Welcome to Forest Department

No front page content has been created yet.

သတင်းနှင့်ကြေငြာချက်များ

ပြည်သူပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှု့ သတင်းပို့စနစ်-CMRS ဖြင့် သတင်းပေးပို့ချက်အရ ၁၆-၆-၂၀၂၀ ရက်နေ့တွင် မကွေးတိုင်းဒေသကြီး၊ ဂန့်ဂေါခရိုင်၊ ဂန့်ဂေါမြို့နယ်၊ သစ်တောဦးစီးဌာနမှ သစ်တောဝန်ထမ်းများ၊ မြန်မာ့သစ်လုပ်ငန်းမှဝန်ထမ်းများပါဝင်သော ပူးပေါင်း အဖွဲ့သည် ဂန့်ဂေါမြို့နယ်၊ လောင်ထောင်ကြိုးဝိုင်းအကွက်အမှတ်(၅)အတွင်း ပန်းအေးတောင်ချောင်း၏ အရှေ့မြောက်ဘက် (၁)ဖာလုံခွဲခန့်အကွာမှ တရားမဝင် ကျွန်းသစ်လုံး (၁၀)လုံး (၆)တန်အား ဖမ်းဆီးစဉ် ပိုင်ရှင်မတွေ့ရှိဘဲ ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။

ပြည်သူပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှု့ သတင်းပို့စနစ်-CMRS ဖြင့် သတင်းပေးပို့ချက် အရ ၁၄-၆-၂၀၂၀ ရက်နေ့တွင် ချင်းပြည်နယ်၊ မင်းတပ်ခရိုင်၊ ကန်ပက်လက်မြို့နယ် သစ်တောဦးစီးဌာနမှ သစ်တောဝန်ထမ်းများအဖွဲ့သည် ကန်ပက်လက်မြို့နယ်၊ ကြက်မောက်တောင်ကြိုးဝိုင်းအကွက်အမှတ် (၂၅၊၂၇)အတွင်းမှ တရားမဝင် ကျွန်းသစ်/ ကျွန်းခွဲသားဆိုဒ်စုံ (၁၄၃)လုံး/ချောင်း (၅)တန်အား CMRS သတင်းအရ ကြက်မောက်တောင်ကြိုးဝိုင်းအတွင်း လှည့်လည်စစ်ဆေးခဲ့ရာ ပိုင်ရှင် တစ်ဦးတစ်ယောက်မျှ မတွေ့ရှိရဘဲ ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။

ပြည်သူပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှု့ သတင်းပို့စနစ်-CMRS ဖြင့် သတင်းပေးပို့ချက်အရ ၁၅-၆-၂၀၂၀ ရက်နေ့တွင် စစ်ကိုင်းတိုင်းဒေသကြီး၊ မုံရွာ/ ယင်းမာပင်ခရိုင်၊ ကနီမြို့နယ်၊ သစ်တောဦးစီးဌာနမှ သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များပါဝင်သော ပူးပေါင်းအဖွဲ့သည် ကနီမြို့နယ်၊ အိုင်တောင်(တောင်)ဆိပ်ကမ်း၊ ချင်းတွင်းမြစ်အတွင်းမှ တရားမဝင် အင်ခွဲသား (၁၁၄၇)ချောင်း (၁၅)တန်အား စက်လှေ(၃)စီနှင့်အတူ သတင်းအရသွားရောက်ဖမ်းဆီးစဉ် ပိုင်ရှင်တစ်ဦး တစ်ယောက်မျှ မတွေ့ရှိရသောကြောင့် ပိုင်ရှင်မဲ့အဖြစ်ဖမ်းဆီးပြီး သက်ဆိုင်ရာအဖွဲ့အစည်း များနှင့်အတူ တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာအရေးယူနိုင်ရေး စီစဉ်ဆောင်ရွက်လျက်ရှိပါသည်။

မြန်မာနိုင်ငံရှိ သဘာဝထိန်းသိမ်းရေးနယ်မြေများ စီမံအုပ်ချုပ်မှု ရေရှည်တည်တံ့စေရေး မြှင့်တင်ခြင်းစီမံကိန်း (၂၀၁၅−၂၀၂၀)”၏ စီမံကိန်းဘုတ်အဖွဲ့ သတ္တမအကြိမ်မြောက် အစည်းအဝေး ကို (၁၉-၆-၂၀၂၀)ရက်နေ့၊ နံနက် (၀၉:၀၀) နာရီတွင် သစ်တောဦးစီးရုံးချုပ်၊ အင်ကြင်းခန်းမ၊ နေပြည်တော်၌ ကျင်းပပြုလုပ်ရာ သစ်တောဦးစီးဌာန၊ ညွှန်ကြားရေးမှူးချုပ် ဒေါက်တာညီညီကျော် တက်ရောက်၍ အဖွင့်အမှာစကားပြောကြားခဲ့ပါသည်။

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနနှင့် ကာကွယ်ရေးဝန်ကြီး ဌာနတို့၏ ညှိနှိုင်းစီစဉ်မှုဖြင့် ရှမ်းပြည်နယ်၊ အင်းလေးကန်ရေဝေရေလဲဒေသအတွင်းရှိ တောင် ကတုံးများနှင့် စစ်ကိုင်းတိုင်းဒေသကြီးအတွင်း ရွှေသတ္တုတူးဖော်ခြင်းကြောင့် သစ်တောပြုန်းတီးနေ သော နေရာ(၉)နေရာတို့တွင် ရဟတ်ယာဉ်ဖြင့် သစ်စေ့မြေလုံးများကြဲချခြင်းကို (၁၉-၆-၂၀၂၀) ရက်နေ့တွင် ပြုလုပ်ခဲ့ပါသည်။

သစ်ပင်ပေါက်ရောက်မှု နည်းပါးသည့် တောင်တန်းတောင်ကုန်းများတွင် သစ်စေ့မြေလုံး (Seed Ball) များ ကြဲချ/စိုက်ပျိုးခြင်းနှင့်ပတ်သက်၍ ရှင်းလင်းတင်ပြခြင်းကို (၁၇-၆-၂၀၂၀) ရက်နေ့၊ နံနက်(၁၀:၀၀)နာရီတွင် သစ်တောဦးစီးဌာန၊ အင်ကြင်းခန်းမ၊ နေပြည်တော်တွင် ကျင်းပပြုလုပ်ခဲ့ရာ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ပြည်ထောင်စု ဝန်ကြီး ဦးအုန်းဝင်း တက်ရောက်ခဲ့ပါသည်။အခမ်းအနားတွင် သစ်တောဦးစီးဌာန၊ ညွှန်ကြားရေးမှူးချုပ် ဒေါက်တာညီညီကျော်က ပြည်ထောင်စုဝန်ကြီးအား ရှင်းလင်းတင်ပြရာတွင် ပြည်ပနိုင်ငံများတွင် သစ်စေ့မြေလုံး (Seed Ball)များ ကြဲချခြင်း ဆောင်ရွက်မှုနှင့်ပတ်သက်၍ အမေရိကန်၊ ဂျပန်နှင့် ဥရောပနိုင်ငံများ၌ ဒုတိယကမ္ဘာစစ်အတွင်း သစ်တောဧရိယာပမာဏများစွာပျက်စီးခြင်းအား စက်ယန္တရားအသုံးပြု သစ်တောပြန်လည်တည်ထောင်ရာတွင် သစ်စေ့တိုက်ရိုက်ကြဲချသည့် နည်းစနစ်ကို အသုံးပြုခဲ့ကြပါ ကြောင်း၊ ၎င်းစနစ်သည် ပိုးမွှားတိရစ္ဆာန်၊ တောမီးများ၏ အန္တရာယ်ကြောင့် ရှင်သန်မှုရာခိုင်နှုန်း နည်းပါးခဲ့သဖြင့် နောက်ပိုင်းကာလများတွင် သစ်စေ့မြေလုံးကြဲချခြင်း နည်းစနစ်ကို ပြောင်းလဲကျင့် သုံးခဲ့ပါကြောင်း၊ လက်ရှိကာလတွင် UAV Drone များဖြင့် ကျယ်ကျယ်ပြန့်ပြန့် ဆောင်ရွက်လျက် ရှိပါကြောင်း၊ သစ်တောပြုန်းတီးမှုများသည့် အာဖရိကနိုင်ငံများ အထူးသဖြင့် ကင်ညာနိုင်ငံတွင် သစ်စေ့မြေလုံး ကြဲချစိုက်ပျိုးခြင်းကို သစ်တောပြန်လည်တည်ထောင်ရေး၏ အဓိကလုပ်ငန်းစဉ် အဖြစ် ဆောင်ရွက်လျက်ရှိကြောင်း၊ ထိုင်းနိုင်ငံတွင် ၂၀၃၀ ပြည့်နှစ်၌ နိုင်ငံဧရိယာ၏ ၃၀% ကို သစ်တောဖုံးလွှမ်းရန် ရည်မှန်းချက်ထားရှိပြီး သစ်စေ့မြေလုံးကြဲခြင်းသည် အဆိုပါရည်မှန်းချက် ဖြည့်ဆည်းရာ၌ အရေးပါသော ဆောင်ရွက်ချက်ဖြစ်ကြောင်း၊

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အစည်းအဝေးခန်းမ၌ ၁၆-၆-၂၀၂၀ ရက်နေ့ (၁၅:ဝဝ)နာရီအချိန်တွင် နိုင်ငံအဆင့် သစ်တောသယံဇာတစာရင်း ကောက်ယူခြင်း(NFI)၊ နိုင်ငံအဆင့် သစ်တော စောင့်ကြည့်လေ့လာခြင်းနှင့် သတင်းအချက်အလက်စနစ် တည်ထောင်ခြင်းကို လူ့အခွင့်အရေး ဆိုင်ရာအခြေခံနည်းလမ်းများဖြင့် ဆောင်ရွက်ခြင်းစီမံကိန်းဆိုင်ရာ အချက်အလက်များ (Myanmar National Forest Inventory (NFI)/National Forest Monitoring and Information System(NFMIS)with a Human Rights Based Approach) သဘောတူ လက်မှတ်ရေးထိုးပွဲအခမ်းအနားကိုကျင်းပပြုလုပ်ရာ သစ်တောဦးစီးဌာန၊ ညွှန်ကြားရေးမှူးချုပ် ဒေါက်တာညီညီကျော်မှ အဖွင့်အမှာစကြားပြောကြားပါသည်။ လက်မှတ်ရေးထိုးပွဲအခမ်းအနား သို့ Ms.Riikka Laatu, Ambassador, Embassy of Finland, Yangon(Virtually)က (Video Conference)ဖြင့်ဆွေးနွေးပြီး၊ Mr.Julian Fox,FAOHQ, Rome(Virtually)နှင့် ကိုယ်စားလှယ်အဖွဲ့ တက်ရောက် ခဲ့ပါသည်။

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန အနေဖြင့် မြန်မာ့ကျွန်း သစ်မူရင်းဒေသဖြစ်သော ပဲခူးရိုးမအတွင်း ၂၀၁၆-၁၇ ဘဏ္ဍာနှစ်မှစ၍ တရားဝင်သစ်ထုတ်လုပ်ခြင်းလုပ်ငန်း အား (၁၀)နှစ်ရပ်နားထားပြီး သစ်တောပြုစုထိန်း သိမ်းခြင်းလုပ်ငန်းများအား အရှိန်အဟုန်မြှင့်ဆောင်ရွက်နေ လျှက်ရှိသည့်အပြင် တရားမဝင်သစ်ခိုးထုတ်ခြင်း၊ တရားမဝင်တောရိုင်းတိရစ္ဆာန်များ သတ်ဖြတ်ခြင်းနှင့် ကျူးကျော်အခြေချနေထိုင်ခြင်းများအား ပြည်သူပူးပေါင်းပါဝင်မှုဖြင့် စီမံချက်ချအကောင် အထည်ဖော် ဆောင်ရွက်နေလျှက်ရှိပါသည်။ ပဲခူးရိုးမစိမ်းလန်းစိုပြည်ရေး ဧရိယာအတွင်းမှ (၈-၆-၂၀၂၀)ရက်နေ့မှ (၁၄-၆-၂၀၂၀) ရက်နေ့ထိ တစ်ပတ်တာကာ လအတွင်း တရားမဝင်ကျွန်း၊ သစ်မာ၊အခြား စုစုပေါင်း (၆၁.၁၈၆၀)တန်ဖမ်းဆီးရမိခဲ့ပါသည်။

Pages