သိရှိလိုသည်များအား မေးမြန်းဆွေးနွေးခဲ့ကြပါသည်။