Welcome to Forest Department

No front page content has been created yet.

သတင်းနှင့်ကြေငြာချက်များ

အမျိုးသားမြေအသုံးချမှုမူဝါဒ(မူကြမ်း)အပေါ် ဒုတိယအကြိမ်ကျွမ်းကျင်သူစားပွဲဝိုင်းဆွေးနွေးပွဲ (2nd Expert Round Table Meeting) ကျင်းပမည်

ပထမအကြိမ် ကျွမ်းကျင်သူစားပွဲဝိုင်းဆွေးနွေးပွဲ ရလဒ်များနှင့် ထပ်မံဖြည့်စွက်အကြံပြု ချက်များ၊ စာဖြင့်ရေးသားပေးပို့သည့် အကြံပြုဝေဖန်ချက်များအပေါ် ဆွေးနွေးရန် ဒုတိယ အကြိမ် ကျွမ်းကျင်သူစားပွဲဝိုင်းဆွေးနွေးပွဲကို ၉-၃-၂၀၁၅ ရက်နေ့မှ ၁၁-၃-၂၀၁၅ ရက်နေ့အထိ ရန်ကုန်မြို့၊ ကန်တော်ကြီးပဲလေ့စ်ဟိုတယ်တွင် နေ့စဉ်နံနက် ၀၉:၀၀ နာရီမှ ညနေ ၀၅:၀၀ နာရီ အထိ ကျင်းပပြုလုပ်သွားမည်ဖြစ်ပါသဖြင့် စိတ်ပါဝင်စားသူများအနေဖြင့် ဆွေးနွေးပွဲသို့ တက်ရောက်ဆွေးနွေးလိုပါက ဦးတင်မောင်သန်း၊ ဒုတိယညွှန်ကြားရေးမှူး၊ သစ်တောဦးစီးဌာန၊ နေပြည်တော်၊ ဖုန်း ၀၆၇-၄၀၅၄၂၈၊ ၀၉-၂၆၀၁၁၄၁၅၅၊ Fax; ၀၆၇-၄၀၅၄၂၈ နှင့် ၀၆၇-၄၀၅၄၂၇၊ e-mail: [email protected]သို့ ဆက်သွယ်ပြီး အမည်စာရင်းပေးပို့ နိုင်ကြောင်းနှင့် မတက်ရောက်နိုင်ပါကလည်း အင်တာနက်စာမျက်နှာ http://www.fdmoecaf. gov.mm/law တွင် ဖတ်ရှုလေ့လာပြီး အမျိုးသားမြေအသုံးချမှုမူဝါဒ (မူကြမ်း)အပေါ် အကြံပြု ချက်၊ ဝေဖန်သုံးသပ်ချက်များပေးပို့နိုင်ကြောင်း သတင်းရရှိသည်။

ဒေသခံပြည်သူများ သစ်တောလုပ်ငန်းများ၌ ကိုယ်တိုင်ကိုယ်ကျပူးပေါင်းပါဝင်၍ ပတ်ဝန်းကျင်အခြေအနေကောင်းများဖော်ဆောင်နိုင်ရေး ဒုတိယဝန်ကြီးတွေ့ဆုံအားပေး (၃-၃-၂၀၁၅၊ နေပြည်တော်)

ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာနသည် နိုင်ငံတော်၏ စီးပွား ရေးဖွံ့ဖြိုးတိုးတက်မှုအပေါ် အထောက်အကူဖြစ်စေရန်၊ သဘာဝပတ်ဝန်းကျင် စိမ်းလန်းစိုပြည်၍ ဂေဟစနစ် တည်ငြိမ်စေရေးနှင့် ဒေသခံပြည်သူများ၏ အခြေခံစားဝတ်နေရေးလိုအပ်ချက်များ ဖြည်းဆည်းနိုင်ရေးနှင့် အနာဂတ်အတွက် သဘာဝပတ်ဝန်းကျင်အခြေခံကောင်းများ ဖော်ဆောင် နိုင်ရေးအတွက် ဒေသခံပြည်သူအစုအဖွဲ့ပိုင်သစ်တော လုပ်ငန်းဆိုင်ရာ ညွှန်ကြားချက်များကို ၁၉၉၅ ခုနှစ်တွင်ထုတ်ပြန်ကာ ဒေသခံပြည်သူများအား သစ်တောလုပ်ငန်းများ၌ ကိုယ်တိုင် ကိုယ်ကျ ပူးပေါင်းဆောင်ရွက်နိုင်စေရေး စီစဉ်ဆောင်ရွက်လျက်ရှိကြောင်းသိရသည်။ ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာနသည် သစ်တောပြုစုထိန်း သိမ်းရေးလုပ်ငန်းများကို နှစ်ရှည်၊ နှစ်တိုစီမံကိန်းများရေးဆွဲ ဆောင်ရွက်လျက်ရှိရာ နှစ်(၃၀) သစ်တောကဏ္ဍ ဘက်စုံပင်မစီမံကိန်း၌ ဒေသခံပြည်သူအစုအဖွဲ့ပိုင်သစ်တောများကို ဧက (၂.၂၇) သန်းထိ တည်ထောင်ရန် လျာထားသတ်မှတ်ခဲ့ရာ ယနေ့အထိ ဧရိယာ(၂)သိန်းခန့်ကို အစုအဖွဲ့ ပေါင်း (၈၂၁)ဖွဲ့မှ အဖွဲ့ဝင်ပေါင်း (၃၂၃၇၅)ဦးဖြင့် အကောင်အထည်ဖော် ဆောင်ရွက်လျက်ရှိ ကြောင်းသိရသည်။

ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာန၊ ဒုတိယဝန်ကြီး ဒေါက်တာ သက်သက်ဇင် အား ဂျပန်နိုင်ငံ Eastern Car Liner Ltd. မှ Managing Director ၊ Mr. Katsuyuki Irie ဦးဆောင်သည့် ကိုယ်စားလှယ်အဖွဲ့ လာရောက်တွေ့ဆုံဆွေးနွေးသည့်သတင်း (နေပြည်တော်၊ ၂၆-၂-၂၀၁၅)

ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာန ဒုတိယဝန်ကြီး ဒေါက်တာ သက်သက်ဇင်သည် ဂျပန်နိုင်ငံ Eastern Car Liner Ltd. မှ Managing Director ၊ Mr. Katsuyuki Irie ဦးဆောင်သည့် ကိုယ်စားလှယ်အဖွဲ့အား ယနေ့ (၂၆-၂-၂၀၁၅) ရက်နေ့၊ မွန်းလွဲ (၂:၀၀)နာရီတွင် ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာန၊ ပြည်ထောင်စုဝန်ကြီး ၏ ဧည့်ခန်းမ၌ လက်ခံတွေ့ဆုံဆွေးနွေးသည်။ ဆွေးနွေးပွဲသို့ ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာန၊ သစ်တောဦးစီး ဌာန ညွှန်ကြားရေးမှူးချုပ် ဒေါက်တာညီညီကျော်၊ ပတ်ဝန်းကျင်ထိန်းသိမ်းရေးဦးစီးဌာန ညွှန်ကြား ရေးမှူးချုပ် ဦးနေအေး၊ မြေတိုင်းဦးစီးဌာန ညွှန်ကြားရေးမှူးချုပ် ဦးသန်းလှိုင်နှင့် တာဝန်ရှိသူများ တက်ရောက်ကြသည်။ ထို့သို့ တွေ့ဆုံဆွေးနွေးရာတွင် ဂျပန်နိုင်ငံမှ နိုင်ငံခြားတိုင်းပြည်များသို့ Good Second - Hand မော်တော်ယာဉ်များ တင်ပို့ရာတွင် ဂျပန်နိုင်ငံ၏ စည်းမျဉ်းများနှင့်အညီ စက်ပိုင်းဆိုင်ရာ ကောင်းမွန်ခြင်းနှင့် ပတ်ဝန်းကျင်ထိခိုက်မှုအဆင့် စစ်ဆေးသတ်မှတ်ခြင်းကိစ္စရပ်များ၊ ဂျပန်နိုင်ငံ တွင် မော်တော်ယာဉ်များမှ ကာဗွန်ဒိုင်အောက်ဆိုဒ် ဓာတ်ငွေ့ထုတ်လွှတ်မှုရာခိုင်နှုန်း သတ်မှတ်ထား မှုများ၊ မြန်မာနိုင်ငံ၏ အမျိုးသားပတ်ဝန်းကျင်အရည်အသွေးစံချိန်စံညွှန်းများ၊ လမ်းညွှန်ချက်များ ပေါ်ပေါက်လာရေးအတွက်ဆောင်ရွက်နေမှုများနှင့်ပတ်သက်၍ဆွေးနွေးကြကြောင်းသတင်းရရှိသည်။

မြန်မာနိုင်ငံ ဒေသခံပြည်သူအစုအဖွဲ့ပိုင်သစ်တောတည်ထောင်မှု အရှိန်မြှင့်တင်ခြင်း စီမံကိန်း၏ အမျိုးသားအဆင့် ကနဦးအလုပ်ရုံဆွေးနွေးပွဲ ကျင်းပခြင်းသတင်း (၂၆-၂-၂၀၁၅၊ နေပြည်တော်)

မြန်မာနိုင်ငံ ဒေသခံပြည်သူ အစုအဖွဲ့ပိုင်သစ်တောတည်ထောင်မှု အရှိန်မြှင့်တင်ခြင်း စီမံကိန်း ၏ အမျိုးသားအဆင့် ကနဦးအလုပ်ရုံဆွေးနွေးပွဲ ကျင်းပခြင်း ဖွင့်ပွဲအခမ်းအနားကို ရေဆင်းသုတေ သန၊ စုဝေးခန်းမ၌ ယနေ့ (၂၆-၂-၂၀၁၅) ရက်နေ့၊ နံနက် (၀၈:၃၀) နာရီတွင် ကျင်းပခဲ့ရာ ပတ်ဝန်း ကျင်ထိန်းသိမ်းရေးနှင့် သစ်တောရေးရာဝန်ကြီးဌာန ဒုတိယဝန်ကြီး ဦးအေးမြင့်မောင် တက်ရောက်၍ အဖွင့်အမှာစကားပြောကြားခဲ့သည်။ အလုပ်ရုံဆွေးနွေးပွဲသို့ ပတ်ဝန်းကျင်ထိန်းသိမ်းရေးနှင့် သစ်တောရေးရာ၀န်ကြီးဌာန၊ ဒုတိယ ဝန်ကြီး ဒေါက်တာဒေါ်သက်သက်ဇင်၊ ဝန်ကြီးဌာနလက်အောက်ရှိ ဦးစီးဌာနများမှ ညွှန်ကြားရေးမှူး ချုပ်များ၊ သစ်တောတက္ကသိုလ် ဒုတိယပါမောက္ခချုပ်နှင့် ပါမောက္ခများ၊ အရာရှိကြီးများ၊ RECOFTC မှ ဒေါက်တာတင့်လွင်သောင်းနှင့် ကျွမ်းကျင်သူပညာရှင်များ၊ နော်ဝေးနိုင်ငံသံရုံးမှ ကိုယ်စားလှယ် များ၊ ဆက်စပ်ဌာနအသီးသီးမှ ကိုယ်စားလှယ်များ၊ အစိုးရမဟုတ်သော အဖွဲ့အစည်းများမှ ပုဂ္ဂိုလ် များ၊ ဒေသခံပြည်သူအစုအဖွဲ့ပိုင်သစ်တောလုပ်ငန်း နိုင်ငံအဆင့်လုပ်ငန်းအဖွဲ့ (CFNWG)အဖွဲ့ဝင် များ၊ သုတေသီများနှင့် ဖိတ်ကြားထားသော ဧည့်သည်တော်များ တက်ရောက်ကြပါသည်။

ရတနာဆင်ဖြူတော် ပေါ်ထွန်းလာခြင်းသတင်း (၂၈-၂-၂၀၁၅၊ နေပြည်တော်)

ပတ်ဝန်းကျင်ထိန်းသိမ်းရေးနှင့်သစ်တောရေးရာဝန်ကြီးဌာန၊ မြန်မာ့သစ်လုပ်ငန်းမှ ဒုတိယ အထွေထွေမန်နေဂျာ ဦးထွန်းထွန်းဦး၊ လက်ထောက်အထွေထွေမန်နေဂျာ ဒေါက်တာစည်သူဝမ်ထွန်း တို့ ဦးဆောင်သော အဖွဲ့ဝင်(၁၂)ဦးပါဝင်သည့် အဖွဲ့သည် ဧရာဝတီတိုင်းဒေသကြီး၊ ပုသိမ်မြို့နယ် သလပ်ခွာကြိုးဝိုင်း၊ အကွက်အမှတ်(၈)၊ သစ်ပုတ်ချောင်းဖျားတွင် (၂၇-၂-၂၀၁၅) ရက်နေ့၊ နံနက် (၁၁:၁၅) နာရီ၌ ရတနာဆင်ဖြူတော်ပေါ်ထွန်းကြောင်း သိရှိရပါသည်။

Vacnacy Announcement (Field Office for AFoCo Regional Education and Training Centre)

ASEAN-Korea Forest Cooperation Regional Education and Training Centre (AFoCo RETC) will be established in Myanmar to strengthen the capacity of scientific assessment and management of regional issues on forestry sector as well as academic research in the Southeast Asian Region.
Currently, we are seeking applications from qualified candidates for the post of Assistant Officer with the following terms and conditions.

ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာန၊ ဒုတိယဝန်ကြီး ဦးအေးမြင့်မောင်အား Myanmar Institute for Integrated Development – MIID မှ Executive Director ဖြစ်သူ Mr, Joern Kristensen အား လက်ခံတွေ့ဆုံခြင်း (နေပြည်တော်၊ ၂၆-၂-၂၀၁၅)

ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာန ဒုတိယဝန်ကြီး ဦးအေးမြင့်မောင်အား Myanmar Institute for Integrated Development – MIID မှ Executive Director ဖြစ်သူ Mr. Joern Kristensen ဦးဆောင်သည့်အဖွဲ့သည် ယနေ့ (၂၅-၂-၂၀၁၅ ) ရက်နေ့၊ မွန်းလွဲ (၀၂:၀၀) နာရီတွင် ပတ်ဝန်းကျင်ထိန်းသိမ်းရေး နှင့် သစ်တောရေးရာဝန်ကြီးဌာန၊ သစ်တောဦးစီးဌာန၊ အစည်းအဝေးခန်းမ၌ လာရောက် တွေ့ဆုံဆွေးနွေးသည်။

ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာန၊ ပြည်ထောင်စုဝန်ကြီး ဦးဝင်းထွန်းအား UN-HABITAT မှ Country Programme Manager, Mr. Bijay Karmacharya နှင့် Myanmar Climate Change Alliance - MCCA Programmeမှ Mr.Psaqurale Capizziတို့လာရောက်တွေ့ဆုံ

ပတ်ဝန်းကျင်ထိန်းသိမ်းရေးနှင့်သစ်တောရေးရာဝန်ကြီးဌာန ပြည်ထောင်စုဝန်ကြီး ဦးဝင်းထွန်းသည် UN-HABITAT မှ Country Programme Manager, Mr. Bijay Karmacharya (ဗီဂျေး ကန်မာချာရာ) နှင့် Myanmar Climate Change Alliance - MCCA Programme ၏ Chief Technical Advisor, Mr. Psaqurale Capizzi (ပါစကာလာကာပီစီ) တို့ ပါဝင်သည့် ကိုယ်စားလှယ်အဖွဲ့အား ယနေ့ ၂၅-၂-၂၀၁၅ ရက်နေ့၊ မွန်းလွဲ ၀၂:၀၀ နာရီတွင် ပတ်ဝန်းကျင်ထိန်းသိမ်းရေးနှင့် သစ်တောရေးရာ ဝန်ကြီးဌာန၊ ပြည်ထောင်စုဝန်ကြီး၏ ဧည့်ခန်းမ၌ လက်ခံတွေ့ဆုံဆွေးနွေးသည်။

Pages

more