Welcome to Forest Department
No front page content has been created yet.
သတင်းနှင့်ကြေငြာချက်များ
ပြည်သူလူထုပူးပေါင်းပါဝင်မှုဖြင့် လူထုအခြေပြု စောင့်ကြပ်ကြည့်ရှုသတင်းပို့စနစ် CMRS ဖြင့် သတင်းပေးပို့ချက်အရ ၁၄-၂-၂၀၁၉ ရက်နေ့တွင် ပဲခူးတိုင်းဒေသကြီး၊ ပဲခူးမြို့နယ် ဦးစီး အရာရှိ၊ ရွှေကျင်နှင့် ညောင်လေးပင် မြို့နယ်ဦးစီးမှုများနှင့် သစ်တောဝန်ထမ်းများ၊ သစ်တောရဲတို့ ပါဝင်သော ခရိုင်စစ်ကြောင်း ပူးပေါင်းအဖွဲ့သည် ပဲခူးမြို့နယ်၊ တောင်ဇာမရီကြိုးဝိုင်းနှင့် မြောက်ဇာ မရီကြိုးဝိုင်းများအတွင်း တရားမဝင်သစ် ရှာဖွေဖမ်းဆီးခြင်းဆောင်ရွက်ရာ ကျွန်းခွဲသား(၂၅) တန် ကျော်နှင့် ပေါင်(၉၀)ဝင် မီးသွေးအိတ်(၂၉၀)အိတ်တို့အား ဖမ်းဆီးရမိခဲ့ပြီး၊ လုံခြုံရာသို့ သယ်ယူ ပြီးပါကြောင်း တင်ပြအပ်ပါသည်။
နေပြည်တော်ကောင်စီနယ်မြေ/ တိုင်းဒေသကြီး/ ပြည်နယ်၊ သစ်တောဦးစီးဌာနများမှ ပေးပို့လာ သောစာရင်းများအရ တရားမဝင် ကျွန်း (၁၄၈.၈၂၅၂)တန်၊ သစ်မာ (၇၈.၅၇၀၈)တန်၊ အခြား (၁၇၀.၆၈၄၅)တန်၊ စုစုပေါင်း(၃၉၈.၀၈၀၅)တန်၊ တရားခံ(၄၃)ဦး၊ ယာဉ်/ယန္တရား(၄၈)စီး ဖမ်းဆီးရမိခဲ့ပါသည်။ ဖမ်းဆီးရမိမှုများအနက် အများဆုံးဖမ်းဆီးရမိမှုမှာ ရန်ကုန်တိုင်းဒေသကြီး၊ မြောက်ပိုင်းခရိုင်၊ တိုက်ကြီးမြို့နယ်၊ မြို့မ(၂)နယ်မြေ၊ ရေအေးစမ်းဘိနယ်၊ သဲဝါကျေးရွာ၏အရှေ့ဘက်၊ ချင်းကုန်း ရွာ၏တောင်ဘက်၊ စဉ့်ကူးရွာ၏မြောက်ဘက်နေရာမှ တရားမဝင် အခြားသစ် (၁၃၀)လုံး/ခြမ်း (၄၅.၂၀၀၀)တန် အား ပိုင်ရှင်မဲ့ ဖမ်းဆီးရမိခဲ့ပါသည်။
နိုင်ငံအဆင့် ပင်လယ်ကမ်းရိုးတန်းသယံဇာတ စီမံအုပ်ချုပ်လုပ်ကိုင်မှု ဗဟိုကော်မတီ(ဆဌမအကြိမ်)အစည်းအဝေးအား သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အင်ကြင်းခန်းမ၌ ၁၄-၂-၂၀၁၉ ရက်နေ့၊ နံနက် (ဝ၉:ဝ၀)နာရီအချိန်တွင် ကျင်းပခဲ့ရာ အခမ်းအနားသို့ နိုင်ငံအဆင့် ပင်လယ်ကမ်းရိုးတန်းသယံဇာတ စီမံအုပ်ချုပ်လုပ်ကိုင်မှု ဗဟိုကော်မတီ ဥက္ကဌ ဒုတိယ သမ္မတ ဦးမြင့်ဆွေ တက်ရောက်၍ အဖွင့်အမှာစကားပြောကြားပါသည်၊ အခမ်းအနားသို့ ပြည်ထောင်စုဝန်ကြီးများ၊ တိုင်းဒေသကြီး/ ပြည်နယ်အစိုးရအဖွဲ့ ဝန်ကြီးချုပ်များ၊ အမြဲတမ်းအတွင်းဝန်များ၊ ညွှန်ကြားရေးမှူးချုပ်များ၊ ဦးဆောင်ညွှန်ကြားရေးမှူးများနှင့် ဖိတ်ကြားထားသည့် ဧည့်သည်တော်များ တက်ရောက်ကြပါသည်။
ပြည်သူလူထုပူးပေါင်းပါဝင်မှုဖြင့် လူထုအခြေပြု စောင့်ကြပ်ကြည့်ရှုသတင်းပို့စနစ်-CMRS ဖြင့် သတင်းပေး ပို့ချက်အရ ၁၁-၂-၂၀၁၉ ရက်နေ့တွင် ဧရာဝတီတိုင်းဒေသကြီး၊ သစ်တောဦးစီးဌာနမှ ညွှန်ကြားရေးမှူး ဦးကျော်ဇေယျ ဦးဆောင်သော သစ်တောဝန်ထမ်းများအဖွဲ့သည် ပုသိမ်မြို့နယ်၊ မြင်းချောင်းကျေးရွာ ဦးတင့်ဝေ၏သစ်စက်ဝန်းအတွင်း၊ သစ်ပုတ်ကုန်းကျေးရွာ၊ ဦးထွန်းထွန်းဦး ခြံဝန်းအတွင်းနှင့် ငဝန်မြစ်ကမ်း ဘေး ပဲ့ထောင်(၁)စီးပေါ်တို့မှ တရားမဝင် ဘောင်ဆန့်/ လုံးပတ်၃ပေအောက်ဘောင်ဆန့် သစ်/ခွဲသား စုစုပေါင်း (၁၅၃၅)လုံး/ချောင်း (၁၆.၅၉၆၆)တန်၊ တရားခံ (၄)ဦး၊ အင်ဂျင် (၃)လုံး၊ လွှဝိုင်း (၂)ဝိုင်းနှင့် ဆက်စပ်ပစ္စည်းများ ဖမ်းဆီးရမိခဲ့ပြီး၊ တရားခံများအား ဥပဒေနှင့်အညီ ထိရောက်စွာအရေးယူနိုင်ရေး ပုသိမ်မြို့မရဲစခန်းတွင် အမှုဖွင့် ဆောင်ရွက်လျက်ရှိပါသည်။<
၁၃-၂-၂၀၁၉ ရက်နေ့ (၀၇း၄၅)နာရီတွင် မိုင်းဆတ်မြို့နယ်၊ သစ်တောဦးစီးဌာနမှ မြို့နယ်ဦးစီးဌာနမှူး ဦးဆောင်သော သစ်တောဝန်ထမ်းများနှင့် ခလရ(၅၂၇) တပ်ရင်းမှ ဗိုလ်မှူး ချစ်ဦးနှင့်အဖွဲ့တို့ ပါဝင်သော ပူးပေါင်းအဖွဲ့သည် မိုင်းဆတ်မြို့နယ်၊ မိုင်းဆတ်-မိုင်းပျဉ်းသွားကားလမ်း၊ နားလည်ကျေးရွာ၏အရှေ့မြောက် ဘက်အနီးမှ တရားမဝင် ပိတောက်စကွဲယား (၁၀၅)တုံး (၆)တန်ခန့်အား ပိုင်ရှင်မဲ့ ဖမ်းဆီးရမိခဲ့ပြီး၊ တရားခံအား စုံစမ်းဖေါ်ထုတ်၍ ဥပဒေနှင့်အညီ ထိရောက်စွာအရေးယူနိုင်ရေး ဆောင်ရွက်လျက်ရှိပါသည်။
၈-၂-၂၀၁၉ ရက်နေ့နှင့် ၉-၂-၂၀၁၉ ရက်နေ့တွင် သာယာဝတီခရိုင်၊ သစ်တောဦးစီးဌာနမှ လက်ထောက် ညွှန်ကြားရေးမှူး ဦးဆောင်သော သစ်တောဝန်ထမ်းများ၊ ဝန်းကျင်/သားငှက်ဌာနမှဝန်ထမ်းများ၊ မြန်မာနိုင်ငံရဲတပ်ဖွဲ.ဝင်များ၊ ပါဝင်သောပူးပေါင်းအဖွဲ့သည် လက်ပံတန်းမြို့နယ်၊ မြောက်ဇာမရီကြိုးဝိုင်း အတွင်းမှ တရားမဝင် ကျွန်း/ပျဉ်းကတိုး ခွဲသား (၄၀၆)ချောင်း (၁၈.၄၅၇၄)တန်အား ပိုင်ရှင်မဲ့ ဖမ်းဆီးရမိခဲ့ပြီး၊ တရားခံအား စုံစမ်းဖေါ်ထုတ်၍ ဥပဒေနှင့်အညီ ထိရောက်စွာအရေးယူနိုင်ရေး ဆောင်ရွက် လျက်ရှိပါသည်။
ပြည်သူလူထုပူးပေါင်းပါဝင်မှုဖြင့် လူထုအခြေပြု စောင့်ကြပ်ကြည့်ရှုသတင်းပို့စနစ်-CMRS ဖြင့် သတင်းပေး ပို့ချက်အရ ၁၀-၂-၂၀၁၉ ရက်နေ့တွင် သာပေါင်းမြို့နယ်သစ်တောဦးစီးဌာနမှ တောအုပ် ဦးသက်ဇော်ဦး ဦးဆောင်သော သစ်တောဝန်ထမ်းများအဖွဲ့နှင့် မြန်မာနိုင်ငံရဲတပ်ဖွဲ့ဝင်များ ပါဝင်သောပူးပေါင်းအဖွဲ့သည် သာပေါင်းမြို့နယ်၊ လှေကြီးတက်အုပ်စု၊ ဘုရားဦးပေါက်ရွာထိပ်၌ တရားမဝင် တောင်သရက်ခွဲသား (၁၈)ချောင်း (၅.၃၀၂၀)တန်နှင့်အတူ တရားခံ (၇)ဦးအား ဖမ်းဆီးရမိခဲ့ပြီး၊ တရားခံများအား ဥပဒေနှင့်အညီ ထိရောက်စွာအရေးယူနိုင်ရေး သာပေါင်းမြို့မရဲစခန်းတွင် အမှုဖွင့် ဆောင်ရွက်လျက်ရှိပါသည်။
၄-၂-၂၀၁၉ နှင့် ၆-၂-၂၀၁၉ ရက်နေ့တို့တွင် ကလေးဝမြို့နယ်သစ်တောဦးစီးဌာနမှ ဦးစီးအရာရှိ ဦးမျိုးအောင် ဦးဆောင်သော သစ်တောဝန်ထမ်းများအဖွဲ့၊ မြန်မာနိုင်ငံရဲတပ်ဖွဲ့ဝင်များ ပါဝင်သောပူးပေါင်း အဖွဲ့သည် မော်လိုက်မြို့နယ်အတွင်း ဝေလောင်ချောင်းဘေး၊ နန့်ဖန်ခါးကြိုးဝိုင်းနှင့် ကိုးတန်ချောင်းဘေးနေရာတို့မှ တရားမဝင် တမလန်းသစ်/ခွဲသား (၅၈)လုံး/ချောင်း (၁၁.၄၃၁၆)တန်အား ပိုင်ရှင်မဲ့ ဖမ်းဆီးရမိခဲ့ပြီး၊ တရားခံများအား စုံစမ်းဖော်ထုတ်၍ ဥပဒေနှင့်အညီ ထိရောက်စွာအရေးယူနိုင်ရေး ဆောင်ရွက်လျက် ရှိပါသည်။