Welcome to Forest Department
No front page content has been created yet.
သတင်းနှင့်ကြေငြာချက်များ
ရှမ်းပြည်နယ်(တောင်ပိုင်း)၊ နမ့်စန်ခရိုင်၊ နမ့်စန်မြို့နယ်၊ ခိုလမ်မြို့တွင်သစ်တောဦးစီးဌာနမှ သစ်တောနှင့် ဇီဝမျိုးစုံမျိုးကွဲထိန်းသိမ်းရေးဆိုင်ရာ အသိပညာပေးဟောပြောပွဲကို (၁၂.၇.၂၀၂၄)ရက်နေ့၊ နံနက်(၁၀:၀၀)နာရီအချိန်တွင် ခိုလမ်မြို့အခြေခံပညာအထက်တန်း ကျောင်းတွင် ကျင်းပခဲ့ပသည်။ ရှေးဦးစွာ လွိုင်လင်ခရိုင်၊လက်ထောက်ညွှန်ကြားရေးမှူး ဦးအောင်ဇော်မျိုးက အဖွင့်အမှာစကားပြောကြားခဲ့ပြီး သစ်တောများနှင့် ရာသီဥတုပြောင်း လဲမှုလျော့ချရေးနှင့် သစ်တောသစ်ပင် များ၏ကောင်းကျိုးများ အကြောင်းအသိပညာ ပေးပြောကြားပေးခဲ့ပါသည်။
ဆက်လက်၍ လွိုင်လင်မြို့နယ်သစ်တောဦးစီးဌာန၊ ဦးစီးအရာရှိဦးမောင်မျိုးက ရာသီဥတုပြောင်းလဲမှုလျှော့ချရေး၊ ဇီဝမျိုးစုံမျိုးကွဲများအကြောင်း၊ သစ်တောနှင့် ရေဝေရေလဲ ဒေသများ ထိန်းသိမ်းရေးအကြောင်း၊ သစ်တောများကပေးစွမ်းနိုင်သော အကျိုးကျေးဇူးများအကြောင်းတို့ကို အသိပညာပေးဟောပြောကာ မြန်မာနိုင်ငံတွင်ရာသီဥတုပြောင်းလဲမှု ကြောင့် ကြုံတွေ့နေရသော သက်ရောက်မှု impact များကိုဗီဒီယို မှတ်တမ်းဖြင့်ပြသခဲ့ပြီး တက်ရောက်လာသော ဆရာ/ဆရာမ (၁၀)ဦးကျောင်းသား/ကျောင်းသူ(၂၉၀)ဦး၊ မြို့နယ် အုပ်ချုပ်ရေးမှူးနှင့်မြို့မိမြို့ဖ(၄)ဦး စုစုပေါင်း(၃၀၅)ဦးတို့မှ စိတ်ပါဝင်စားစွာကြည့်ရှုခဲ့ ပါသည်။ ထို့နောက် သစ်တောဦးစီးဌာနဝန်ထမ်းများက ကျောင်းဝင်း အတွင်း ကျွန်းပင်(၁၀၀) ပင်ကို ဆရာ၊ဆရာမများ၊ကျောင်းသား/ကျောင်းသူများနှင့် အတူတကွ စိုက်ပျိုးခဲ့ပါကြောင်း သိရှိရပါသည်။
(၁၂.၇.၂၀၂၄)ရက်နေ့ နံနက်(၀၈:၀၀)နာရီအချိန်တွင် ပြည်ခရိုင်၊ ပန်းတောင်းမြို့နယ် ကံမ-ကဒူးပြင်ကားလမ်း မိုင်တိုင်အမှတ် ၂၂/၀ မိုင်၊ လက်ရဲတပ်ကြိုးဝိုင်း၊ အကွက်အမှတ် (၁၁)တွင် Royal Express နှင့်အတူ မိုးရာသီသစ်ပင်စိုက်ပွဲအား ဥက္ကဌ ခရိုင်စီမံအုပ်ချုပ်ရေး အဖွဲ့၊ လက်ထောက်ညွှန်ကြားရေးမှူး သစ်တောဦးစီးဌာန ပြည်ခရိုင်၊ မြို့နယ်စီမံ အုပ်ချုပ် ရေးအဖွဲ့၊ မြို့နယ်ဌာနဆိုင်ရာဝန်ထမ်းများ၊ အရပ်ဖက်အဖွဲ့အစည်းများနှင့်ဒေသခံ ပြည်သူ များ တက်ရောက်အင်အား(၃၆၀)ဦးဖြင့် ကျွန်း(၁၀၀၀)ပင်၊ မန်ဂျန်ရှား(၆၅၀)ပင်၊ ပျဉ်းကတိုး (၅၀)ပင်၊ တမာ(၇၀၀)ပင် စုစုပေါင်း သစ်မျိုး(၄)မျိုး ပျိုးပင်ပေါင်း (၂၄၀၀)ပင် အားစုပေါင်း၍ မိုးရာသီလူထုလှုပ်ရှားမှုအသွင်ဖြင့် စိုက်ပျိုးခဲ့ပါကြောင်း သိရှိရပါသည်။
(၁၂-၇-၂၀၂၄)ရက်နေ့၊ (၀၉:၀၀)နာရီအချိန်တွင ပဲခူးမြို့နယ်၊ အင်းတကော်မြို့၊ ပုဂံဘိုကျေးရွာ မူလတန်းလွန်ကျောင်းဝန်းအတွင်းမြေကွက်လပ်၌ အရိပ်ရပင်နှင့် ပန်းအလှပင်(၈)မျိုး၊ ပျိုးပင်ပေါင်း(၄၀၀)ပင် အားပဲခူးမြို့နယ်၊ သစ်တောဦးစီးဌာနမှ တောအုပ် ဦးအောင်နိုင်အေး(ပါ)သစ်တောဝန်ထမ်း(၃)ဦး၊ အ.မ.က(မူလွန်)ပုဂံဘိုကျောင်းမှကျောင်း အုပ်ဆရာမကြီး ဒေါ်စိုးစိုးအောင်ပါ ဆရာ/ဆရာမ(၇)ဦး၊ ကျောင်းသား/ကျောင်းသူ(၁၂၀)ဦး၊ ကျောင်းအကျိုးဆောင်အဖွဲ့နှင့် ပုဂံဘိုကျေးရွာမှရပ်မိရပ်ဖ(၂၀)ဦး၊ စုစုပေါင်း(၁၅၀)ဦးတို့မှ ကျောင်းဝန်းအတွင်းစုပေါင်း၍ သစ်ပင်များစိုက်ပျိုးပြီးကျောင်းကွက်လပ်ရှိ သစ်ပင်အရိပ်တွင် "မိုးရာသီသစ်ပင်စိုက်ပျိုး၊ပြုစု၊ ထိန်းသိမ်းရေး"အသိပညာပေးဟောပြောပွဲအား ဆက်လက်ကျင်းပပြုလုပ်ခဲ့ပြီး ကျောင်းသား/ကျောင်းသူများအား ကျောင်းသုံးဗလာစာအုပ်များဝေငှခဲ့ပါကြောင်း သိရှိရပါသည်။
ရန်ကုန်တိုင်းဒေသကြီး၊ တိုက်ကြီးမြို့နယ်တွင် သဘာဝပတ် ဝန်းကျင်ကိုထိန်းသိမ်းဖို့ သစ်ပင်စိုက်ပျိုးကြပါစို့ (Talk Show)ဆွေးနွေးပွဲကို (၁၆-၈-၂၄)ရက်နေ့၊ နေ့လည် (၁၄:၀၀) နာရီအချိန်၌ လူထုအခြေပြုဗဟိုဌာန Community Centre ခန်းမတွင်ကျင်းပခဲ့ပြီး တိုက်ကြီးမြို့နယ်၊သစ်တောဦးစီးဌာနမှ(တောအုပ်ကြီး)ဦးသန်းအောင်ထွန်းနှင့် မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်စန်းကလျာခိုင်တို့က သဘာဝပတ်ဝန်းကျင်ကို ထိန်းသိမ်းရန်အတွက် သစ်ပင်များစိုက်ပျိုးရခြင်း ရည်ရွယ်ချက်၊ အကျိုးကျေးဇူးများ၊ သစ်ပင်များပြုစုထိန်းသိမ်းစောင့်ရှောက်ခြင်း၊ သဘာဝပတ်ဝန်းကျင်ထိန်းသိမ်းနိုင်ရေးအတွက် လူထုဖြန့်ပျိုးပင်များအားဖြန့်ဝေစိုက်ပျိုး ဆောင်ရွက်မှုအခြေအနေများနှင့် ပတ်သက်၍ ဆွေးနွေးခဲ့ပါကြောင်းသိရှိရပါသည်။
၁၇-၈-၂၀၂၄ ရက်နေ့၊ (၀၈:၀၀)နာရီအချိန်တွင် ဘားအံမြို့၊ အမှတ်(၁)ဘိလပ်မြေ စက်ရုံ(မြိုင်ကလေး)၌၂၀၂၄ခုနှစ်မိုးရာသီ(ဆဌမအကြိမ်)ပြည်နယ်အဆင့်သစ်ပင်စိုက်ပွဲအခမ်းအနားကျင်းပရာ ပြည်နယ်ဝန်ကြီးချုပ်၊ ပြည်နယ်အစိုးရအဖွဲ့ဝင်ဝန်ကြီးများ၊ ပြည်နယ်အဆင့်ဌာနဆိုင်ရာများ၊ ဘိလပ်မြေစက်ရုံမှအရာရှိနှင့်ဝန်ထမ်းများ၊ ဆရာမများနှင့် ကျောင်းသား/သူများစုစုပေါင်း(၉၀၀)ဦးတက်ခဲ့ပြီး ပိတောက်(၇၄၃)ပင်၊ ကျွန်း(၁၇၉)ပင်၊ မဟော်ဂနီ(၁၆၀)ပင် စုစုပေါင်း(၁၀၈၂)ပင်အားအောင်မြင်စွာစုပေါင်းစိုက်ပျိုးခဲ့ပါကြောင်းသိရှိရပါသည်။
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ၂၀၂၄ ခုနှစ် ၊ မိုးရာသီ သစ်ပင်စိုက်ပျိုးပွဲတော်ကို (၁၂-၇-၂၀၂၄) ရက်နေ့၊ နံနက် (၇:၃၀) နာရီတွင် ပြည်ထောင်စု နယ်မြေ၊ နေပြည်တော်၊ ဒက္ခိဏခရိုင် ၊ လယ်ဝေးမြို့နယ်၊ ရန်အောင်မြင်ကြိုးဝိုင်း၊ အကွက်အမှတ် (၁၆)၊ သဇင်လမ်းဘေးတွင် ကျင်းပပြုလုပ်ရာ သယံဇာတနှင့်သဘာဝပတ်ဝန်းကျင်ထိန်းသိမ်း ရေးဝန်ကြီးဌာန၊ပြည်ထောင်စုဝန်ကြီးဦးခင်မောင်ရီ၊ ဒုတိယဝန်ကြီးဦးမင်းသူ၊ အမြဲတမ်းအတွင်းဝန် နှင့် ဌာနဆိုင်ရာအကြီးအကဲများ၊ ဝန်ကြီးဌာနအောက်ရှိဝန်ထမ်းများ၊ သစ်တောနှင့်ပတ်ဝန်းကျင် ဆိုင်ရာတက္ကသိုလ်မှ ကျောင်းသား/ကျောင်းသူများ စုစုပေါင်းအင်အား (၇၅၀)ဦးတက်ရောက်၍ စုပေါင်းသစ်ပင်စိုက်ပျိုးခဲ့ကြပါသည်။
“နိုင်ငံအဆင့် ဇီဝမျိုးစုံမျိုးကွဲဆိုင်ရာ မဟာဗျူဟာနှင့် လုပ်ငန်းစီမံချက်အား ကူမင်း- မွန်ထရီရယ် ကမ္ဘာ့ဇီဝမျိုးစုံမျိုးကွဲဆိုင်ရာ မူဘောင်နှင့်အညီ ပြင်ဆင်နိုင်ရေးနှင့် စံညွှန်းကိန်းချမှတ်ခြင်းဆိုင်ရာ ကနဦးအကြံပြုအလုပ်ရုံဆွေးနွေးပွဲ”၏ ဖွင့်ပွဲအခမ်းအနား ကို (၁၁-၇-၂၀၂၄)ရက်နေ့၊ နံနက်ပိုင်းတွင် ရွှေနန်းတော်ဟိုတယ်၊ နေပြည်တော်၌ ကျင်းပပြုလုပ်ရာ သစ်တောဦးစီးဌာန၊ ညွှန်ကြားရေးမှူးချုပ် ဒေါက်တာသောင်းနိုင်ဦးက တက်ရောက်အဖွင့်အမှာစကားပြောကြားပါသည်။
သစ်တောမှုများ တရားစွဲဆိုရာတွင် လိုက်နာရမည့် လုပ်ထုံးလုပ်နည်းများ (SOP For Prosecution of Forest Crimes)အတည်ပြုပြဌာန်းနိုင်ရေးအတွက် Brainstorming ဆွေးနွေးပွဲကို (၁၀-၇-၂၀၂၄) ရက်နေ့၊ နံနက်ပိုင်းတွင် သစ်တောဦးစီးရုံးချုပ်၊ အင်ကြင်းခန်းမ၌ကျင်းပပြုလုပ်ရာသစ်တောဦးစီးဌာန၊ညွှန်ကြားရေးမှူးချုပ်ဒေါက်တာသောင်းနိုင်ဦး တက်ရောက်အဖွင့်အမှာစကား ပြောကြားပါသည်။ ညွှန်ကြားရေးမှူးချုပ် ဒေါက်တာသောင်းနိုင်ဦးက ယခုကျင်းပသော ဆွေးနွေးပွဲသည် သစ်တောဦးစီးဌာနနှင့်ကိုရီးယားသစ်တောဌာန(KFS)တို့ ပူးပေါင်းကျင်းပပြုလုပ် ခြင်းဖြစ်ပါကြောင်း၊ သစ်တောဦးစီးဌာနမှ ဆောင်ရွက်နေသော သစ်တောပြုစု ထိန်းသိမ်းရေးလုပ်ငန်းနှင့် မူဝါဒကို အားလုံးသိရှိပြီးဖြစ်ပါကြောင်း၊ နည်းပညာပိုင်းအရ သစ်တောများကို ပြုစုထိန်းသိမ်းခြင်းလုပ်ငန်းဆောင်ရွက်သကဲ့သို့ ဥပဒေ၊ လုပ်ထုံး လုပ်နည်းများ ကိုင်တွယ်၍လည်း ဆောင်ရွက်ရပါကြောင်း၊ ဝန်ထမ်းများသည် ဥပဒေ၊ လုပ်ထုံးလုပ်နည်း များကို ကျွမ်းကျင်ဖို့လိုအပ်သကဲ့သို့ သစ်တောအမှုများ တရားစွဲဆိုရာတွင်လည်း ဒေသတစ်ခုနှင့် တစ်ခုကွဲပြားမှုမရှိဘဲ ဆောင်ရွက်နိုင်ရေး အထူးအရေးကြီးပါကြောင်း၊ ယခုတက်ရောက်သူအားလုံးမှ မိမိတို့၏ အတွေ့အကြုံများအပေါ် အခြေခံပြီး ပွင့်ပွင့်လင်းလင်း တင်ပြဆွေးနွေး ကြစေလိုပါကြောင်းပြောကြားပါသည်။